《押韻啟應詩篇》

 | | | 轉寄

台語押韻啟應詩篇 32

作者 Tīⁿ Jî-gio̍k 2006.08.13

Tāi-pi̍t ê kà-sī ê si.

1a　Kè-sit tit-tio̍h sià-bián--ê , tsuē-kuà tit-tio̍h jia-khàm--ê ,
　　過　失　得 到　赦 免　的，罪　過　得 到　遮　蓋　的，
1b　　　Tse lâng ū hok-khì.
　　　　這　人　有 福　氣。


2a　Iâ-hô-hua bô sǹg i tsuè ū tsuē--ê , i ê sim bô kan-tsà--ê ,
　　耶 和 華　無　算　他 做　有 罪　的，他的 心　無 奸 詐　的，
2b　　　Tse lâng ū hok-khì.
　　　　這　人　有 福　氣。


3a　Guá tsīng-tsīng ê sî , guá ê kut-thâu ko͘-tâ o͘ -áu;
　　我 靜 靜 的 時，我 的 骨 頭 枯 乾 黑 殠；
3b　　　In-uī guá thong-ji̍t tuā-siaⁿ háu.
　　　　因 為 我 通 日 大 聲 哭。


4a　In -uī mî-ji̍t Lí ê tshiú tāng-tāng tshi̍h guá;
　　因 為 暝 日　Ｌｉ２的 手 重 重 扼 我；
4b　　　Guá ê tsing-i̍k pìⁿ tshin-tshiūⁿ jua̍h-thiⁿ ê ta -sò .
　　　　我 的 精 液 變 親 像 熱 天 的 乾 燥。


5a　Guá tuì Lí pâi-lia̍t guá ê tsuē-kuà,
　　我 對　Ｌｉ２ 排 列 我 的 罪 過，
5b　　　Guá ê tsuē-ok bô ún-muâ;
　　　　我 的 罪 惡 無 隱 瞞；


5c　Guá kóng, guá beh tuì Iâ-hô-hua sîng-jīn guá ê kè-sit;
　　我 講 ， 我 要 對 耶 和 華 承 認 我 的 過 失；
5d　　　Lí tsiū sià-bián guá huān-huat ê tsuē, kā i buē kì-tit .
　　　　Ｌｉ２　就 赦 免 我 犯 法 的 罪 ，將 它 不 記 得。


6a　In -uī án-ni , kìⁿ-nā khiân-sîng ê kiáⁿ-jî ,
　　因 為 按 呢，凡 若 虔 誠 的 子 兒，
6b　　　Tī thang tshē-tio̍h Lí ê sî , tsiū kî-tó Lí .
　　　　在 通 找 著　Ｌｉ２的 時，就 祈 禱　Ｌｉ２。


6c　Tuā-tsuí huàn-lām ê sî ,
　　大 水 氾 濫 的 時，
6d　　　Tik-khak buē kàu i hia im i .
　　　　的 確 未 到 他 處 淹 他。


7a　Lí sī guá siám-bih ê kuà,
　　Ｌｉ２　是 我 閃 躲 的 蓋，
7b　　　Lí beh pì -iū guá thuat-lī, kan-khó͘ tsiū siau-suàⁿ;
　　　　Ｌｉ２　要 庇 祐 我 脫 離，艱 苦 就 消 散；
　　　　Lí beh īng tit-kiù ê kua sì-bīn uî guá.
　　　　Ｌｉ２　要 用 得 救 的 歌 四 面 圍 我。


8a　Guá beh kà -sī lí tsí-sī lí ,
　　我 要 教 示 你 指 示 你，
8b　　　Tī ing-kai kiâⁿ ê lō͘--ni̍h;
　　　　在 應 該 行 的 路 裡；


8c　Guá beh tsù-ba̍k khuàⁿ lí ,
　　我 要 注 目 看 你，
8d　　　Lâi khuàn-kài lí .
　　　　來 勸 戒 你。


9a　M̄- thang tshin-tshiūⁿ bé , lô , bô tì-sik lâi tsuè-tīn,
　　不 通 親 像 馬、騾，無 智 識 來 做 陣，
9b　　　Tio̍h īng bé -kā-kiuⁿ bé-li̍k-soh iok-sok--in ,
　　　　當 用 馬 咬 韁、 馬 勒 索 約 束 伊，
　　　　nā bô , in tsiū m̄ tuì lí uá -kīn.
　　　　若 無，伊 就 不 跟 你 倚 近。


10a　Pháiⁿ-lâng siū tsuē-tsuē khó͘-lān, Tsú khó͘-tshó͘ i ,
　　歹 人 受 多 多 苦 難，主 苦 楚 他，
10b　　　To̍k-to̍k uá-khò Iâ-hô-hua ê lâng beh ū tsû-ài sì -bīn uî i .
　　　　獨 獨 倚 靠 耶 和 華 的 人 要 有 慈 愛 四 面 圍 他。


11a　Lín gī-lâng ah , tio̍h in-uī Iâ-hô-hua lâi huaⁿ-hí khuài-lo̍k;
　　恁 義 人 啊，著 因 為 耶 和 華 來 歡 喜 快 樂；
11b　　　Sim tsìng-ti̍t ê lâng ah,
　　　　心 正 直 的 人 啊，
　　　　lín tio̍h tshut huaⁿ-hí ê siaⁿ siū tsiok-hok.
　　　　恁 著 出 歡 喜 的 聲 受 祝 福。