《押韻啟應詩篇》

 | | | 轉寄

台語押韻啟應詩篇 89b

作者 Tīⁿ Jî-gio̍k 2007.10.28

89　　Í-su-la̍h-lâng Í-thàm kà-sī ê si .

25a　Guá beh hō͘ i ê tshiú tshun kàu hái ;
　　　我 要 使 他 的 手 伸 到 海；

25b　　　Tsiàⁿ-tshiú tshun kàu tsiah-ê hô ê kau-kài.
　　　　　正 手 伸 到 諸 些 河 的 交 界。

26a　I beh tshing-ho͘ Guá kóng, Lí sī guá ê pē,
　　　他要 稱 呼 我 講， 你 是 我 的 父，

26b　　　Sī guá ê Siōng-tè , sī kiù guá ê tsio̍h-puâⁿ ê suaⁿ-tsē.
　　　　　是 我 的 上 帝，是 救 我 的 石 磐 之 山 寨。

27a　Guá ia̍h beh siat-li̍p i tsuè tuā-kiáⁿ,
　　　我 亦 要 設 立 他 做 大 子，

27b　　　Tsuè sè-tsiūⁿ tē -it-kuân ê kun-ông ê miâ.
　　　　　做 世 上 第 一 高 的 君 王 的 名。

28a　Guá beh uī-tio̍h i pó-tsûn Guá ê tsû-ài kàu íng-uán;
　　　我 要 為 著 他 保 存 我 的 慈 愛 到 永 遠；

28b　　　Guá kap i só͘ li̍p ê iok, tik-khak bô uāⁿ-khuán.
　　　　　我 與 他 所 立 的 約，的 確 無 換 款 。

29a　Guá ia̍h beh pó-tsûn i ê hō͘-è kàu tāi-tāi;
　　　我 亦 要 保 存 他的 後 裔 到 代 代；

29b　　　Hō͘ i ê pó-tsō tshin-tshiūⁿ thiⁿ ê kú íng-tsāi.
　　　　　使 他的 寶 座 親 像 天 的 久 永 在。

30a　Siat-sú i ê kiáⁿ-sun pàng-sak Guá ê lu̍t-huat;
　　　設 使 他 的 子 孫 放 捨 我 的 律 法；

30b　　　　Bô kiâⁿ Guá ê huat-tō͘ lâi tô-thuat;
　　　　　無 行 我 的 法 度 來 逃 脫 ；

31a　Puē-biū Guá ê lu̍t-lē ,
　　　悖 謬 我 的 律 例，

31b　　　Bô siú Guá ê kài-bīng--ê ;
　　　　　無 守 我 的 誡 命 的；

32a　Guá tsiū beh īng kuái-á tsik-hua̍t in ê kè-sit ;
　　　我 就 要 用 枴 仔 責 罰 伊 的 過 失；

32b　　　Īng piⁿ tsik-hua̍t in ê tsuē-ok tsi̍t-pit tsi̍t-pit .
　　　　　用 鞭 責 罰 伊 的 罪 惡 一 筆 一 筆。

33a　Tsóng-sī Guá tik-khak bô tsiong Guá ê tsû-ài it-tsīn tuì i siu-huê;
　　　總 是 我 的 確 無 將 我 的 慈 愛 一 盡 對 他收 回；

33b　　　Ia̍h tik-khak bô hō͘ Guá ê sìn-si̍t tsok-huè.
　　　　　亦 的 確 無 使 我 的 信 實 作 廢。

34a　Guá tik-khak bô sit guá ê iok,
　　　我 的 確 無 失 我 的 約，

34b　　　Ia̍h bô kué-uāⁿ Guá ê tshuì só͘ kóng ê iok-sok.
　　　　　亦 無 改 換 我 的 嘴 所 講 的 約 束。

35a　Guá tsi̍t-pái kí ka-kī ê sìng-kiat lâi sè-iok.
　　　我 一 次 指 自 己 的 聖 潔 來 誓 約。

35b　　 Guá kuat-tuàn bô khì-sak kap Tāi-pi̍t ê sè-iok.
　　　　　我 決 斷 無 棄 捨 和 大 闢 的 誓 約。

36a　I ê hō͘-è beh thuân kàu íng-uán buē-tit-thang sǹg;
　　　他的 後裔 要 傳 到 永 遠 不 得 通 算；

36b　　　I ê pó-tsō tī Guá ê bīn-tsîng, tshin-tshiūⁿ ji̍t ê kú-tn̂g;
　　　　　他的 寶 座 在 我 的 面 前， 親 像 日 的 久 長；

37a　Ia̍h tshin-tshiūⁿ ge̍h kiàn-li̍p bô thîng.
　　　亦 親 像 月 建 立 無 停。

37b　　　Koh tshin-tshiūⁿ thiⁿ-tíng khak-si̍t ê kan-tsìng.
　　　　　又 親 像 天 頂 確 實 的 干 證。

38a　Tsóng-sī Lí ū siū-khì Lí ê siū-buah-iû--ê ,
　　　總 是 你 有 怒 氣 你 的 受 抹 油 者，

38b　　　Iàm-tsiān khì-sak i , hō͘ i sit-sè .
　　　　　厭 賤 棄 捨 他，使 他 失 勢。

39a　Lí í -king iàm-ò͘ⁿ kap Lí ê lô͘-po̍k só͘ li̍p ê iok,
　　　你 已 經 厭 惡 和 你 的 奴 僕 所 立 的 約，

