《賴永祥講書》

 | | | 轉寄

《教會史話》(1_067)記教區ê拓展kap巡迴

作者 賴永祥 2008.10.26

甘為霖牧師(Rev. William Campbell)是英國長老教台駐台ê第2位牧師，tī 1871年12月10日來到打狗，隔tńg工著對水路轉安平，tuà tī台灣府域(台南)。仝一年ê 12月30日加拿大長老教會第一位ê宣教師偕叡理牧師(Rev. George Leslie Matskay)mā來到打狗，tī明年ê 3月9日tī淡水開始台灣北部ê宣教。

甘為霖拓展台灣南部教區ê成績是輝煌ê。干單就伊tī 1889年刊行ê「台灣佈教之成功」，就會凍知影伊行過ê所在是真闊ê，中南部歷史悠久ê教會攏kap伊有關係。1871年12月伊就uì府城信徒陪同巡迴木柵、柑子林、崗子林、拔馬等教會一週。翌年4月去打狗，陪李庥牧師(Rev. Hugh Rittsie)巡迴東港kap竹仔腳，tī 5月陪歸正教會葉漢章牧師巡迴阿里港(里港)、木柵、柑子林、崗子林、拔馬。10月kap德馬太醫生(Matthew Dickson)去中部，訪大社、內社、埔祉ê鐵砧山(烏牛欄)kap牛眠山，十一月去拜訪嘉義城，在tsiakap德醫生道別了後繼續拜訪白水溪、番子田、吉貝耍-。1873年3月搭帆船達芬號(Dalphne)se̍h過台灣南pîng，沿東海岸tsiūⁿ北，來到淡水，拜訪偕叡理牧師。4月訪問五股坑、艋舺等了後，由偕牧師陪同步行落南，tī新港社(今香山kap後壠中間ê中港，向中央山脈走路一兩個地方，屬苗栗縣)kap偕牧師相辭，去拜訪內社、大社、埔社，5月去拜訪蕪蕃族，mā來到水社湖(日月潭，命名「干治士湖」)，koh往南巡白水溪、番子田，6月來到拔馬、崗子林、柑子林、木柵。10月koh再去拜訪埔社kap甘治士湖。1874年4月出發，訪埔社、內社、大社，經過彰化嘉義，tī六月ê時返來到府城。仝hit年ê 10月自廈門航淡水，uì淡水用9天步行返去府城;11月巡視番子田、白水溪、頭社、岩前等二通，12月往嘉義。1875年1月tī白水溪遇難。3月往北行，視緊番子田、岩前、嘉義、水社(mā訪干治士湖)、埔社、大社、內社。

1877年6月，甘牧師拜訪埤頭(鳳山)kap客村南岸，10月tī新港傳教(今新市)。1878年4月uì南岸入山區，訪傀儡(排灣)族2週，9月巡番子田、吉貝耍、嘉義、斗六、林祀埔(竹山)、水裡坑、埔社、大社、牛罵頭(清水)、葫蘆墩(豐原)、東勢角、內社。10月北上，陪同偕牧師去拜訪北部ê教會，包括噶瑪蘭。1883年4月訪樹仔腳kap彰化附近ê村社。1885年9月tī牛挑灣設教。1886年6月kap高長抵澎湖(澎湖設教從此算起)，10月tī彰化設教。

　 《台灣教會公報》 1947期 主後1989年6月25日