《押韻啟應詩篇》

 | | | 轉寄

台語押韻啟應詩篇 40

作者 Tīⁿ Jî-gio̍k 2006.10.15

Tāi-pi̍t ê si, kau hō͘ Ga̍k-kuaⁿ.

1a　Guá bat thun-lún thìng-hāu Iâ-hô-hua;
　　我　曾　吞　忍　等　候　耶 和 華；
1b　　　I àⁿ -lo̍h ǹg guá, thiaⁿ guá ê kiû-kiò bô suah.
　　　　祂 俯 落　向　我， 聽　我　的 求　叫　無　息。


2a　I tuì thang kiaⁿ ê hām-khiⁿ lâi ,
　　祂 從　通　驚　的 陷　坑　來，
2b　　　Tuì thô͘-bê lâi khan guá khí--lâi .
　　　　從　土　泥　來　牽　我　起　來。


3a　I hō͘ guá ê tshuì tshiùⁿ sin ê kua,
　　祂 使 我 的 嘴 唱 新 的 歌，
3b　　　Tsiū-sī o -ló guán ê Siōng-tè ê si-kua,
　　　　就 是 讚 美 阮 的 上 帝 的詩 歌，


3c　Tsuē-tsuē lâng beh khuàⁿ-kìⁿ lâi kiaⁿ-uì ,
　　多 多 人 要 看 見 來 驚 畏，
3d　　　Ia̍h beh uá-khò Iâ-hô-hua lâi tit an -uì .
　　　　亦 要 倚 靠 耶 和 華 來 得 安 慰。


4a　To̍k-to̍k uá-khò Iâ-hô-hua ê tsí -ì ,
　　獨 獨 倚 靠 耶 和 華 的 旨 意，
4b　　　Bô tshap hiah-ê kiau-ngō͘ ê lâng ê biáu-sī ,
　　　　無 睬 那 些 驕 傲 的 人 的 藐 視，


4c　Í -ki̍p phian-ǹg hu-ké ê lâng ê saⁿ-tsiⁿ,
　　以及 偏 向 虛 假 的 人 的 相 爭，
4d　　　Tsit -hō lâng ū hok-khì.
　　　　此 號 人 有 福 氣。


5a　Iâ-hô-hua guá ê Siōng-tè ah ,
　　耶 和 華 我 的 上 帝 啊，
5b　　　Lí só͘ kiâⁿ ê kî -sū ná tsīng-ka ,
　　　　Ｌｉ２　所 行 的 奇 事 越 增 加，


5c　Lí tuì guán só͘ tsûn ê liām-thâu tsin-tsuē;
　　Ｌｉ２　對 阮 所 存 的 念 頭 真 多；
5d　　　Tuì Lí pâi-lia̍t iā buē -uē ;
　　　　對　Ｌｉ２排 列 也 不 會；


5e　Guá nā beh thê-khí hiah-ê kî-biāu,
　　我 若 要 提 起 那 些 奇 妙，
5f　　　Hit -ê siàu-gia̍h sǹg-buē-liáu.
　　　　彼 個 數 額 算 不 了。


6a　Lí ū khui guá ê hī-khang thang thiaⁿ-kìⁿ,
　　Ｌｉ２有 開 我 的 耳 孔 通 聽 見，
6b　　　Tsè-sū kap lé-mi̍h Lí bô huaⁿ-hí ;
　　　　祭 事 及 禮 物 　Ｌｉ２ 無 歡 喜；

(齊聲)　SIO-CHE3 KAP SIO̍K-CHOE7-CHE3, LÍ IĀ BÔ ÀI-TI̍H.
　　　　燒　祭　及　贖　罪　祭，　Ｌｉ２ 亦　無　愛　要。


7a　Hit-sî guá kóng, Lí khuàⁿ, guá lâi tsiū Lí ,
　　彼 時 我 講 ： Ｌｉ２看 ， 我 來 就 　Ｌｉ２，
7b　　　Guá ê sū í -king kì tī tsheh--ni̍h.
　　　　我 的 事 已 經 記 在 冊 裡。


8a　Guá ê Siōng-tè ah , Lí ê tsí-ì guá huaⁿ-hí thàn;
　　我 的 上 帝 啊，Ｌｉ２的 旨 意 我 歡 喜 趁；
8b　　　Lí ê lu̍t-huat tī guá ê sim-lāi tsiū pîng-an .
　　　　Ｌｉ２的　律 法 在 我 的 心 內 就 平 安。


9a　Guá tī tuā tsū-huē ê tiong-kan,
　　我 在 大 聚 會 的 中 間，
9b　　　Suan-thuân kong- gī ê hó siau-sit pò pîng-an .
　　　　宣 傳 公 義 的 好 消 息 報 平 安。


9c　Guá bô beh thîng-tsí guá ê tshuì-tûn;
　　我 無 要 停 止 我 的 嘴 唇；
9d　　　Iâ-hô-hua ah , tse sī Lí só͘ tsai--ê .
　　　　耶 和 華 啊， 這 是　Ｌｉ２所 知 的。