39b　　　Tsiong i ê bián-liû tsau-that tī tuē--ni̍h tsuè kiat-kio̍k.
　　　　　將 他 的 冕 旒 糟 蹋 在 地 裡 做 結 局。

40a　Lí í -king thiah i it-tshè ê lî- pa hō͘ in pháiⁿ,
　　　你 已 經 拆 他 一 切 的 籬 笆 使 伊 壞，

40b　　　Hō͘ i ê huē-só͘ pìⁿ tsuè pha-hng ê só͘-tsāi.
　　　　　使 他 的 會 所 變 做 拋 荒 的 所 在。

41a　Kè-lō͘ -lâng lóng tshiúⁿ-the̍h i ;
　　　過 路 人 攏 搶 提 他；

41b　　　I tsiâⁿ-tsuè keh-piah kok só͘ lîng-jio̍k ê tshiò-pìⁿ.
　　　　　他 成 做 隔 壁 國 所 凌 辱 的 笑 柄。

42a　Lí hō͘ i ê tuì-ti̍k ê tsiàⁿ-tshiú kia̍h kuân.
　　　你 使 他 的 對 敵 的 右 手 舉 高。

42b　　　Hō͘ i ê kiû-siû lóng huaⁿ-hí sing-kuân.
　　　　　使 他 的 仇 讎 攏 歡 喜 升 高。

43a　Lí hō͘ i ê to-kiàm tó-mî kiàn-siàu,
　　　你 使 他 的 刀 劍 倒 鋩 見 誚，

43b　　　Hō͘ i tī kau-tsiàn ê sî khiā-buē-tiâu.
　　　　　使 他在 交 戰 的 時 立 不 住。

44a　Lí hō͘ i ê îng-hián bô--khì,
　　　你 使 他 的 榮 顯 無 去，

44b　　　Tsiong i ê pó-tsō tshia-tó tī tuē--ni̍h.
　　　　　將 他 的 寶 座 推 倒 在 地 裡。

45a　Lí kiám-tsió i tshing-liân ê ji̍t-tsí;
　　　你 減 少 他 青 年 的 日 子；

45b　　　Koh hō͘ i muá-muá kiàn-siàu sit-tsì .
　　　　　又 使 他 滿 滿 見 誚 失 志。

46a　Iâ-hô-hua ah , Lí beh juā-kú ka-kī hong-so̍h,
　　　耶 和 華 啊， 你 要 偌 久 自 己 封 鎖，

46b　　　Kàu íng-uán mah?
　　　　　到 永 遠 嗎？

46c　Lí ê siū-khì tshin-tshiūⁿ hé to̍h,
　　　你 的 怒 氣 親 像 火 to̍h，

46d　　　Beh juā-kú lah?
　　　　　要 偌 久 啦？

47a　Kiû Lí kì-tit guá ê sî-kan,
　　　求 你 記 得 我 的 時 間，

47b　　　Tsáiⁿ-iūⁿ hiah té koh tsió lah !
　　　　　怎 樣 許 短 又 少 啦！

47c　Lí tshòng-tsō it-tshè ê lâng tī sè-kan,
　　　你 創 造 一 切 的 人 在 世 間，

47d　　　Hō͘ in kàu hiah khang-hu lah !
　　　　　使 伊 到 許 空 虛 啦！

48a　Sím-mi̍h-lâng uē tn̂g-tn̂g ua̍h, bô kìⁿ-tio̍h sí lah,
　　　甚 麼 人 會 長 長 活，無 見 著 死 啦，

48b　　　Uē kiù i ê lîng-hûn thuat-lī im-kan ê kuân-pìng lah ?
　　　　　會 救 他 的 靈 魂 脫 離 陰 間 的 權 柄 啦？

49a　Tsú ah , lí tsîng pîn Lí ê sìn-si̍t, tuì Tāi-pi̍t só͘ iok-sok--ê ,
　　　主 啊，你 前 憑 你 的 信 實，對 大 闢 所 約 束 的，

49b　　　Hiah-ê tsû-ài taⁿ tī tó -uī leh ? 　　
　　　那 些 慈 愛 今 在 哪 位 咧？

50a　Tsú ah , kiû Lí kì-liām Lí ê lô͘-po̍k só͘ siū ê lîng-jio̍k,
　　　主 啊，求 你 記 念 你 的 奴 僕 所 受 的 凌 辱，

50b　　　Kì -liām guá tsáiⁿ-iūⁿ tsûn tī guá sim-lāi ê khut-jio̍k;
　　　　　記 念 我 怎 樣 存 在 我 心 內 的 屈 辱；
　　　　　It -tshè kiông-sīng ê peh-sìⁿ ê lîng-jio̍k.
　　　　　一 切 強 盛 的 百 姓 的 凌 辱。

51a　Iâ-hô-hua ah , Lí ê tuì-ti̍k teh lîng-jio̍k,
　　　耶 和 華 啊， 你 的 對 敵 在 凌 辱，

51b　　　Tsiū-sī teh tui-kuáⁿ Lí siū buah-iû--ê ê tsong-tsik beh bú-jio̍k.
　　　　　就 是 在 追 趕 你 受 抹 油 者 的 蹤 跡 要 侮 辱。

52a　Tio̍h o -ló Iâ-hô-hua kàu íng-uán bô thîng,
　　　著 讚 美 耶 和 華 到 永 遠 無 停，

52b　　　A- bīng, koh A- bīng.
　　　　　阿 們， 又 阿 們。