《陳雷文選》

 | | | 轉寄

鳳凰起飛ê時陣

作者 陳雷 2007.11.25

（1）
　 　 Tī 台 中 這 個 美 麗 ê 都 市 ， 有 美 麗 ê 人 做 hō͘ 別人 歡 喜 ê 代 誌 ， 尤 其 是 天 暗 了 後 ， 五 彩 ê 燈 火 四 界 點 光起來 ，大 家就知影是唱歌歡喜ê時 陣 。 Tī tsia 這個 英 文 叫 做 ＭＴＶ ê鳳 凰 城 ，少 年 歌 手 hai-kat-lah 頭 ，聲 kē人緣投 ， koh會 曉 唱 規 條 攏 是 英 語 I love yo͘ ， yo͘ love me ê 歌 。 陪 人 客 聽 歌 ê小 姐有幾 luā種 化 裝 打 扮 ê方 法，mā有肩胛頭一 旁無 穿 衫 hit 款 溫 柔 肉 感 ê 芳 味 。 但 是 風 度 標 phiat ê 頭 家 娘 講 ， 唱 歌 好 bái khah 無 差 ， 酒 上 要 緊 。

施 sàng是 頭 家 娘 按 呢 上 界 親 切 ê 叫 法 ，因 為 陳ê有 拍 電 話 來 通 知 ， 這 位 第 一 產 物 保 險 ê 經 理 ， 到 taⁿ人 生去 一 半 ， tú -tsiah五 十 歲 ê生 日 ， 所 以 頭 家 娘 有 特 別 照 顧 伊 ê 面 子 ， 五 罐 Otar ê酒 攏 是 伊親身行穿長 liâu ê腳 步 來 kā開ê， koh講 施 sàng 特 別 人 客 ， happy birthday ， 開 二 罐 送 一 罐 。 吩 咐飼 果 子 ê小 姐 ， 西 瓜 子 thuh hō͘ 清 氣 ， 飼 khah 細 嘴leh，m̄通 hō͘人 客 tsak著 。 講 來 施 sàng是 陳ê紹介來ê ， 照 鳳 凰 城 ê 規 矩 ， 抽 頭 是 二 成 。

M̄-kú 今 á 日 施 sàng lim 酒 聽 歌 ê 心 情 ， bē 輸 一 塊 giap三 層 豬 肉 ê san-to-i-tsih ，有 二 方 面 ：一方面按產物保險 ê立 場來估計 ， 人 生 不 止 是 有 成 就lah，伊 時 常 kā人 客 講 ， 第 一 保 險是永遠第一保險ê；另外一方面，khiā tī 五 十 歲 生 日 ê 場 合 來 觀 察 ， 總 是 愈 來 有 「 tsiūⁿ siap 就 liap ， 青 春m̄轉 來 」 hit款 ê 感 想 kap 氣 概 。 有 人 講 tse 是 查 甫 人 中 年 期 心 理 衰 弱 ê 問 題 。 好 佳 哉 ， 頭 家 娘 看 真 tsē ， 上 有 理 解 。凡 是 來 tī 鳳 凰 城 ê人 客 ， 真 tsē hō͘ 小 姐 飼 細 嘴 果 子 慣 勢 ê 經 理 ， kap 施 sang 仝 款 。 照 頭 家 娘 內 行 人 ê 判 斷 ， 這 個 症 頭 ài 去 tshuē 阿 肥 ，m̄是 講 聽 歌 lim 酒 就 會 當 解 決 ê 。

（ 2 ）

阿 肥 這 行 生 理 tī 咱 tsia 警 察 局 算 起 來 是 屬 tī 娛 樂 業 ， 因 為 是 介 紹 查 某 gín-á hō͘ 人 客 娛 樂 歡 喜 hit款 ê 代 誌 。 生 理 平 平 按 呢 做 ， 阿 肥ê kap 人 無 像 ， 貨 色 好 koh tsē ， 尤 其 是 hit款七 少 年 、 八 少 年 ê 查 某 gín-á，講 是 頭 擺 上 市 ê 新 雞 nuāⁿ，普 通 人 tshìn-tshái kā 伊 叫 做 「 開 酒 矸 」 ， 也 有 人 khah 粗 魯 kā 伊 叫 做 破西 瓜 ， 意 思 仝 款 ， 但 是 價 數 kap 普 通 ê 就 無 像 。 頭 家 娘 吩 咐 ， 經 理 beh愛 ê，特 別 拜 託 ， 價 數 無 問 題 。 講來 這 人 客 是 頭 家 娘 介 紹ê，照 規 矩 mā是 抽 頭 二 成 。

