《賴永祥講書》

 | | | 轉寄

《教會史話》(1_091)杜嘉德駐廈門

作者 賴永祥 2009.04.05

杜嘉德牧師（Rev. Carstairs Dooglas），tī 1830年12月27日出世，老爸是牧師，有6 ê子，嘉德排第六。1851年uì格拉斯爾大學畢業，1855年tī愛丁堡自由教會神學院（Free Tsurts College, Edinburgh）完成神學課程。

1855年2月21日，杜嘉德tī格拉斯哥聖馬太自由教會，受按立為英國長老教會ê宣教師。3月kap開拓宣道家賓威廉牧師（W.C. Burns）kâng坐「挑戰者號」（Tsalinger），去香港，tsiah koh轉上海，tī旅途中得著前輩ê指導得著真tsē ê物件。6月去廈門，原本駐廈門ê牧師James Johnson，tī幾週前因為破病來離開，所以伊必須愛孤軍奮戰。

當時tī廈門，除了英國長老會以外，猶koh有倫敦宣道會kap美國歸正教會ê宣道站。三會ê教勢，根據杜嘉德hit年ê年終報告，生存成人會員人數，倫敦會136，歸正100，長老會47，總共283；其中婦女tī倫敦會有39，歸正會mā差不多kâng數。 Tī廈門，出外佈道，牧養教會，教導學生，研究語言是真無閒ê，因為in看起來比實際年歲khah老。伊bat編過「漳泉神詩」（伊所編ê詩詞真多首猶koh會凍tī台灣基督長老教會「聖詩」內面看著），伊tī 1873年刊行ê「廈英大辭典」，是斯界古典權威著作（為此格拉斯哥大學頒贈伊博士學位）。

廈門是閩南ㄧê重要ê都市，泉漳汀龍永ê中樞，南洋ê門戶。福音自廈門漸傳入去內地。台灣ê傳教，mā是uì廈門來ê，杜嘉德就是第一ê倡導ê人。

Tī tsia我應該講著tī廈門ê教會合一運動。教會ê分門別戶，有神學基礎異同kap歷史沿革，m̄-koh外人總是khah歹相信是in是屬於kâng一ê主e。歸正會，本屬長老會系統，採長老執事制，制度上差別不tsē，所以tī廈門ê歸正會kap英國長老教會ê會堂，tī 1862年4月1日開會組合「泉漳長老大會」。實際上是今中會，就是長老會所稱Presbytery，歸正會所稱Class。為了tsit-ê合同杜嘉德、打馬字（J.V.N. Talmage）等ê功勞是buē凍無講著ê。1881年大會分成二ê中會，tī 1894年稱閩南長老總會。倫敦會，本屬公理會，教會制度無kâng，m̄-koh宣道本部准各宣道區選用合適制度，所以閩南長老總會kap倫敦會閩省議會總算達成協議，tī 1920年1月6日齊集tī鼓浪嶼成立了「中華基督教閩南合一會」，是中國教會合一運動êㄧ大步。

杜嘉德牧師tī 1877年夏主持了tī上海舉行ê第一屆在華宣教師協議會（伊是二位主席之一），轉來廈門ê時得著霍亂，7月26日過身。

《台灣教會公報》 1975期 主後1990年1月7日