《押韻啟應詩篇》

 | | | 轉寄

台語押韻啟應詩篇 19

作者 Tīⁿ Jî-gio̍k 2006.05.14

1a　Tsiah-ê thiⁿ kóng khí Siōng-tè ê îng-kng;
　　諸　些天　講　起　上　帝的榮　光，
1b　　　Kiong-tshong pò-iông I ê tshiú só͘ tsuè--ê tsiâu-tsn̂g.
　　　　穹　蒼　報　揚　祂的手　所　做　的齊　全 。

2a　Tsit-ji̍t tuì hit-ji̍t huat-tshut giân-gú,
　　此　日　對　彼　日　發　出　言　語，
2b　　　Tsit-mî tuì hit-mî thuân-tshut tsai-bat kî -sū .
　　　　此　暝　對　彼暝　傳　出　知　識　奇事。

3a　Bô giân bô gú tsiah hi-kî ,
　　無 言 無 語 此 稀 奇，
3b　　　In ê siaⁿ bô thang thiaⁿ--kìⁿ.
　　　　伊 的 聲 無 通 聽 見。

4a　In ê tsún-tsîn piàn tī thiⁿ-ē bān-pang,
　　伊 的 準 繩 遍 在 天 下 萬 邦 ，
　　in ê giân-gú kàu tī tuē-ki̍k ê hī-khang,
　　伊 的 言 語 到 在 地 極 的 耳 孔 ，
4b　　　Siōng-tè tī in tiong-kan uī-tio̍h ji̍t-thâu an-tì tiùⁿ-pâng.
　　　　上 帝 在 伊 中 間 為 著 日 頭 安 置 帳 房。

5a　Ji̍t-thâu tshin-tshiūⁿ sin-kiáⁿ-sài tshut i ê pâng,
　　日 頭 親 像 新 子 婿 出 他 的 房 ，
5b　　　Ia̍h tshin-tshiūⁿ bíng-ióng ê lâng huaⁿ-hí tsáu i ê lō͘ ,
　　　　亦 親 像 猛 勇 的 人 歡 喜 走 他的 路，
　　　　khin-khin sang-sang.
　　　　輕 輕 鬆 鬆。

6a　I tshut tuì thiⁿ ê tsit-pîng,
　　它出 對 天 的 此 邊，
6b　　　Se̍h kàu thiⁿ ê hit-pîng.
　　　　繞 到 天 的 彼 邊。

6c　Bô tsi̍t-hāng mi̍h khǹg-ba̍t,
　　無 一 項 物 藏 密，
6d　　　Bô tit-tio̍h i jia̍t-khì ê la̍t .
　　　　無 得 著 它 熱 氣 的 力。

7a　Iâ-hô-hua ê lu̍t-huat tsiâu-tsn̂g,
　　耶 和 華 的 律 法 齊 全 ，
7b　　　Uē hō͘ lâng ê sim-sîn ua̍h-khí--lâi kui ǹg .
　　　　會 使 人 的 心 神 活 起 來 歸 向。

7c　Iâ-hô-hua ê kan-tsìng khak-si̍t,
　　耶 和 華 的 干 証 確 實，
7d　　　Uē hō͘ gōng-lâng ū tì-huī buē gōng-ti̍t.
　　　　會 使 憨 人 有 智慧 不 憨 直。

8a　Iâ-hô-hua ê tsìng-ti̍t kà-sī ,
　　耶 和 華 的 正 直 教 示，
8b　　　Uē hō͘ lâng ê sim huaⁿ-hí .
　　　　會 使 人 的 心 歡 喜。

8c　Iâ-hô-hua ê tshing-kiat bīng-līng,
　　耶 和 華 的 清 潔 命 令，
8d　　　Uē hō͘ lâng ê ba̍k-tsiu kng-bîng.
　　　　會 給 人 的 目 珠 光 明。

9a　Kìng-uì Iâ-hô-hua ê tō -lí sī tshing-khì,
　　敬 畏 耶 和 華 的 道 理 是 清 氣，
9b　　　Íng-uán tsûn-tsāi ê tsin-lí .
　　　　永 遠 存 在 的 真 理。

9c　Iâ-hô-hua ê phuàⁿ-tuàn tsin-si̍t,
　　耶 和 華 的 判 斷 真 實，
9d　　　It-khài sī kong-gī tsìng-ti̍t.
　　　　一 概 是 公 義 正 直。

10a　Pí kim, pí tsuē-tsuē hó kim, khah thang him-bō͘ tī sim;
　　比 金， 比 多 多 好 金， 較 通 欣 慕 在 心；
10b　　　Pí bi̍t, pí phang-pâng tih--lo̍h--lâi ê bi̍t khah tiⁿ thang lim.
　　　比 蜜，比 蜂 房 滴 落 來 的 蜜 較 甜 通 飲。

11a　Koh Lí ê lô͘-po̍k tuì tsiah-ê siū kíng-kài;
　　又 　Ｌｉ２ 的 奴 僕 對 這 些 受 警 戒；
11b　　　Siú tsiah-ê ū tuā siúⁿ-sù ê tsû-ài .
　　　　守 這 些 有 大 賞 賜 的 慈 愛。

12a　Siáⁿ-lâng uē tsai i ê sit-tshò bê-sit ?
　　誰 人 會 知 他 的 失 錯 迷 失？
12b　　　Kiû Lí tû-khì guá àm-tsīⁿ ê kè-sit.
　　　　求 lí 除 去 我 暗 靜 的 過 失。

13a　Kiû Lí tsó͘-tsí Lí ê lô͘-po̍k,
　　求 Ｌｉ２　 阻 止　Ｌｉ２ 的 奴 僕，
13b　　　Bô kò͘ -ì huān-tsuē;
　　　　無 故 意 犯 罪；

13c　M̄-tsún hit-ê tsuē-ok ,
　　不 准 彼 個 罪 惡，
13d　　　Kuán-hat guá huān-tsuē,
　　　　管 轄 我 犯 罪，

13e　Guá tsiū uân-tsuân siú iok-sok,
　　我 就 完 全 守 約 束，
13f　　　Bián huān tuā-tsuē siū tsik-tok.
　　　　免 犯 大 罪 受 責 督。

14a　Iâ-hô-hua guá ê tsio̍h-puâⁿ ah ,
　　耶 和 華 我 的 石 磐 啊，
14b　　Kiù-sio̍k guá ê Tsú ah ;
　　　　救 贖 我 的 主 啊；

14c　Guān guá ê tshuì só͘ kóng--ê , sim só͘ siūⁿ--ê ,
　　願 我 的 嘴 所 講 的，心 所 想 的，
14d　　　Tī Lí ê bīn-tsîng tit-tio̍h tsiap-la̍p bô thè.
　　　　在 Ｌｉ２的 面 前 得 著 接 納 無 退。