《主編e5話》

 | | | 轉寄

請來關心咱大家ê台語信望愛

作者 Tsuniok 2007.12.09

br>
台語信望愛網站是咱大家ê，感謝大家兩年guā來ê共同努力phah拚，到taⁿ咱ê網站已經受tio̍h各方面ê肯定。

咱ê母語包括台語、客語kap原住民語，目前客語已經受tio̍h大家ê認同漸漸生長，計劃明年bueh成立客語信望愛http://hakka.fhl.net。

大家所關心ê台語點字網站─思羅安信望愛http://sloan.fhl.net也已經開張(試用中)，盲朋友非常感激tsit-ê世界第一個台語點字網站。明眼人若安裝Simbraille字型就ē-tàng用目tsiu來讀點字，kap盲朋友ē-tàng來溝通，這mā是咱明眼人應該有ê負擔。

到taⁿ為止，台語信望愛lóng受tio̍h(華語)信望愛網站無條件ê扶持kap支持。Ǹg望明年開始，咱台語網ê朋友ē-tàng有錢出錢有力出力，共同來分擔網站ê硬體設備，尤其是台語使用大部分ê影音ê頻寬費用，這mā是咱台語人應該有ê負擔。

台語信望愛有獨立ê會計報告來詳細記錄所有相關ê收入kap支出，請參考台語信望愛頂面ê「奉獻徵信」。若bueh奉獻ê人，請照網路頂面ê「捐款方法」來進行，請會記得註明：「為台語信望愛」，án-ne你ê捐款tsiah會入來台語信望愛。

Tī tsit-ê年尾，祝大家聖誕恭喜！新年快樂！ 2008年會koh-khah好！大家出頭天！