《押韻啟應詩篇》

 | | | 轉寄

台語押韻啟應詩篇 2

作者 Tīⁿ Jî-gio̍k 2006.01.08

1a　Lia̍t-pang siáⁿ-sū suan-hua,
　　列 邦 甚 事 喧 嘩，
1b　　　Tsìng peh-sìⁿ siáⁿ-sū kè-bô͘ khang-khang ê sū lâi huah?
　　　　眾 百 姓 甚 事 計 謀 空 空 的 事 來 喝 ？

2a　Sè-tsiūⁿ ê kun-ông khiā--khí--lâi ,
　　世 上 的 君 王 站 起 來，
2b　　　Tsiáng kuân-pìng--ê saⁿ -kap kiat--khí--lâi .
　　　　掌 權 柄 者 相 與 結 起 來。

2c　Beh tí -ti̍k Iâ-hô-hua,
　　要 抵 敵 耶 和 華，
2d　　　Iā tí -ti̍k I ê siū buah-iû--ê lâi tsū-khua.
　　　　也 抵 敵 祂 的 受 抹 油 者 來 自 誇。

3a　Kóng, lán tio̍h pak-khui in kā lán kuà--ê kê ,
　　講 ， 咱 著 剝 開 伊 給 咱 掛 的 枷，
3b　　　Hiat-ka̍k in ê soh lo̍h tē .
　　　　棄 擲 伊 的 索 落 地。

4a　Tsē tī thiⁿ-tíng--ê beh tshiò,
　　坐 在 天 頂 的 要 笑 ，
4b　　　Tsú beh biáu-sī in teh tiô.
　　　　主 要 藐 視 伊 在 (fa6b)。

5a　Hit-sî I beh tī I ê siū-khì-tiong lâi tuì-hù in ,
　　彼 時 祂 要 在 祂 的 怒 氣 中 來 對 付 伊，
5b　　　Tī I ê tuā khióng-pò͘ ê siū-khì lâi tí -tng in .
　　　　在 祂 的 大 恐 怖 的 怒 氣 來 抵 擋 伊。

6a　Tsú kóng, Guá ka-kī í- king siat-li̍p ông,
　　主 講 ， 我 自 己 已 經 設 立 王，
6b　　　Tī Sik-an , Guá ê sìng-suaⁿ hō͘ i tsun-tsông.
　　　　在 錫 安， 我 的 聖 山 使 他 尊 崇。

7a　Guá beh thuân sìng-tsí ,
　　我 要 傳 聖 旨，
7b　　　Iâ-hô-hua bat kā guá kóng-khí,
　　　　耶 和 華 曾 給 我 講 起：

7c　Lí sī Guá ê kiáⁿ-jî ,
　　你 是 我 的 子 兒，
7d　　　Guá kin-á -ji̍t siⁿ lí .
　　　　我 今 仔 日 生 你。

8a　Lí kiû Guá, Guá tsiū tsiong lia̍t-pang hō͘ lí tsuè ki-gia̍p;
　　你 求 我， 我 就 將 列 邦 給 你 做 基 業；
8b　　　Tsiong tuē ê ki̍k-thâu hō͘ lí tsuè sán-gia̍p.
　　　　將 地 的 極 頭 給 你 做 產 業。

9a　Lí beh īng thih-kuái tsiong lia̍t-ông kòng--lo̍h-khì,
　　你 要 用 鐵 柺 將 列 王 摃 落 去，
9b　　　Beh kòng-tshuì in tshin-tshiūⁿ sio-huî-lâng ê huî-khì.
　　　　要 摃 碎 伊 親 像 燒 磁 人 的 磁 器。

10a　Taⁿ lín lia̍t-ông tio̍h ū tì-huī kìng-pài;
　　今 恁 列 王 當 有 智 慧 敬 拜；
10b　　　Lín sè-tsiūⁿ ê sím-phuàⁿ-kuaⁿ tio̍h siū kíng-kài.
　　　　　恁 世 上 的 審 判 官 當 受 警 戒。

11a　Tio̍h īng kìng-uì lâi ho̍k-sāi Iâ-hô-hua,
　　著 用 敬 畏 來 服 事 耶 和 華，
11b　　　Tio̍h īng kiaⁿ-hiâⁿ lâi huaⁿ-hí tshiùⁿ-kua.
　　　　著 用 驚 惶 來 歡 喜 唱 歌。

12a　Tio̍h īng tshuì tsim Sìng-Kiáⁿ,
　　著 用 嘴 親 聖 子，
12b　　　Kiaⁿ-liáu I siū-khì huat-siaⁿ,
　　　　驚 了 祂 怒 氣 發 聲，

12c　Lín tsiū bia̍t-bô tī lō͘-tiong bô-miā.
　　恁 就 滅 亡 在 路 中 無 命。
12d　　　In-uī I ê siū-khì beh kín-kín huat- tshut, tòng buē tiāⁿ.
　　　　因 為 祂 的 怒 氣 要 緊 緊 發 出 ， 擋 不 定。

12e　Huān-nā uá-khò I ê lâng,
　　凡 若 倚 靠 祂 的 人，
12f　　　Lóng sī ū hok-khì ê lâng.
　　　　攏 是 有 福 氣 的 人。