《押韻啟應詩篇》

 | | | 轉寄

台語押韻啟應詩篇 31

作者 Tīⁿ Jî-gio̍k　 鄭兒玉　編著 2006.08.06

Tāu-pi̍t ê si; kau hō͘ Ga̍k-kuaⁿ.

1a　Iâ-hô-hua ah, guá uá-khò Lí teh ua̍h,
　　耶 和 華　啊，我　倚　靠　ＬＩ２在　活，
1b　　　Kiû Lí hō͘ guá íng-íng bô kiàn-siàu ū i- uá .
　　　　求　Ｌｉ２ 使　我　永 永　無　見 誚　有 依 倚。

(齊聲)　CHIAU3 LÍ Ê KONG-GĪ CHIN2-KIÙ GOÁ.
　　　　照　Ｌｉ２的 公　義　拯　救　我。


2a　Kiû Lí àⁿ hī-khang thiaⁿ guá, kín-kín lâi kiù guá;
　　求　Ｌｉ２俯 耳 孔 聽 我， 緊 緊 來 救 我；
2b　　　Tsuè guá kian-kò͘ ê tsio̍h-puâⁿ, tsuè uē-só͘ tsín-kiù guá.
　　　　做 我 堅 固 的 石 磐 ， 做 衛 所 拯 救 我。


3a　In-uī Lí sī guá ê suaⁿ-giâm, guá ê suaⁿ-tsē teh pó-hō͘ guá.
　　因 為Ｌｉ２是 我 的 山 巖 ， 我 的 山 寨 在 保 護 我。
3b　　　Só͘-í kiû Lí in-uī Lí ê miâ lâi ín-tshuā guá, tsí-tiám guá.
　　　　所以 求　Ｌｉ２因 為Ｌｉ２的 名 來 引 導 我， 指 點 我。


4a　Lâng àm-tsīⁿ tiuⁿ lô-bāng beh bāng guá hō͘ sí ,
　　人 暗 靜 張 羅 網 要 網 我 使 死，
4b　　　Kiû Lí kiù guá thuat-lī ; In-uī Lí sī guá ê uē-só͘ thang siám-pī .
　　　　求 　Ｌｉ２救 我 脫 離; 因 為Ｌｉ２是 我 的 衛 所 通 閃 避


5a　Guá tsiong guá ê lîng-hûn kau tī Lí ê tshiú;
　　我 將 我 的 靈 魂 交 在Ｌｉ２的 手；
5b　　　Iâ-hô-hua tsin-si̍t ê Siōng-tè ah , Lí ū kiù-sio̍k guá lâi tsín-kiù.
　　　　耶 和 華 真 實 的 上 帝 啊，Ｌｉ２有救 贖 我 來 拯 救。


6a　Guá uàn-hūn hiah-ê sìn-hōng hu-ké ê lâng;
　　我 怨 恨 那 些 信 奉 虛 假 的 人；
6b　　　To̍k-to̍k guá uá-khò Iâ-hô-hua bô làng.
　　　　獨 獨 我 倚 靠 耶 和 華 無 閬。


7a　Guá in-uī Lí ê tsû-ài beh huaⁿ-hí khuài-lo̍k bô hān,
　　我 因 為Ｌｉ２的 慈 愛 要 歡 喜 快 樂 無 限，
7b　　　In-uī Lí ū khuàⁿ-kìⁿ guá ê kan-khó͘ lo̍h-lān,
　　　　因 為Ｌｉ２有 看 見 我 的 艱 苦 落 難，
　　　　tsai guá sim-sîn ê kan-lân.
　　　　知 我 心 神 的 艱 難。


8a　Lí bē bat tsiong guá kau tī tuì-ti̍k ê tshiú siū hāi,
　　Ｌｉ２未 曾 將 我 交 在 對 敵 的 手 受 害，
8b　　　Lí hō͘ guá ê kha khiā tī khui-khuah ê só͘-tsāi.
　　　　Ｌｉ２使 我 的 腳 立 在 開 闊 的 所 在 。


9a　Iâ-hô-hua ah, guá tī huān-lān tiong,
　　耶 和 華 啊，我 在 患 難 中 ，
9b　　　Kiû Lí lîn-bín guá ê khó͘-tiong.
　　　　求　Ｌｉ２憐 憫 我 的 苦 衷 。


