《Lahjih寓言》

 | | | 轉寄

201-tsiam, 臭屁ê喇叭

作者 蕭平治, 漢羅Ruby版處理：Lîm Tsùn-io̍k 2020.01.05


ū(有) tsi̍t(一) tsióng(種) lat-pah(喇叭) tsiok tshàu-phùi(臭 屁) ， i(它) ê sin-tsâi(身 材) m̄-nā tuā(大) phiāng， tshuì(嘴) koh ti̍k-pia̍t(特 別) khuah(闊) ， tshiùⁿ-kua(唱 歌) ti̍k-pia̍t(特 別) tuā-siaⁿ(大 聲) ， ti̍k-sik(特 色) sī(是) ū(有) kàu(夠) hèng kóng-uē(講 話) 。

lat-pah(喇叭) tuā-pō͘-hūn(大部 分) khǹg-tiàm sik-lāi(室 內) ， tshiùⁿ-kua(唱 歌) hō͘ lâng(人) him-sióng(欣 賞) ， nā-sī(若是) he tuā(大) phiāng khuah-tshùi(闊 嘴) koh tshàu-phùi(臭 屁) ê lat-pah(喇叭) ，khah ài tī guā-kháu(外 口) kóng-tiûⁿ(廣 場) tshiaⁿ-iāⁿ tsiah ē teh giàn-thâu(癮 頭) 。Siōng phòa-keh hoān lâng(人) hiâm(嫌) -.ê，to̍h sī(是) hit tsióng(種) kò͘-lâng-oàn(顧 人 怨) koh tshá(吵) sí-lâng(死 人) ê tuā-siaⁿ(大 聲) kong(公) ， ke-thâu(街 頭) hāng-bué(巷 尾) sì-kè(四界) tshng， kua(歌) m̄ tshiùⁿ(唱) ，khah kóng(講) to̍h sī(是) pài-thok(拜 托) pài-thok(拜 托) beh kā suàn(蒜) á sàng-khì(送 去) léng-tòng(冷 凍) 。

㊣ khé-sī(啟示) ： tshò-im(噪 音) tshá(吵) sí-lâng(死 人) ， hòng-sàng-thâu(放 送 頭) tio̍h tsún-tsat(撙 節) 。

註解：
臭屁（tshàu-phùi）：[形容人喜歡誇大炫耀，自以為是的樣子]
喇叭（lat-pah）：[Speaker]
身材大phiāng（sin-tsâi tōa-phiāng）：[大塊頭。身材高大。]
tshiaⁿ-iāⁿ（奢颺）：[大派頭、大排場。]
teh癮頭（teh giàn-thâu）：[過癮]
phòa-keh（破格）：[缺乏理性、感性的行為。]
hoān人嫌（hoān-lâng-hiâm）：[受人嫌棄]
顧人怨（kò͘-lâng-oàn）：[招人討厭、嫌棄。]
大聲公（tōa-siaⁿ-kong）：[power特大擴音器]
tshng（穿）：[穿梭]