結 果 施 sàng本 人 這 方 面 也m̄是 完 全 外 行 ， 雖 然 酒 lim 了 有 淡 薄 á醉 ， m̄-kú 一 分 錢 ， 一 分 貨 ， 確 實 有 hit個價值 lah。 這 個 細 漢 ê 查 某 gín-á， 穿 一 領 làu-làu ê 大 人 衫 ， 抹 一 面 厚 厚 ê 胭 脂 粉 ， 問伊講 是 十八 歲 ，看來 mā猶 未 十 二 、 三 歲 niā niā。M̄知是見笑抑是m̄ bat， kiu kiu 驚 驚 ， kan -na 會 曉 衫 thǹg起來 ， 直 直 倒 tī hia ， bē 振 bē 動 ， 一 晡 kú在施sàng去 舞 ， 嘴 唇 咬leh m̄敢 哀 ， 到 尾a才痛 kah哀一 聲 ...... 有 血 流出來，施 sàng 才 放 伊 suah去 。 因 為 頭 家 娘 有 講 ， 阿 肥 保 證 ， 有 流 血 才 有 算 數 。

He細 細 聲 teh 哭 ê聲音kā伊吵醒起來 ，目睭thí開 看 ， 這 間 豪 華 旅 館 以 前 伊 bat 來 過 ， tī phiat 勢 ê套 房 內 面 ， 有 一 張 大 張 西 洋 式 ê 眠 床 ， 一 塊 框 金 ê 大 塊 鏡 ， 鏡 內 面 有 二 個 褪 光 光 ê身 体 ， 一 個 大 人 肥 肥 白白 ， 大 個 腹 肚 thàng出來，一 個 gín-á sán-sán烏 烏 ， 雙 手 面 掩leh teh 流 目 屎 。 這 個 ka學 生 款 頭 鬃 ê gín-á， 頭 家 娘 介 紹 伊 來 開酒 矸 ， 無 想 著 tsiah 愛 háu 。 頭 家 娘 講 ， 伊 taⁿ-á開 始 teh發育ê青春，bē 輸 一 矸 十 外 年 原封 ê 芳 酒 ， 氣 味 充 足 ， 實 在 有 影 ， 講 了 無 m̄-tio̍h， 比 he Otar koh-khah讚lah！ .....

這 時 伊 元 氣 充 滿 ， 雄 雄 有tsiūⁿ-siap mā是bē liap ê感 覺 ， 按 眠 床 頂 翻 身 píng起來 ， 褲 袋 á內 jîm一 把 錢 ，beh theh hō͘ 這 個 gín-á 。 一 方 面 是 顧 客 ê 滿 意 ， 慶 祝生日快 樂 ， 一 方 面 是 beh 叫 伊 錢 the̍h 去 買 物 件 ，m̄通 koh háu ， hit款 一 般 社 會 ê 同 情 心 ， 真 正 查 甫 人 ê 氣 概 ， beh 用 這 五 千 kho͘ ê thi-puh 來 表 示 。 才 注 意 著這 個 大 蕾 目 睭 ê gín-á， 其 實 本 來 就 有 一 個 簡單樸素 ê suí 面 ， m̄-kú伊 tsit-má 面 厚 厚 ê 胭 脂 粉 ， 已 經 hō͘ 目 屎 huê bái 去ah ， juê 做 一 tah 紅 紅 ， 一 tah 青 青 ， 親 像 戲 棚 頂 ê 做 戲 á ， 真實 gín-á teh 搬 大 人 戲 ， 若 真 若 假 。 Ah m̄-kú這 個 做 戲 á ê 表 情m̄知猶tà一 tah 面 熟 面 熟 ？ Kā看 khah真leh，原來tō 是 kap 厝 裡 上 細 漢 ê 美 珠 仝 款 仝 款 ， 正 邊 嘴 phué 有 一 粒 圓 圓 ê 、 古 椎 ê 酒 窟 á ， 大 家 叫 伊 阿 suí a ， ...... 有 時 阿 suí a 美 珠 mā 是 真 愛 háu 。 Suah 無 意 中 加 問 伊 一 句 話 ， 你 號 做 啥 物 名 ？ 這 個 猶 teh 哭 ê gín-á，看 大 人 peh起來a ， the̍h 錢 beh hō͘ 伊 ， 知 影 今á 日 這 遍 ê 生 理 按 呢 tō是 beh 準 suah ah ， 這 個 大 kho͘ 肥 ê 人 客 已 經 有 夠 khuì ， 無 beh koh 創 治 伊 ， kā 伊 按 呢 生 一 直 舞 。 伊 目 屎 先 停起來 ， 身 軀 攏 猶 未 掩leh ta̍ 伸 一 枝 sán-sán ê長 手 來 the̍h 錢 ， 手 骨 有 一 tah 一 tah ê 烏 青 ， 猶 kiu kiu 驚 驚 ， 講 伊 是 翠 玉 。

