《押韻啟應詩篇》

 | | | 轉寄

台語押韻啟應詩篇 53

作者 Tīⁿ Jî-gio̍k 2007.01.14

53　　Tāi -pi̍t kà-sī ê si; kau hō͘ Ga̍k-kuaⁿ ; tiāu, sī īng Bâ-hap-la̍h.

1a　Gōng-lâng sim-lāi kóng, bô ū Siōng-tè .
　　憨 人 心 內 講， 無 有 上 帝。

1b　　　In thàn siâ-ok, kiâⁿ khó-ò͘ⁿ ê tsuē lâi huē-tsê,
　　　　伊 順 邪 惡, 行 可 惡 的 罪 來 會 齊，

　　　　bô tsi̍t-lâng kiâⁿ hó tshing-pe̍h.
　　　　無 一 人 行 好 清 白。

2a　Siōng-tè tuì thiⁿ àⁿ-lo̍h khuàⁿ sè-kan-lâng,
　　上 帝 對 天 俯 落 看 世 間 人，

2b　　　Beh khuàⁿ ū bîng-lí ê lâng,
　　　　欲 看 有 明 理 的 人，

　　　　á-sī ū teh tshē-kiû Siōng-tè ê lâng.
　　　　或 是 有 在 尋 求 上 帝 的 人。

3a　In ta̍k-lâng lóng thè-āu, it-khài piàn-tsuè ù- uè; 　　
伊 逐 人 攏 退 後，一 概 變 做 污 穢；

3b　　　Bô lâng kiâⁿ hó , liân tsi̍t-ê ia̍h bô hó só͘-tsuè.
　　　　無 人 行 好， 連 一 個 亦 無 好 所 做。

4a　Tsuè pháiⁿ ê lâng kiám buē-hiáu-tit ?
　　做 歹 的 人 豈 不 曉 得？

4b　　　In thun-tsia̍h Guá ê peh-sìⁿ tshin-tshiūⁿ īng piáⁿ teh tsuè tsia̍h-si̍t,
　　　　伊 吞 食 我 的百 姓 親 像 用 餅 在 做 吃 食,

　　　　ia̍h bô kiû-kiò Siōng-tè tsuè tē -it .
　　　　亦 無 求 叫 上 帝 做 第 一。

5a　In tī bô thang kiaⁿ-hiâⁿ ê só͘-tsāi,
　　伊 在 無 通 驚 惶 的 所 在，

5b　　　Tsiū tuā-tuā kiaⁿ-hiâⁿ huah “hāi ”,
　　　　就 大 大 驚 惶 喝 「害，」

5c　　In-uī Siōng-tè tsiong tuì-ti̍k ê an-iâⁿ phah tshuì.
　　因 為 上 帝 將 對 敵 的 安 營 打 碎，

5d　　　Tsiong kong-kik lí ê lâng ê kut-thâu suàⁿ-khui;
　　　　將　　攻 擊 你 的 人 的 骨 頭 散 開；

5e　Lí hō͘ in kiàn-siàu tsáu kín-kín,
　　你 使 伊 見 誚 走 緊 緊，

5f　　　In -uī Siōng-tè khì-sak in .
　　　　因 為 上 帝 棄 拺 伊。

6a　Guān Í -sik-lia̍t ê tsín-kiù tuì Sik-an tshut--lâi ,
　　願 以 色 列 的 拯 救 對 錫 安 出 來，

6b　　　Siōng-tè kiù I siū-lia̍h ê peh-sìⁿ tò-tńg--lâi ,
　　　　上 帝 救 祂 受 掠 的 百 姓 倒 返 來，

6c　Hit-sî Ngá-kok beh khuài-lo̍k,
　　彼 時 雅 各 欲 快 樂，

6d　　　Í -sik-lia̍t beh huaⁿ-hí siū tsiok-hok. 　　
　　以色 列 欲 歡 喜 受 祝 福。