9c　Guá ê ba̍k-tsiu in-uī iu-būn phah-pháiⁿ,
　　我 的 目 珠 因 為 憂 悶 打 壞，
9d　　　Guá ê sim-sîn, guá ê sin-thé, ia̍h sī án-ni ti̍t-ti̍t -bái.
　　　　我 的 心 神， 我 的 身 體，亦 是 按 呢 直 直 壞。


10a　Guá ê sìⁿ-miā in-uī iu-khó͘ lâi siau-bô--khì.
　　我 的 性 命 因 為 憂 苦 來 消 無 去。
10b　　　Guá ê nî-hè uī-tio̍h thó͘-khuì ia̍h án-ni ;
　　　　我 的 年 歲 為 著 嘆 氣 亦 按 呢；


10c　Guá ê khuì-la̍t in-uī guá ê tsuē-ok lâi sue-lám;
　　我 的 氣 力 因 為 我 的 罪 惡 來 衰 弱；
10d　　　Guá ê kut-thâu ia̍h ko͘-tâ am-tsam.
　　　　我 的 骨 頭 亦 枯 乾 腌 慘 。


11a　Guá in-uī guá it-tshè ê tuì-ti̍k, tsiâⁿ-tsuè lîng-jio̍k;
　　我 因 為 我 一 切 的 對 敵，成 做 凌 辱；
11b　　　Tī guá ê tshù-piⁿ-tau koh khah siong-tiōng siū bú-jio̍k;
　　　　在 我 的 厝 邊 兜 又 較 傷 重 受 侮 辱；


11c　Hiah-ê bat guá ê lâng lóng kiaⁿ guá;
　　那 些 識 我 的 人 攏 驚 我；
11d　　　Tī guā-bīn khuàⁿ-kìⁿ guá ê lâng tsáu-siám lī-khui guá.
　　　　在 外 面 看 見 我 的 人 走 閃 離 開 我。


12a　Guá tshin-tshiūⁿ sí-lâng hō͘ lâng buē kì-tit kì-liām,
　　我 親 像 死 人 讓 人 未 記 得 紀 念，
　　bô lâng teh siàu-liām;
　　無 人 在 思 念；
12b　　　Guá tshin-tshiūⁿ phuà-tshuì ê khì-kū tshuì-iâm-iâm.
　　　　我 親 像 破 碎 的 器 具 碎 奄 奄。


13a　In-uī guá thiaⁿ-kìⁿ tsuē-tsuē lâng ê huí-pòng,
　　因 為 我 聽 見 多 多 人 的 毀 謗，
13b　　　Sì- uî lóng ū ui-hia̍p teh kóng.
　　　　四 圍 攏 有 威 脅 在 講。


13c　In saⁿ-kap tsham-siông kong-kik guá ê sî ,
　　伊 相 與 參 詳 攻 擊 我 的 時，
13d　　　Tsiū kè-bô͘ beh hāi guá ê sìⁿ-miā hō͘ sí .
　　　　就 計 謀 要 害 我 的 性 命 使 死。


14a　Iâ-hô-hua ah , guá iû-guân uá-khò Lí bô thè.
　　耶 和 華 啊，我 猶 原 倚 靠　Ｌｉ２無 退。
14b　　　Guá kóng, Lí sī guá ê Siōng-tè .
　　　　我 講，　Ｌｉ２是 我 的 上 帝。


15a　Guá ê tso-gū tī Lí ê tshiú;
　　我 的 遭 遇 在　Ｌｉ２的 手 ；
15b　　　Kiû Lí kiù guá thuat-lī guá ê tuì-ti̍k ê tshiú,
　　　　求　Ｌｉ２救 我 脫 離 我 的 對 敵 的 手，
　　　　í -ki̍p khún-pik guá ê lâng ê ín -iú .
　　　　以 及 逼 迫 我 的 人 的 引 誘。


16a　Kiû Lí hō͘ Lí ê bīn tsiò kng Lí ê lô͘-po̍k;
　　求　ＬＩ２使 　Ｌｉ２的 面 照 光　Ｌｉ２的 奴 僕；
16b　　　Tsiàu Lí ê tsû-ài tsín-kiù guá ê iok-sok.
　　　　照　Ｌｉ２的 慈 愛 拯 救 我 的 約 束。


17a　Iâ-hô-hua ah, kiû Lí hō͘ guá bô kiàn-siàu;
　　耶 和 華 啊，求　Ｌｉ２使 我 無 見 誚；
17b　　　In-uī guá ū kiû-kiò Lí .
　　　　因 為 我 有 求 叫　Ｌｉ２。


