《押韻啟應詩篇》

 | | | 轉寄

台語押韻啟應詩篇 43

作者 Tīⁿ Jî-gio̍k 2006.11.05

43

1a　Siōng-tè ah , kiû Lí kā guá phuàⁿ-tuàn,
　　上 帝 啊， 求 你 予 我 判 斷，

1b　　　Tuì bô khiân-sîng ê kok-kuân,
　　　　對 無 虔 誠 的 國 權，

1c　Piān-bîng guá thang sin-uan.
　　辨 明 我 通 申 冤。

1d　　　Kiû Lí kiù guá thuat-lī kan-tsà put-gī ê lâng ê sim-guān.
　　　　求 你 救 我 脫 離 奸 詐 不 義 的 人 的 心 願。

2a　In -uī Lí sī hō͘ guá ū khuì-la̍t ê Siōng-tè ,
　　因 為 你 是 使 我 有 氣 力 的 上 帝，

2b　　　Siáⁿ-sū pàng-sak guá?
　　　　甚 事 放 拺 我？

2c　Guá siáⁿ-sū in-uī tuì-ti̍k ê ap-tsè,
　　我 甚 事 因 為 對 敵 的 壓 制，

2d　　　Siông-siông iu-būn lâi kiâⁿ teh tō͘-ua̍h ?
　　　　常 常 憂 悶 來 行 在 度 活？

3a　Kiû Lí huat-tshut Lí ê kng kap Lí ê tsin-si̍t ,
　　求 你 發 出 你 的 光 和 你 的 真 實，

3b　　　Hō͘ i tshuā guá ti̍t -ti̍t ,
　　　　使 它 導 我 直 直，

3c　Tuà guá kàu Lí ê sìng-suaⁿ,
　　帶 我 到 你 的 聖 山，

3d　　　Kàu Lí ê huē-bō͘ ê tsè-tuâⁿ.
　　　　到 你 的 會 幕 的 祭 壇。

4a　Guá tsiū beh kàu Siōng-tè ê tsè-tuâⁿ-piⁿ,
　　我 就 要 到 上 帝 的 祭 壇 邊，

4b　　　Kàu guá ki̍k huaⁿ-hí ê Siōng-tè hia khiā-khí,
　　　　到 我 極 歡 喜 的 上 帝 彼 居 起，

4c　Siōng-tè ah , guá ê Siōng-tè ah ,
　　上 帝 啊， 我 的 上 帝 啊，

4d　　　Guá beh tuâⁿ khîm lâi o- ló Lí lah.
　　　　我 要 彈 琴 來 讚美 你 啦。

5a　Guá ê sim ah , lí siáⁿ-sū ut- tsut kò͘-tsip ?
　　我 的 心 啊，你 甚 事 鬱 卒 固 執？

5b　　　Siáⁿ-sū tī guá ê lāi-bīn tio̍h-kip ?
　　　　甚 事 在 我 的 內 面 著 急？

5c　Lí tio̍h ǹg-bāng Siōng-tè ,
　　你 當 盼 望 上 帝，

5d　　　In-uī guá iáu-kú beh o- ló Lí bô thè .
　　　　因 為 我 尚 且 要 讚 美 你 無 退。

5e　I sī guá ê bīn ê îng-kng--ê ,
　　祂 是 我 的 面 的 榮 光 的，

5f　　　Ia̍h sī guá ê Siōng-tè .
　　　　亦 是 我 的 上 帝。