10a　Guá bē-bat tsiong Lí ê kong-gī
　　我 未 曾 將 　Ｌｉ２的 公 義
　　khàm-ba̍t tī guá ê sim-lāi tsuè pì-bi̍t,
　　蓋 密 在 我 的 心 內 做 秘 密，
10b　　　Guá í -king pâi-lia̍t Lí ê kiù-un kap Lí ê sìn-si̍t ,
　　　　我 已 經 排 列　Ｌｉ２的 救 恩 及　Ｌｉ２的 信 實，

(齊聲)　GOÁ TUÌ TOĀ CHU7-HOĒ
　　　　我　對　大　聚　會
　　　　BĒ-BAT Úⁿ-KHǸG LÍ Ê CHU5-ÀI KAP SÊNG-SI̍T.
　　　　未　曾　隱　置　Ｌｉ２的 慈　愛　及　誠　實。


11a　Iâ-hô-hua ah , kiû Lí m̄-thang tuì guá thîng-tsí Lí ê tsû-pi ;
　　耶 和 華 啊，求　Ｌｉ２不 通 對 我 停 止　Ｌｉ２的 慈 悲；
11b　　　Guān Lí ê tsû-ài kap sîng-si̍t siông-siông pó-hō͘ guá bô lī .
　　　　願 　Ｌｉ２的 慈 愛 及 誠 實 常 常 保 護 我 無 離。


12a　In -uī ū buē-sǹg-tit ê tsai-ē uî-khùn guá;
　　因 為 有 未 算 得 的 災 厄 圍 困 我；
12b　　　Guá ê tsuē-ok jip-tio̍h guá, hō͘ guá buē-uē kia̍h-ba̍k lâi khuàⁿ.
　　　　我 的 罪 惡 追 著 我，使 我 未 會 舉 目 來 看 。


12c　Tsiah-ê tsuē-ok pí guá ê thâu-mn̂g khah-tsuē, buē-tit-thang lua̍h,
　　諸 些 罪 惡 比 我 的 頭 毛 較 多， 未 得 通 捋，
12d　　　Guá ê sim suà lī -khui guá.
　　　　我 的 心 續 離 開 我。


13a　Iâ-hô-hua ah, kiû Lí huaⁿ-hí tsín-kiù guá;
　　耶 和 華 啊，求　Ｌｉ２歡 喜 拯 救 我；
13b　　　Iâ-hô-hua ah, kiû Lí kín-kín pang-tsān guá.
　　　　耶 和 華 啊，求　Ｌｉ２緊 緊 幫 助 我。


14a　Guān hiah-ê siàu-siūⁿ beh hāi guá sìⁿ-miā--ê ,
　　願 那 些 數 想 要 害 我 性 命 的，
14b　　　Tsuè tsi̍t-ē kiàn-siàu, làu-khuì tò -thè ;
　　　　做 一 下 見 誚， 漏 氣 倒 退；


14c　Guān hiah-ê huaⁿ-hí guá siū hām-hāi--ê ,
　　願 那 些 歡 喜 我 受 陷 害 的，
14d　　　Ua̍t-tò -tńg siū lîng-jio̍k lak-kē .
　　　　越 倒 轉 受 凌 辱 落 低。


15a　Guān hiah-ê tuì guá kóng, “Ho͘h--tsāi, Ho͘h--tsāi"--ê ,
　　願 那 些 對 我 講： 「呼 哉， 呼 哉」 者，
15b　　　In -uī kiàn-siàu lâi pāi-bô sue- thè.
　　　　因 為 見 誚 來 敗 亡 衰 退。


16a　Guān it -tshè tshē Lí- -ê ,
　　願 一 切 找　Ｌｉ２的，
16b　　　In -uī Lí lâi huaⁿ-hí khuài-lo̍k bô suah.
　　　　因 為　Ｌｉ２來 歡 喜 快 樂 無 息。


16c　Guān hiah-ê him-bō͘ Lí kiù-un--ê ,
　　願 那 些 欣 慕　Ｌｉ２救 恩 的，
16d　　　Siông-siông kóng, “Tio̍h tsun Iâ-hô-hua tsuè tuā.”
　　　　常 常 講 ： 「當 尊 耶 和 華 做 大。」


17a　Tsóng-sī guá sī khùn-khó͘ sòng-hiong--ê ,
　　總 是 我 是 困 苦 貧 窮 的，
17b　　　Tsú iáu-kú siàu-liām guá bô piàn.
　　　　主 尚 且 數 念 我 無 變。


17c　Lí sī pang-tsān guá--ê , tsín-kiù guá--ê ;
　　Ｌｉ２是 幫 助 我 的，拯 救 我 的；
17d　　　Guá ê Siōng-tè ah , kiû Lí m̄-thang iân-tshiân.
　　　　我 的 上 帝 啊， 求　Ｌｉ２不 通 延 遲 。