《賴永祥講書》

 | | | 轉寄

打馬字牧師在華南四十年

作者 賴永祥 2005.09.04

賴永祥講書 (006)

打馬字牧師(Rev. John van Nest Talmage, 1819-1892)，是美國歸正教會ê宣教師，1847年受派到廈門，tī閩南從事傳教共有40年久。《Forty Years in Sooth Tsina by Rev. John Gerardus Fagg》一書，是寫伊傳教生涯ê權威著作，thang tsuè 參考。

1819年8月18日，打馬字出生 tī 美國紐澤西州ê薩馬維爾(Somerville, New Jersey) 。伊tī 少年時代bat聽過海外宣教師羅啻(Rev. Elihu Doty)ê談話，就立志 beh到國外宣教。伊tī 1842年Rutgers College畢業，1845年New Brunswick神學院畢業，1846年受按立為牧師。1847年受美國亞比絲喜美總會(ABCFM，就是American Buard of Commissioners for Foreign Missions 的簡稱，亦稱美部會)派， kap beh tńg去任地ê羅啻牧師，tī 1847 年 8月4日到澳門，tī 19日到目的地廈門。 1848年年底廈門新街仔ê禮拜堂竣工。堂是近代中國第一座基督教堂建築，稱做“中華第一聖堂”，教務由羅啻主持。

打馬字牧師 ti71849 年春天一旦回美國， ti71850年1月15 日結婚，7月16 日帶牧師娘Abby WoodruffTalmage再回到廈門。伊 tī 廈門竹樹腳租一民房，加蓋一層，樓tíng tsò宿舍，樓下作聚會用(可容納100人) 。 12月23日開始正式禮拜，主日上下午聚會。 伊khiā tī 竹樹腳近二十年。

當時教育無普及，尤其是婦女绝大多數,m̄識字，bē-hiáu讀《聖經》、《聖詩》。為了傳教ê需要，1850年tī厦門ê羅啻、打馬字、養雅各醫生 ( Dr.James Yo͘ng)等宣教師，就tsham-siông考案出一套以拉丁字母(羅馬字)聯缀切音的厦門話白話字。伊非常出力推動白話字，tī 1852年刊行了《唐話番字初學--- Tn̂g uē huan jī tsho͘ ha̍k 》， tī 1853年刻《Lō͘-tik ê tsheh》20頁，就是 聖經 ê路得書， tī 1853 年刻印《Thian lo͘ li̍k thîng--天路歷程卷壹 》，1859年使用白話字刻印25首ê《Ióng sim sîn si養心神詩》。

打馬字牧師牧會非常成功，伊照顧會友，會友也順服伊。伊對教會自治非常致意。1855年竹樹腳ê 會友已經有百人以上，4月就kap新街仔教會，共同選出四位長老、三位執事。1856年制定長執會規章八條。1859年tī竹樹腳民房附近建築一座禮拜堂(建築費用1300元大洋，是竹樹堂會第一座聖殿)，10月30日舉行獻堂典禮。1860年 6月 26日長老大會tī竹樹腳堂成立，1862年2月11日按立葉漢章長老為竹樹堂會第一任牧師，成tsuè全國自養自聘牧師ê 開端。當時tī 閩南傳教，有美國ê 歸正教會、英國ê 長老教會kap倫敦宣道會三會: 那歸正長老兩會是同源，制度也較相同，tī 1862年4月1日開會，組成「泉漳長老大會」。這是中國教會合一運動ê 先驅。

1862年2月10日牧師娘Abby Woodruff Talmage過身，牧師就帶子女返美國，1864年11月再婚， 1865 年6月1 日帶新娘Mary van DeventerTalmage回到廈門。 牧師娘 tī 1867年就有 “周課”，教婦女讀《聖經》kap 問答書，1870 年創辦女學堂。1874年牧師 ê長女打清潔（Katherine·M·Talmage）kap二女打馬利亞（Mary·Elizabeth·Talmage）也受派當宣教師駐廈門，大家叫大姑娘、二姑娘， 對婦女事工kap 教育盡心盡力。女學堂ti71880年間，遷到鼓浪嶼田尾，人叫tsuè田尾女學堂或花旗女學，由二姑娘接辦 (1889年校名改tsuè毓德女子小學) 。大姑娘為婚後婦女，tī田尾設婦学堂(田尾婦女福音学院) 。

1867年母校Rutgers College頒hō͘打馬字牧師神學博士。伊tī廈門繼續為傳教，教導學生 thua buâ,也策劃調配宣教區ê事工。伊一直為編寫增補既有漢字讀音，又有释義ê《厦門音ê字典》，用工用心，也陸續將《聖經》 ê路加福音傳(1866)、約翰書信(1870)、加拉太書、腓立比書、歌羅西書(1871)、馬太福音傳(1872)、羅馬書....等譯tsuē白話字。

打馬字牧師tī 1889年夏天退休回美國，1892年8月19 日tī 紐澤西州ê包恩溪(Boondbrook, New Jersey.)去世。伊编纂ê《厦門音ê字典》，tī 1894年，得來坦履牧師(Rev. Daniel Rapalje) ê協助，完成出版。