《賴永祥講書》

 | | | 轉寄

《教會史話》(1_079)郁永河反巴黎論

作者 賴永祥 2009.01.11

日本國tī 1614年1月（慶長18年12月）發佈全國「切利支丹」（天主教）ê禁令，tī 1632年koh進一步發佈了「鎖國」令，干taⁿ允准中國、荷蘭ê船隻來航長崎。tsit種反天主教，排外ê思潮，tī前清雍正、乾隆、嘉慶、道光朝ê中國，台灣亦無例外。

郁永河字滄浪，浙江仁和諸生，康熙36年（1697年）來到台灣採硫磺，所以留落來一本遊記，題「裨海紀遊」；是清朝治台初期ê一ê重要文獻，撰者來台ê時距離鄭克塽ê降清干taⁿ 15、6年。

郁永河tī康熙36年2月uì閩南來到台灣，4月7自府城（台南）起程，路ni̍h經過各社，上北來到北投煮硫磺，10月7 tsiah tńg來；hit ê期間伊親身來到台西岸，記錄山川形勢、民俗民情、風土物產等，是真有根據ê文獻。是書「裨」或作「稗」，又koh叫做「採硫日記」；附錄「偽鄭逸事」（連橫惡偽字，改稱 「鄭氏逸事」）、「番境補遺」、「海上紀略」、「宇內形勢」等，對內外時勢亦真有見解。tsit本冊去hông刊行tsiok tsē擺，書題、逐版ê文字kap附錄有sio-khuah-á無仝，m̄-koh讀者á是會使用方豪ê 「合校足本裨海紀遊」為便。

tsit本冊ê附錄「海上紀略」有一條「紅夷」，卸荷蘭國，云：性貪狡，能識寶器，善貨殖，重利輕生，貿易無遠不至……。郁氏對荷人ê看法無好，m̄-koh iáu是真客觀。m̄-koh另外一條「西洋國」就m̄是按呢。略云：西洋國tī西海外，kap中國隔真遠，其人坳目隆準，狀類紅毛。然最多心計，又具堅忍之志。……in ê祖先有真tsē有智慧ê人，入來中國竊得六書之學。又koh有利馬豆（利馬竇，Matteo Ricci,1552 ～ 1610）tsit寡人，看過著會凍背出來，一世人攏buē buē記。明季來中國，3年 遍交海內文士；於中國書無所m̄讀，大部分攏是teh賣經典ê hit寡冊，歸教其國人，悉通文義。創「七克」等書，所講ê雖然是孝悌慈讓，其實似是而非；又koh雜載彼國ê事實，以濟天主教ê邪說，拐人入hit ê教。中國人士被人迷惑，大部分攏是信hit ê教ê信徒。……獨怪呂宋（指菲律賓）tī東海外，遠過中國萬里，亦為所踞，此其心寧有厭足乎？……有女及笄，父母無得主婚配，必候巴黎（稱僧曰巴黎或巴禮，Padre）按選；其稍有姿者，率為巴黎所留，色衰放歸，始令擇配。……民人有資，歲與中分；4歲了後，十ê無tshun一ê……歲中分其資者，務貧其民，使不得為所欲為也……而堂堂中國，曾無人能破其奸，已為醜類齒冷。脫有不信余言者，試問日本何以禁絕醜類，不令蹈其境乎？今而後iáu是有從其教而褒揚ê人，以巴黎選女e5tsit件代誌kā in講。（憎天主教僧之情，流露甚！）


《台灣教會公報》 1961期 主後1989年10月1日