《押韻啟應詩篇》

 | | | 轉寄

台語押韻啟應詩篇 35

作者 Tīⁿ Jî-gio̍k 2006.09.03

Tāi-pit ê si.

1a　Iâ-hô-hua ah , kap guá saⁿ-tsiⁿ--ê ,
　　耶 和 華　啊， 與　我　相　爭　的，
1b　　　Kiû Lí kap in saⁿ-tsiⁿ;
　　　　求　Ｌｉ２ 與　伊　相　爭；


1c　Kap guá kau-tsiàn--ê ,
　　與　我　交　戰　的，
1d　　　Kiû Lí kap in kau-tsiàn.
　　　　求　Ｌｉ２ 與　伊　交　戰。


2a　The̍h tuā -suè ê tîn-pâi,
　　拿　大　小　的 盾　牌，
2b　　　Khí-lâi pang-tsān guá bián siū-hāi.
　　　　起　來　幫　助　我　免　受　害。


3a　Thiu-tshut tshiuⁿ tsó͘-tsí hiah-ê tui-kuáⁿ guá--ê ;
　　抽 出 槍 阻 止 那 些 追 趕 我 的；
3b　　　Tuì guá ê sîn-hûn kóng ,” Guá sī tsín-kiù lí--ê .”
　　　　對 我 的 神 魂 說： 「 我 是 拯 救 你 的。」


4a　Guān hiah-ê siàu-siūⁿ guá ê sìⁿ-miā ê lâng siū kiàn-siàu lîng-jio̍k;
　　願 那 些 肖 想 我 的 性 命 的 人 受 見 誚 凌 辱；
4b　　　Guān hiah-ê kè-bô͘ hāi guá ê lâng
　　　　願 那 些 計 謀 害 我 的 人
　　　　ua̍t-tò-tńg làu-khuì siū bú-jio̍k.
　　　　越 倒 轉 漏 氣 受 侮 辱。


5a　Guān in tshin-tshiūⁿ hong tshe ê tsho͘-khng;
　　願 伊 親 像 風 吹 的 粗 糠；
5b　　　Ū Iâ-hô-hua ê sù-tsiá teh kuáⁿ in khì hn̄g-hn̄g.
　　　　有 耶 和 華 的 使 者 在 趕 伊 去 遠 遠。


6a　Guān in só͘ kiâⁿ--ê , àm koh ku̍t ê lō͘ -bīn,
　　願 伊 所 行 的，暗 又 滑 的 路 面，
6b　　　Ū Iâ-hô-hua ê sù-tsiá teh kuáⁿ in .
　　　　有 耶 和 華 的 使 者 在 趕 伊。
7a　In -uī in bô in-tuaⁿ, uī guá àm-siat lô-bāng tī khiⁿ-lāi ,
　　因 為 伊 無 因 端， 為 我 暗 設 羅 網 在 坑 內，
7b　　　Bô in-tuaⁿ,ku̍t hām-khiⁿ beh hō͘ guá ê sìⁿ-miā tú-tio̍h tsai-hāi.
　　　　無 因 端，掘 陷 坑 要 我 的 性 命 遇 到 災 害。


8a　Guān tī i bô phah-sǹg ê sî , tsai-ē lâi kàu i ,
　　願 在 他 無 打 算 的 時，災 厄 來 到 他，
　　guān i àm-siat ê lô-bāng tîⁿ-tio̍h i ka -kī;
　　願 他 暗 設 的 羅 網 纏 著 他 自 己；
8b　　　Guān i pua̍h-lo̍h hí lāi-bīn, siū-hāi buē thuat-lī .
　　　　願 他 跋 落 彼 內 面， 受 害 未 脫 離。


9a　Tsiū guá ê sim beh tī Iâ-hô-hua lâi khuài-lo̍k;
　　就 我 的 心 要 在 耶 和 華 來 快 樂；
9b　　　Tī I ê kiù-un lâi huaⁿ-hí tsiok-hok.
　　　　在 祂 的 救 恩 來 歡 喜 祝 福。


10a　Guá ê kut-thâu lóng beh kóng khí,
　　我 的 骨 頭 攏 要 講 起：
10b　　　Iâ-hô-hua ah , siáⁿ-lâng uē tshin-tshiūⁿ Lí ?
　　　　「耶 和 華 啊，誰 人 會 親 像　Ｌｉ２？」


10c　Lí tsín-kiù khùn-khó͘ ê lâng,
　　Ｌｉ２拯 救 困 苦 的 人，
10d　　　Thuat-lī hiah-ê pí i khah-kiông--ê ;
　　　　脫 離 那 些 比 他 較 強 的；


