《押韻啟應詩篇》

 | | | 轉寄

台語押韻啟應詩篇 63

作者 Tīⁿ Jî-gio̍k 2007.03.25

63　　Tāi-pi̍t tī Iû-tāi khòng-iá ê sî tsuè tsit-siú si .

1a　Siōng-tè ah , Lí sī guá ê Siōng-tè ;
　　上 帝 啊，你 是 我 的 上 帝；

1b　　　Guá thàn-tsá beh tshē Lí bô tāi-kè .
　　　　我 趁 早 欲 尋 你 無 代 價。

1c　Tī khòng-hān, khùn-khó͘, bô tsuí ê tuē-tsí,
　　在 亢 旱， 困 苦，無 水 的 地 址，
　　Guá ê sim tshuì-ta siàu-liām Lí ,
　　我 的 心 嘴 乾 思 念 你，

1d　　　Guá ê jio̍k-thé tshiat-tshiat him-bō͘ Lí .
　　　　我 的 肉 體 切 切 欣 慕 你。

2a　Guá bat án-ni tī sìng-só͘ tiâu-kìⁿ Lí ,
　　我 曾 按 呢 在 聖 所 朝 見 你，

2b　　　Uī-tio̍h ài khuàⁿ Lí ê kuân-lîng kap Lí ê îng-kng lâi huaⁿ-hí .
　　　　為 著 愛 看 你 的 權 能 及 你 的 榮 光 來 歡 喜。

3a　In -uī Lí ê tsû-ài pí sìⁿ-miā khah-hó ,
　　因 為 你 的 慈 愛 比 性 命 較 好。

3b　　　Guá ê tshuì-tûn beh tuì Lí o -ló .
　　　　我 的 嘴 唇 要 對 你 讚 美。

4a　Guá iáu ua̍h ê sî , beh án-ni o -ló Lí ;
　　我 尚 活 的 時，欲 按 呢 讚 美 你；

4b　　　Guá beh hōng Lí ê miâ-jī , guá ê tshiú beh kia̍h-khí.
　　　　我 要 奉 你 的 名 字，我 的 手 欲 舉 起。

5a　Guá ê sim-sîn beh pá-tsiok tik -ì ,
　　我 的 心 神 欲 飽 足 得 意，
　　Tshin-tshiūⁿ tsia̍h kut-tshé iû -jī ;
　　親 像 食 骨 髓 油 膩；

5b　　　Guá ia̍h beh īng huaⁿ-hí ê tshuì-tûn o -ló Lí ;
　　　　我 亦 欲 用 歡 喜 的 嘴 唇 讚 美 你；

6a　Tsiū-sī guá tó tī bîn-tshn̂g kì-liām Lí ,
　　就 是 我 倒 在 眠 床 記 念 你，

6b　　　Tī mî-kan ta̍k-kiⁿ siàu-liām Lí ê sî .
　　　　在 暝 間 逐 更 思 念 你 的 時。

7a　In -uī Lí bat pang-tsān guá bián kiaⁿ-hiâⁿ,
　　因 為 你 曾 幫 助 我 免 驚 惶，

7b　　　Guá tiàm tī Lí si̍t-kó͘ ê tì -ìm-ē beh huaⁿ-hí tshut-siaⁿ.
　　　　我 站 在 你 翅 股 的 致 蔭 下 欲 歡 喜 出 聲。

8a　Guá ê sim tè Lí tiâu-tiâu lâi i -uá ,
　　我 的 心 隨 你 稠 稠 來 依 倚，

8b　　　Lí ê tsiàⁿ-tshiú hû-tshî guá.
　　　　你 的 右 手 扶 持 我。

9a　To̍k-to̍k hiah-ê siàu-siūⁿ beh bia̍t guá ê sìⁿ-miā ê lâng,
　　獨 獨 那 些 數 想 欲 滅 我 的 性 命 的 人，

9b　　 In beh hām-lo̍h tī tuē-ē tshim ê khang-phāng.
　　　　伊 欲 陷 落 在 地 下 深 的 孔 縫 。

10a　In beh hō͘ to-kiàm thâi tsi̍t-khiah tsi̍t-khiah,
　　　伊 欲 受 刀 劍 殺 一 隙 一 隙，

10b　　　In beh hō͘ suaⁿ-káu tsia̍h.
　　　　　伊 欲 受 山 狗 食 。

11a　Tsóng-sī ông beh in -uī Siōng-tè lâi huaⁿ-hí ;
　　　總 是 王 必 因 為 上 帝 來 歡 喜；

11b　　　Huān-nā kí I lâi tsiù-tsuā--ê teh-beh khua-kháu tik -ì ,
　　　　　凡 若 指 祂 來 咒 誓 的 將 要 誇 口 得 意，
　　 　　in-uī pe̍h-tsha̍t-lâng ê tshuì beh siū that-ba̍t hong-sí .
　　　　　因 為 白 賊 人 的 嘴 必 受 塞 密 封 死。