《賴永祥講書》

 | | | 轉寄

《教會史話》(1_049)西班牙人ê撤退

作者 賴永祥 2008.06.22

17世紀前葉荷蘭kap西班牙bat tī台灣南北形成對抗ê局勢是一件真趣味ê tāi-tsì，兩強m̄-nā tī政治kap經濟tī leh拚輸贏，tī宗教上mā分屬兩方，一ê是信新教(改革派，稱歸正教會)，一ê是信舊教(天主教)，而且tsit兩ê國家lóng想behti7東亞新天地擴大in ê勢力。


荷蘭人料想不到西班牙人會來佔領雞籠。1629年2月10日，荷蘭長官奴易玆(Pieter Nuyts)向公司中樞申報略稱: 西人佔據北部台灣，勢將種下不斷災害的財源;吾船隻赴漳州貿易者，受極大威脅.，他們或將驅使原住民及華人反抗我們…..」，內而主張早日訴諸武力徹底打擊西人。m̄-koh荷方歹無luā久著kap日人發生棘手ê爭執，麻豆、蕭壠等社mā攏來反背，荷人久toh無力兼顧北征。


到1641年8月，荷蘭台灣長官Paulus Traudenius)tsiah派林迦(Johan van Linga)帶兵去雞籠，kā守將波爾的里奧(Gonsalo Portilio)勸降，守兵不服。隔tńg年8月荷軍koh來，其艦隊總共載兵員690名、另外有水夫奴隸等等，由哈勞哲(Hendrick Haroose)指揮.，分攻淡水kap雞籠，到 26日西班牙官兵tsiah投降，西班牙人ê統治時代，到tsia為止。其統治自1626年起，干taⁿ有16年。


開城迎降時，，雞籠ê宣教師有基洛斯(Theodore Quiros，駐基毛里San Luis Beltran堂)安赫列士(Juan de los Angeles，駐雞籠諸聖堂)、被特洛路易士(Pedro Luis del Rosario，助修士)等。另外koh有神父沙倍斯(Pedro Tsaves)，本來hông任命愛去三貂角聖老楞佐堂，tī福州到淡水ê路途中去hō͘荷人所掠。


雞籠淡水，自大員(安平)確實路途遙遠，荷人勉強駐兵守備，m̄-koh因為宣教師ê人數有限，遲遲buē-tàng去傳教kap教化。根據「早期荷蘭佈教史科類纂」，1648年11月長官俄巴瓦達官(Overtwater)致東印度總督函略稱：「自有任命雞籠或淡水教師之議，已逾四年，仍 未見有一宣教師前來，並未見荷人勤於教務、教子弟習教理或施洗禮，致使住民懷疑荷人是否為真正基督徒。相反地，北部住民却瞭解西班牙語，並持有教義書」 (見「荷蘭治下之台灣」230-231頁)。1654年2月，台灣評議會致東印度總督函講：「天主教士曾使多數原住民改信，在淡水、雞籠地方住民希望吾牧師施以教化」，是函希望派7名宣教師去台灣(見「荷蘭治下之台灣」291頁)。1655年自巴達維亞新到台灣ê牧師5人，馬修司(Marcus Masius)被任命為淡水雞籠宣教師，從事新ê傳道kap教化(見同冊299頁)。其教化成績如thài會無ài詳。馬修司當1661年鄭成功攻台ê時，迅速撤離雞籠，坐船經過日本平安tńg去到巴達維亞。


《台灣教會公報》1926期 主後1989年1月29日