10e　Tsín-kiù khùn-khó͘ kap sòng-hiong ê lâng,
　　拯 救 困 苦 及 貧 窮 的 人，
10f　　　Thuat-lī hiah-ê tshiúⁿ-tua̍t i -- ê .
　　　　脫 離 那 些 搶 奪 他 的。


11a　Hiong-ok ê kan-tsìng--ê khí--lâi ;
　　凶 惡 的 干 證 的 起 來；
11b　　　Guá só͘ m̄-tsai ê sū , in tshâ-mn̄g, kóng guá tsai.
　　　　我 所 不 知 的 事，伊 查 問， 講 我 知。


12a　In tuì tī guá īng pháiⁿ pò hó ;
　　伊 對 在 我 用 歹 報 好；
12b　　　Hō͘ guá ê sîn-hûn ko͘-tuaⁿ bô uá -khò.
　　　　使 我 的 神 魂 孤 單 無 倚 靠。


13a　Lūn-kàu guá, tng in phuà-pīⁿ ê sî ,
　　論 到 我， 當 伊 破 病 的 時，
13b　　　Guá tsiū tshīng muâ-saⁿ lâi thàm-pīⁿ.
　　　　我 就　 穿 麻 衫 來 探 病。


13c　Īng kìm-tsia̍h khik-khó͘ guá ê sim-sîn lâi kuan-huâi,
　　用 禁 食 刻 苦 我 的 心 神 來 關 懷，
13d　　　Guá só͘ kiû--ê , lóng kui tī ka-kī ê sim-huâi.
　　　　我 所 求 的，都 歸 在 自 己 的 心 懷。


14a　Guá án-ni kiâⁿ, tshin-tshiūⁿ i sī guá ê ti- kí , guá ê hiaⁿ-tī ;
　　我 按 呢 行 ，親 像 他 是 我 的 知 己，我 的 兄 弟；
14b　　　Guá khut-lo̍h sing-khu, pi -ai bô kú -khí,
　　　　我 屈 落 身 軀， 悲 哀 無 舉 起，
　　　　tshin- tshiūⁿ lâng uī -tio̍h lāu-bú siong-pi .
　　　　親 像 人 為 著 老 母 傷 悲。


15a　Guá tú-tio̍h huān-lān ê sî ,
　　我 遇 著 患 難 的 時，
15b　　　In tsiū saⁿ-kap tsū-tsi̍p huaⁿ-hí.
　　　　伊 就 相 與 聚 集 歡 喜。


15c　Guá só͘ m̄ saⁿ-bat ê hā-tíng-lâng tsū-tsi̍p kong-kik guá;
　　我 所 不 相 識 的 下 等 人 聚 集 攻 擊 我；
15d　　　In khiú-la̍k guá bô suah.
　　　　伊 扯 掠 我 無 息。


16a　In tshin-tshiūⁿ hì -hiauh, pián-tsia̍h ê bô hē-lo̍h-lâng,
　　伊 親 像 戲 囂 、 騙 食 的 無 下 落 人，
16b　　　Tuì guá kā tshuì-khí-kun lâi hì-lāng.
　　　　對 我 咬 嘴 齒 根 來 戲 弄。


17a　Tsú ah , Lí tiāⁿ-tiāⁿ teh khuàⁿ, beh kàu juā-kú ?
　　主 啊，Ｌｉ２　定 定 在 看 ， 要 到 偌 久？
17b　　　Kiû Lí kiù guá ê sîn-hûn thuat-lī in tsân-hāi ê khi-hū,
　　　　求　Ｌｉ２救 我 的 神 魂 脫 離 伊 殘 害 的 欺 負，
　　　　kiù guá ê sìⁿ-miā thuat-lī bíng ê sai-á-thûn hō͘ guá bô-sū.
　　　　救 我 的 性 命 脫 離 猛 的 獅 子 屯 使 我 無 事。


18a　Guá tī tuā tsū-huē ê tiong-kan beh kám-siā Lí ;
　　我 在 大 聚 會 的 中 間 要 感 謝　Ｌｉ２；
18b　　　Tī tsìng peh-sìⁿ ê tiong-kan beh o- ló Lí .
　　　　在 眾 百 姓 的 中 間 要 讚美　Ｌｉ２。


19a　Kiû Lí bo̍h-tit iông-ún hiah-ê bô lí-iû tuì-ti̍k guá,
　　求　Ｌｉ２莫 得 容 允 那 些 無 理由 對 敵 我，
　　tuì guá khua-kháu--ê teh huah,
　　對 我 誇 口 者 在 喝，
19b　　　Bo̍h-tit iông-ún hiah-ê bô in-tuaⁿ uàn-hūn guá--ê , gîn--guá.
　　　　莫 得 容 允 那 些 無 因 端 怨 恨 我 的，ｇｉｎ５我。


