《押韻啟應詩篇》

 | | | 轉寄

台語押韻啟應詩篇 4

作者 Tīⁿ Jî-gio̍k 2006.01.22

Tāi-pi̍t ê si, kau hō͘ Ga̍k-kuaⁿ; īng si-hiân ê ga̍k-khì.


1a　Hián-bîng guá ê gī ê Siōng-tè ah,
　　顯　　明　我　的義　的　上　帝　啊，
1b　　　Guá kiû-kiò ê sî , kiû Lí ìn guá.
　　　　我　求　叫　的時，　求　您　應　我。

1c　Guá tī khùn-khó͘ ê tiong-kan lah,
　　我　在　困　苦　的中　間　啦，
1d　　　Kiû Lí hō͘ guá khuan-khuah.
　　　　求　您　使　我　寬　　闊 。

1f　Taⁿ kiû Lí lîn-bín guá,
　　今　求　您　憐　憫　我，
1g　　　Lâi thiaⁿ guá ê kî- tó hō͘ guá ua̍h.
　　　　來　聽　我　的祈　禱　使　我　活。

2a　Lín tsiah-ê siōng-tíng-lâng ah,
　　恁　這　些上　等　人　　啊，
2b　　　Tsiong guá ê îng-kng piàn-tsuè lîng-jio̍k, beh kàu tī -sî ?
　　　　將　　我　的榮　光　變　做　凌　辱， 要　到　何　時？

2c　Lín ì- ài khang-hu--ê ah ,
　　恁　意　愛　空　　虛　的　啊，
2d　　　Tshiau-tshē phiàn-kio̍k, beh kàu tī -sî ?
　　　　搜　　尋　　騙　局， 要　到　何　時？

3a　Lín tio̍h tsai tsit -ê ,
　　恁　當　知　此　個：
3b　　　Iâ-hô-hua í -king hun-pia̍t kìng-khiân ê lâng tsuè I ka-kī--ê .
　　　　耶和華　已經　　分　別　敬　虔　的 人　　做　祂　自　己　的。

3c　Guá kiû-kiò Iâ-hô-hua,
　　我　求　叫　耶　和 華，
3d　　　I beh thiaⁿ guá.
　　　　祂　要　聽　我。

4a　Lín tio̍h kiaⁿ-hiâⁿ m̄-thang huān-tsuē;
　　恁　當　驚　惶　不　通　　犯　罪；
4b　　　Tī bîn-tshn̂g--ni̍h, sim tio̍h siok-tsīng sàm-su tsuē-tsuē.
　　　　在　眠　床　　裡，心　著　肅　靜　三　思　多　多。

5a　Tio̍h hiàn gī ê tsè koh tshiùⁿ-kua,
　　著　獻　義 的　祭　又　唱　　歌，
5b　　　Ia̍h tio̍h uá-khò Iâ-hô-hua.
　　　　亦　著　倚　靠　　耶　和 華。

6a　Tsuē-tsuē lâng kóng, siáⁿ-lâng uē tsí-sī guán sím-mi̍h hó-tshù?
　　多　多　人　　講：　誰　人　會　指　示 阮　甚　麼　好　處？
6b　　　Iâ-hô-hua ah, kiû Lí īng Lí ê bīn ê kng lâi tsiò guán ê sim-su .
　　　　耶 和 華　　啊, 求　您　用　您　的 面　的 光　來　照　阮　的　心　思。　

7a　Lí hō͘ guá sim-lāi ū huaⁿ-hí .
　　您　使　我　心　內　有　歡　喜。
7b　　　Iâⁿ-kè lâng tit-tio̍h tsuē-tsuē gō͘-kak kap sin-tsiú ê sî .
　　　　贏　過　人　得　到　多　多　五　穀　與　新　酒　的　時。

8a　Guá beh an-jiân tó -teh-khùn,
　　我　要　安　然　倒　在　睡，
8b　　　In-uī tsí-ū Iâ-hô-hia Lí hō͘ guá khiā-khí an-ún.
　　　　因為　只　有　耶 和 華　　您　使　我　居　起　安　 穩。