17c　Kiû Lí hō͘ pháiⁿ-lâng kiàn-siàu,
　　求　Ｌｉ２ 使 歹 人 見 誚，
17d　　　Hō͘ in tī im-kan tsīng-tsauh-tsauh teh bih .
　　　　使 伊 在 陰 間 靜 寂 寂 在 匿。


18a　Guān Lí hō͘ hiah-ê pe̍h-tsha̍t ê tshuì piàn é -káu;
　　願　Ｌｉ２使 那 些 白 賊 的 嘴 變 啞 巴；
18b　　　Tsiū-sī kiau-ngō͘ khuàⁿ-khin,
　　　　就 是 驕 傲 看 輕，
　　　　lām-sám bú-bān gī-lâng--ê tshuì-kháu.
　　　　濫 糝 侮 慢 義 人 的 嘴 口。


19a　Kìng-uì Lí ê lâng ê tsē-uī ,
　　敬 畏Ｌｉ２ 的 人 的 座 位，
19b　　　Lí uī-tio̍h in ū tsik-tsū ê un-huī,
　　　　Ｌｉ２為 著 伊 有 積 聚 的 恩 惠，


19c　Uī-tio̍h uá-khò Lí ê lâng hián-bîng,
　　為 著 倚 靠　Ｌｉ２的 人 顯 明，
19d　　　Tī sè-kan-lâng ê bīn-tsîng.
　　　　在 世 間 人 的 面 前。


19e　Só͘ si -hîng ê un-huī,
　　所 施 行 的 恩 惠，
19f　　　Tsáiⁿ-iūⁿ hiah tuā -tui !
　　　　怎 樣 許 大 堆！


20a　Lí beh tsiong in khǹg tī Lí ê bīn-tsîng ún-ba̍t ê só͘-tsāi;
　　Ｌｉ２　要 將 伊 放 在Ｌｉ２ 的 面 前 隱 密 的 所 在；
20b　　　Bián-tì tú-tio̍h lâng ê kè-bô͘ hām-hāi;
　　　　免 致 遇 到 人 的 計 謀 陷 害；


20c　Lí beh àm-tsīⁿ pó-siú in tī tiùⁿ-uî-lāi,
　　Ｌｉ２　要 暗 靜 保 守 伊 在 帳 圍 內，
20d　　　Bián siū tshuì-tsi̍h ê tsing-piān, hō͘ in bô gāi.
　　　　免 受 嘴 舌 的 爭 辯， 使 伊 無 礙。


21a　Iâ-hô-hua sī ing-kai o -ló ê tsú-tsáiⁿ.
　　耶 和 華 是 應 該 讚 美 的 主 宰 。
21b　　　In-uī I tī kian-kò͘ ê siâⁿ tuì guá si-tshut I kî-biāu ê tsû-ài.
　　　　因 為 祂 在 堅 固 的 城 對 我 施 出 祂 奇 妙 的 慈 愛。


22a　Lūn-kàu guá, guá bat tio̍h-kip kóng khí,
　　論 到 我， 我 曾 著 急 講 起：
22b　　　Tuì Lí ê ba̍k-tsiu-tsîng, guá siū keh-tn̄g kiaⁿ-hiâⁿ.
　　　　從　Ｌｉ２ 的 目 珠 前 ， 我 受 隔 斷 驚 惶。


22c　Tsóng-sī guá kiû-kiò Lí ê sî ,
　　總 是 我 求 叫　Ｌｉ２的 時，
22d　　　Lí iû-guân thiaⁿ guá khún-kiû ê siaⁿ.
　　　　Ｌｉ２ 猶 原 聽 我 懇 求 的 聲。


23a　Iâ-hô-hua sìng ê peh-sìⁿ,
　　耶 和 華 聖 的 百 姓，
23b　　　Lín lóng tio̍h thiàⁿ I ;
　　　　恁 攏 當 愛 祂；


23c　Iâ-hô-hua pó-siú sîng-si̍t ê lâng,
　　耶 和 華 保 守 誠 實 的 人，
23d　　　Tāng-tāng pò-ìng kiâⁿ kiau-ngō͘ ê lâng.
　　　　重 重 報 應 行 驕 傲 的 人。


24a　Kìⁿ-nā ǹg-bāng Iâ-hô-hua ê lâng,
　　凡 若 盼 望 耶 和 華 的 人，
24b　　　Lín tio̍h tsòng-táⁿ, lín ê sim tio̍h kian-kò͘ bô làng.
　　　　恁 當 壯 膽， 恁 的 心 當 堅 固 無 閬。