（ 3 ）

若 是 論 這 行 ê 專 業 ， 翠 玉 ê 條 件 是 足 好 ， 第 一 伊是 外 地 新 來 ， 面 新 人 客 愛 ， 第 二 伊 年 歲 輕 koh有 經 驗 ， 所 以 今 á 日 這 個 場 合 ， 阿 肥 安 排 了 真 妥 當 。 M̄-kú 講 來 人 生 bē 輸 燒 酒 矸 ， bē 輸 剖 西瓜 ， 做 處 女 總是 一 擺 niā-niā ， beh 按 怎 專 業 ？ 這 點 有 生 理 頭 腦 ê 阿 肥 早 早 有 考慮著 ， 伊 有 去 請 教 人 台 中 ê 婦 產 科 。 Tú 好 這 位 姓 黃 ê婦 產 科 也 是 有 生 理 眼 光 ê 人 ， 詳 細 問 伊 生 理 場 處 女 原 裝 ê 條 件 。 阿 肥 解 說 hō͘ 伊 聽 ： 「 Tō是 ài 有 一 tah 紅 紅 ê 血 ！ 」 黃 婦 產 科 講 ： 「 按 呢 真 簡 單 ， 隨 時 若 beh ， tshuā 來 我 tsia........ 」 。

結 果 阿 肥 kap 婦 產 科 技 術 合 作 ， 查 某 gín-á送 去 旅 館 做 生 理 以 前 ， 叫 老 二ê 先 載 去 中 區 黃 婦 產 科 hia 「檢 查 」 抽 血 。 He 醫 生 有 研 究 發 明 這 種 新 ê 婦 產 科 ê 方 法 ， 用 一 丸 藥 水 棉 á soh gín-á血 ， khǹg入 去 查某 ê 內 面 ， 按 呢 就 是 保 證 ê 處 女 ， ta̍k遍 會 流 血 ， 簡 單 koh方 便 ， 隨 時 beh tō有 。 有 時 有 個 gín-á像 翠 玉 細 漢無 膽 ， 看 著 大 枝 注 射 針 會 驚 ， 狗 怪 m̄ hō͘ 人 抽 血 ， 就 叫 老 二 ê kap 診 所 ê 護 士 來 鬥 掠 ， 一 個 掠 手 骨 ，m̄ 通 hō͘ 伊 武， 一 個 掩 嘴 ， m̄通 hō͘ 伊 大 聲 哀 ， 按 呢 二 、 三 個 大 人 應 付 一 個 gín-á，用 強ê ，大 概 攏 總 m̄免 十 外 分 鐘 tō會 好 勢 。 但 是 有 時 也 個 掠 了 siuⁿ ân ， gín-á手 骨 會 烏 青 凝 血 ， 無 啥 要 緊 ， 家 己 會 好去 。

猶 一 點 ， 阿 肥 做 生 理 真 頂 真 ， 凡 是 新 來ê gín-á，攏 會 kā in 吩 咐 ， 說 明 職 業 上 幾 點 要 點 ， 有 時 家 己 先 kā in試 看 māi ： 倒 tuà 眠 床 頂 m̄通 tín 動 ， 嘴 唇 咬 leh m̄通 哀 ， 了 ê 時 雙 手 面 掩 leh細 聲 一 直 háu ， 按 呢 thih -puh 就 會 khah tsē 。 阿 肥 有 kā翠 玉 講 ， 人 客 hō͘ 伊 thih-puh 若 是 khah tsē ， 另 外 有 賞 。

所 以 今 á 日 施 sang生日 這 個 場 合 ， 穿 長 liâu ê 頭 家 娘 ， 行 路 起來 ， 風 度 標 phiat ， 一 切 安 排 了 真 sù 是 。 Tī 台 中 這 個 美 麗 發 展 ê 大 都 市 ， 常 常 有 一 寡 人 做 hō͘ 別 人 歡 喜 會 爽 ê 代 誌 。 Tō是 按 呢 天 暗 了 後 ， 鳳 凰 teh 起 飛 ê 時 陣 ， 有 ê 人 客 介 紹 去 阿 肥hia 開 酒 矸 ， 抽 頭 講 是 起 碼 二 成 。 但 是 關 於 處 女 品 質 控 制 這 方 面 ， 大 部 分 原 在 是 婦 產 科 醫 生 ê 責 任 ， tī 台 中 這 個 鳳 凰 飛 ê 城 市 ， 有 tâng 時 醫 生 界 有 兼 娛 樂 界 ê 性 質 。