《押韻啟應詩篇》

 | | | 轉寄

台語押韻啟應詩篇 5

作者 Tīⁿ Jî-gio̍k 2006.01.29

Tāi-pi̍t ê si, kau hō͘ Ga̍k-kuaⁿ; īng pûn ê ga̍k-khì.

1a　Iâ-hô-hua ah, kiû Lí àⁿ hī-khang thiaⁿ guá ê uē .
　　耶 和 華 啊，求 您 俯 耳 孔 聽 我 的 話。
1b　　　Kàm-tshat guá ê sim-su kuí-nā-kuè.
　　　　鑑 察 我 的 心 思 幾 若 過。

2a　Guá ê Ông, guá ê Siōng-tè ah ,
　　我 的 王， 我 的 上 帝 啊，
2b　　　Kiû Lí àⁿ-lo̍h thiaⁿ guá kiû-kiò ê siaⁿ,
　　　　求 您 俯 落 聽 我 求 叫 的 聲，
　　　　in-uī guá ǹg Lí teh kî-tó lah ?
　　　　因 為 我 向 您 在 祈 禱 啦？

3a　Iâ-hô-hua ah, tsá-khí-sî Lí uē thiaⁿ guá ê siaⁿ lâi tsí-sī .
　　耶 和 華 啊，早 起 時 您 會 聽 我 的 聲 來 指 示。
3b　　　Tsá-khí-sî guá beh gióng-bōng Lí, suà tuì Lí pâi-lia̍t guá ê sim-ì.
　　　　早 起 時 我 要 仰 望 您，續 對 您 排 列 我 的 心 意。

4a　In-uī Lí m̄-sī huaⁿ-hí tsuē-ok ê Siōng-tè ;
　　因 為 您 不 是 歡 喜 罪 惡 的 上 帝；
4b　　　Pháiⁿ--ê buē-tit-thang kap Lí khiā-khí tâng-tsê.
　　　　歹 的 未 得 通 與 您 居 起 同 齊。

5a　Kiau-ngō͘ ê lâng buē-uē khiā tī Lí ê bīn-tsîng tit -un.
　　驕 傲 的 人 未 會 站 在 您 的 面 前 得 恩。
5b　　　Tsuè-pháiⁿ ê lâng lóng sī Lí só͘ uàn-hūn.
　　　　做 歹 的 人 攏 是 您 所 怨 恨。

6a　Kóng pe̍h-tsha̍t--ê , Lí beh bia̍t in ;
　　講 白 賊 的，您 要 滅 伊；
6b　　　Ài thâi lâng kap kan-kuí--ê , Iâ-hô-hua lóng thó-iàm in .
　　　　愛 殺 人 及 奸 詭 的，耶 和 華 攏 討 厭 伊。

7a　Lūn-kàu guá, guá beh pîn Lí hong-sīng ê tsû-ài ;
　　論 到 我， 我 要 憑 您 豐 盛 的 慈 愛；
7b　　　Ji̍p Lí ê tshù kuí-nā pái.
　　　　入 您 的 厝 幾 若 次。

7c　Guá beh tsûn kìng-uì Lí ê sim lâi ho̍k-sāi,
　　我 要 存 敬 畏 您 的 心 來 服 事，
7d　　　您 Lí ê sìng-tiān lâi kìng-pài.
向 您 的 聖 殿 來 敬 拜。

8a　Iâ-hô-hua ah, kiû Lí tī guá ê tuì-ti̍k ê bīn-tsîng,
　　耶 和 華 啊，求 您 在 我 的 對 敵 的 面 前，
8b　　　Pîn Lí ê kong-gī tshuā guá tsuè kiàn-tsìng,
　　　　憑 您 的 公 義 導 我 做 見 證 ，
　　　　hō͘ guá kiâⁿ tī tsìng-ti̍t ê lō͘ tī Lí ê thâu-tsîng.
　　　　使 我 行 在 正 直 的路 在 您 的 頭 前 。

9a　In -uī in ê tshuì bô láu-si̍t ū ún-muâ,
　　因 為 伊 的 嘴 無 老 實 有 隱 瞞，
9b　　　In ê sim ok-to̍k muá-muá;
　　　　伊 的 心 惡 毒 滿 滿；

9c　In ê nâ -âu sī khui-khui ê bōng-khang,
　　伊 的 咽 喉 是 開 開 的 墓 孔，
9d　　　In īng tsi̍h thiám-mī lâng.
　　　　伊 用 舌 諂 媚 人。

10a　Siōng-tè ah , kiû Lí tīng in ê tsuē;
　　上 帝 啊， 求 您 定 伊 的 罪；
10b　　　Hō͘ in tuì ka-kī ê kè-bô͘ pua̍h-tó lâi sit-tsì.
　　　　使 伊 對 自 己 的 計 謀 跌 倒 來 失 志。

10c　In ê tsuē-kuà tsin-tsuē,
　　伊 的 罪 過 真 多，
10d　　　Guān Lí tsiong in kuáⁿ--tshut--khì, in-uī in puē-puān Lí .
　　　　願 您 將 伊 趕 出 去，因 為 伊 背 叛 您。

11a　Kìⁿ-nā ū lâng uá-khò Lí ,
　　見 若 有 人 倚 靠 您，
11b　　　Guān in huaⁿ-hí ;
　　　　願 伊 歡 喜；

11c　Guān in íng-íng huaⁿ-hí tshut-siaⁿ;
　　願 伊 永 永 歡 喜 出 聲；
11d　　　In-uī Lí pì- iū in ê sìⁿ-miā.
　　　　因 為 您 庇 祐 伊 的 性 命。

11e　Koh guān hiah-ê thiàⁿ-sioh Lí ê miâ ê lâng,
　　又 願 那 些 愛 惜 您 的 名 的 人，
11f　　　Lóng tiàm-tī Lí lâi huaⁿ-hí kui-kang.
　　　　都 站 在 您 來 歡 喜 歸 工。

12a　In-uī Lí beh sù-hok hō͘ gī-lâng tī mî-ji̍t ta̍k-sî ;
　　因 為 您 要 賜 福 給 義 人 在 暝 日 逐 時；
12b　　　Iâ-hô-hua ah, Lí beh īng un-huī,
　　　　耶 和 華 啊， 您 要 用 恩 惠，
　　　　tshin-tshiūⁿ tîn-pâi, sì -bīn uî--i .
　　　　親 像 盾 牌，四 面 圍 他。