《賴永祥講書》

 | | | 轉寄

《教會史話》(1_066)台灣佈教ê成功

作者 賴永祥 2008.10.19

1889年5月，甘為霖牧師(Rev. William Campbell)tī倫敦脫稿付印「台灣佈教之成功」2冊，共670頁。伊ê書題是An Accoont of Missionary Success in the Island of Formosa，是介紹台灣傳教第一部有分量ê英文書。1972年台北成文出版祉出版其景印刷。

tsit本冊卷首有甘為霖序言kap 1650年倫敦刊英文「台灣土人5千9百人改信」ê複刻。序kap複刻干taⁿ佔46頁，tshun ê攏算附錄。附錄一是甘為霖寫ê「荷蘭台灣佈教略史」，附錄2至12是荷蘭時期佈教史科ê選譯(大部分後來複收tī「荷蘭治下之台灣」，錄13是各種台灣土語ê主禱文，取自(一)倪但理(Daniel Gravius)譯新港腔「馬太福音」、(二)倪但理「信仰個條書」，(三)尤羅伯(Robertus Junius)「問答書」，(四)法特烈(Jacobus Vertretst)法波蘭語稿本kap(五)Psalmanazaar ê偽作.；附錄14是台灣蕃語荷語對話例。是khah有系統簡單介紹荷人tī台灣宣教ê作品，至「荷蘭治下之台灣」刊行，其功始大成。

附錄15是甘為霖本人tī台灣澎湖傳教kap見聞ê報導。分30段：(一)抵台初印象、(二)訪外圍傳道站、(三)傳教振作的時期、(四)福音傳到熟蕃、(五)赴訪北部、(六)再談熟蕃、(七)教會受肯定、(八)日人侵台(1874年)、(九)白水溪之難、(十)再訪北部、(十一)溫旺被殺、(十二)先知ê子孫(講傳道者ê養成)、(十三)李豹兄弟、(十四)木柵新禮拜堂、(十五)客家ê兄弟、(十六)嘉義嘉年華會、(十七)新港ê福音傳播、(十八)道路kap圍塞、(十九)訪鬼傀儡(排灣)族、(二十)竹仔腳ê衰微、(二十一)加拿大宣道會(在北部傳教)、(二十二)追憶(李庥枚師、吳文水長老)、(二十三)傳教協議會、(二十四)法國ê侵台(1884)、(二十五)tī廈門快樂ê日子、(二十六)封鎖之後、(二十七)撤種tī好地(講嘉義地區ê豐收)、(二十八)tī澎湖ê拓教(1886年)、(二十九)進入彰化、(三十)盲人事工。tsit部分ê篇幅佔全冊大約三分之二，大部分攏有作紀錄ê年月日，是著者親身ê見聞，史料ê價值真大，是研究1872年至1889年問南部傳教史一定愛讀ê書。雖然所述者，差不多複收tī著者1915年所刊ê「台灣素描」(Skettses from Formosa)，m̄-koh後書tī重編ê課程內面落掉tsiok tsē應該有ê年月日ê記錄。

tsit本冊收有2幅地圖：一ê是台灣島佈教ê地圖(載有各傳道站名)，另外一ê是台灣府城(台南)街道全圖。附有圖像5：尤羅伯(Robertus Junius)、倪但理(Daniel Gravius)、總通事潘敦、李庥(Hugh Rittsie)kap吳文水長老。


《台灣教會公報》 1946期 主後1989年6月18日