20a　In-uī in bô kóng hô-pîng ê uē ;
　　因 為 伊 無 講 和 平 的 話；
20b　　　Tsiū-sī kè-bô͘ khuí-khiat ê uē ;
　　　　就 是 計 謀 詭 訐 的 話；
　　　　Hāi tuē-tsiūⁿ an-hūn ê lâng kàu bué.
　　　　害 地 上 安 分 的 人 到 尾。


21a　Tsú ah , in tuā-tuā khui-tshuì thí-tshiò guá lah,
　　主 啊，伊 大 大 開 嘴 恥 笑 我 啦，
21b　　　Kóng , " Ho͘h--tsāi ! Ho͘h--tsāi ! Hō͘ guán khuàⁿ-kìⁿ lah ! "
　　　　講 ： 「 呼 哉！ 呼 哉 ！ 讓 阮 看 見 啦！」


22a　Iâ-hô-hua ah , Lí í -king khuàⁿ-kìⁿ;
　　耶 和 華 啊， (fa50) 已 經 看 見；
22b　　　Kiû Lí m̄- thang tsīng-tsīng tìⁿ tshiⁿ,
　　　　求 (fa50) 不 通 靜 靜 假 生，


(齊聲)　CHU2 AH, M̄-THANG LĪ-KHUI GOÁ SIÁM-PIⁿ.
　　　　主 啊，不 通 離 開 我 閃 邊。


23a　Guá ê Siōng-tè , guá ê Tsú ah , kiû Lí tsing-sîn khí--lâi ,
　　我 的 上 帝，我 的 主 啊，求　ＬＩ２精 神 起 來，
23b　　　Phuàⁿ-kuat guá ê sū , pān-lí guá ê àn tsi̍t--pái.
　　　　判 決 我 的 事， 辦 理 我 的 案 一 次。


24a　Iâ-hô-hua guá ê Siōng-tè ah ,
　　耶 和 華 我 的 上 帝 啊，
　　kiû Lí tsiàu Lí ê kong-gī phuàⁿ-tuàn guá;
　　求　Ｌｉ２照　ＬＩ２ 的 公 義 判 斷 我；
24b　　　Bo̍h-tit iông-ún in tuì guá khua-kháu bô-suah.
　　　　莫 得 容 允 伊 對 我 誇 口 無 息。


25a　Bo̍h-tit iông-ún in , sim-lāi kóng,
　　莫 得 容 允 伊，心 內 講 ：
25b　　　Ho͘h--tsāi, tsiàu guán ê sim-guān lah ;
　　　　「呼 哉 ， 照 阮 的 心 願 啦；」


25c　Bo̍h-tit iông-ún in kóng,
　　莫 得 容 允 伊 講 ：
25d　　　Guán í- king kā i thun--lo̍h-khì lah .
　　　　「阮 已 經 將 他 吞 落 去 啦。」


26a　Guān hiah-ê huaⁿ-hí guá tú-tio̍h huān-lān--ê ,
　　願 那 些 歡 喜 我 遇 著 患 難 的，
26b　　　Lóng kiàn-siàu làu-khuì;
　　　　攏 見 誚 漏 氣；


26c　Guān hiah-ê tuì guá ka-kī tsun-tuā--ê ,
　　願 那 些 對 我 自 己 尊 大 的，
26d　　　Siū kiàn-siàu lak-suī.
　　　　受 見 誚 落 墜。


27a　Guān hiah-ê ài guá tit-tio̍h sin-uan ê lâng,
　　願 那 些 愛 我 得 著 伸 冤 的 人，
27b　　　Tshut huaⁿ-hí ê siaⁿ khuài-lo̍k kui tang,
　　　　出 歡 喜 的 聲 快 樂 歸 冬，


27c　Guān in siông-siông kóng , tio̍h tsun Iâ-hô-hua tsuè tuā,
　　願 伊 常 常 講： 「當 尊 耶 和 華 做 大，
27d　　　In -uī I huaⁿ-hí I ê lô͘-po̍k pîng-an teh tuà .
　　　　因 為 祂 歡 喜 祂 的 奴 僕 平 安 在 住。」


28a　Guá ê tsi̍h beh kóng-khí Lí ê gī ,
　　我 的 舌 要 講 起　Ｌｉ２的 義，
28b　　　Thong ji̍t o -ló Lí.
　　　　通 日 讚 美　Ｌｉ２。