《押韻啟應詩篇》

 | | | 轉寄

台語押韻啟應詩篇 52

作者 Tīⁿ Jî-gio̍k 2007.01.07

52　　Í-tong-lâng To-ik lâi pò Sò-lô kóng, Tāi-pi̍t kàu A-hi-bí-li̍k ê ke. 　　　　　Hit-sî Tāi-pi̍t tsuè tsit-ê kà-sī ê si; kau hō͘ Ga̍k-kuaⁿ.

1a　Ióng-bíng ê lâng ah ,
　　勇 猛 的 人 啊，

　　lí siáⁿ-sū uī-tio̍h tsuè-pháiⁿ lâi khua-kháu buē pháiⁿ-sè ?
　　你 甚 事 為 著 做 歹 來 誇 口 不 歹 勢？

1b　　　Siōng-tè ê tsû-ài íng-uán tī--teh.
　　　　上 帝 的 慈 愛 永 遠 在 的。

2a　Lí ê tsi̍h tô͘-bô͘ siâ-ok khuí-tsà,
　　你 的 舌 圖 謀 邪 惡 詭 詐，

2b　　　Tshin-tshiūⁿ lāi ê thì-thâu-to , kiâⁿ kan-tsà.
　　　　親 像 利 的 剃 頭 刀，行 奸 詐。

3a　Lí ài pháiⁿ iâⁿ-kè ài hó tsîng-gī ;
　　你 愛 歹 贏 過 愛 好 情 義；

3b　　　Ài pe̍h-tsha̍t iâⁿ-kè ài kóng gī-lí . 　　 　 　　愛 白 賊 贏 過 愛 講 義 理。

4a　Khuí-khiat ê tsi̍h ah,
　　詭 譎 的 舌 啊，

4b　　　Lí ài kóng it-tshè thun-tsia̍h ê uē mah?
　　　　你 愛 講 一 切 吞 食 的 話 嗎？

5a　Siōng-tè ia̍h beh huí-huāi lí ,
　　上 帝 亦 欲 毀 壞 你，

5b　　　Kàu íng-uán bô pàng lí khì,
　　　　到 永 遠 無 放 你 去，

5c　　I beh lia̍h lí lâi huē, tuì lí ê pò͘-pîⁿ-tiong khiú--tshut--lâi;
　　　祂欲 掠 你 來 會，對 你 的 布 棚 中 扯 出 來；

5d　　　　Tuì ua̍h-lâng ê tuē, tsiong lí pui̍h--tshut--lâi .
　　　　對 活 人 的 地，將 你 拔 出 來。

6a　Gī-lâng beh khuàⁿ-kìⁿ lâi kiaⁿ-hiâⁿ,
　　義 人 必 看 見 來 驚 惶，

6b　　　Ia̍h beh tshiò i , tshiò tshut siaⁿ.
　　　　亦 必 笑 他，笑 出 聲。

7a　Khuàⁿ ah, tse tsiū-sī hit-hō lâng,
　　看 啊，這 就 是 彼 號 人，

7b　　　Tsiū-sī bô lia̍h Siōng-tè tsuè i ê khuì-la̍t ê lâng;
　　　　就 是 無 掠 上 帝 做 他 的 氣 力 的 人；

7c　Sī uá-khò i ê tsîⁿ-tsâi ê lâng,
　　是 倚 靠 他 的 錢 財 的 人，

7d　　　Tī siâ-ok ka-kī khiā-tsāi ê lâng.
　　　　在 邪 惡 自 己 站 在 的 人。

8a　Lūn-kàu guá, guá sī tshin-tshiūⁿ Siōng-tè tshù-lāi
　　論 到 我， 我 是 親 像 上 帝 厝 內

　　tshiⁿ-tshuì ê kaⁿ-ná-tsai; 　　 　　青 翠 的 橄 欖 栽；

8b　　　Guá íng-íng uán-uán uá-khò Siōng-tè ê tsû-ài .

　　　　我 永 永 遠 遠 倚 靠 上 帝 的 慈 愛。

9a　In-uī Lí liap-lí ê kuân,
　　因 為 你 攝 理 的 高，

9b　　　Guá beh kám-siā Lí kàu íng-uán;
　　　　我 要 感 謝 你 到 永 遠；

9c　Guá ia̍h beh tī Lí sìng ê peh-sìⁿ ê bīn-tsîng, ǹg-bāng Lí ê miâ;
　　我 亦 要 在 你 聖 的 百 姓 的 面 前， 盼 望 你 的 名；

9d　　　In -uī Li ê miâ sī hó miâ-siaⁿ.
　　　　因 為 你 的 名 是 好 名 聲。