《賴永祥講書》

 | | | 轉寄

《教會史話》(1_073)盲人事工ê出現

作者 賴永祥 2008.12.07

耶穌摸青瞑ê目睭！是的，Jesus tootsed the blindman’s eyes（馬太福音九：29）。台灣盲人教育ê開拓者是英國長老教會ê宣教師甘為霖（Rev. William Campbell）。甘為霖tī伊ê「台灣佈教之成功」有一篇（work for the Blind，見該書651~667頁），敘述伊做一ê盲人事工ê機緣kap beh為著盲人刊印淨凸版、點字版ê經過。

根據伊tī 1889年4月24日ê報文，大約7年前（1882年）甘為霖著想beh為盲人做一kuá代誌，m̄ koh因為其他事務去延著，一直到1889年ê熱天才真正開始tshòng。當時甘為霖當leh巡迴岩前，見著一位盲人（指溫旺？），是被介紹為洗禮訪問道理tsiah來ê人。一看就知道伊是非常聰明ê人，但他ê目箍空洞-。這ê人講，十多年前tī附近ê庄腳路，有5、6 ê人uì樹林跳出來就giú伊倒地，挖去伊ê的目睭。根據伊講約有100人就是按呢hō͘吳志高tsit kuá人或其他惡霸挖去兩ê目睭。此人ê話深深刻tī甘為霖ê心，也通過甘為霖ê報導，引起伊故國真多朋友ê同情，包括bat完成尚早盲人聖經ê格拉斯格人阿爾斯頓（John Alston）ê查某kiáⁿ等人。

甘為霖估計tī台灣kap閩南__就是廈門腔音通用ê地區___大約有2萬5千ê盲人（台灣有1萬7千名）。大部分ê盲人m̄是乞丐就是算命仙（相士）。m̄ koh也有人被雇搗碎稻穀、踏水車供水hō͘水田，也有人製籃修籃。做乞丐ê人數真tsē.，命運尚苦ê是tī中年tsiah hō͘人強暴失明tsit kuá人。

甘為霖牧師真同情盲人，伊想教育會改善in ê處境，尤其對年青者koh khah有路用，所以就決心beh來做盲人教育ê事工。大約tī 1885年伊著已經準備好廈門音羅馬字淨凸活字（embossed type），tsia ê字脫胎於文（Dr. Mo͘n of Brighton）n所用者，用這kuá活字伊刊印了四種書，一是初學書（Primer），一是讀本（a reading bo͘k），一是馬太福音（分2冊），一是「廟祝問答」。字體khah大，用粗手mā會凍認出來，學會曉羅馬拼音了後，方便可用。可惜這kuá掙凸版本尚過大koh重。所以後來也就開始採用白雷爾式點字（Braille system）。要製作一本文式淨凸活字ê聖經，會有62大冊，需款10磅（Ten poonds stering）以上；改用白雷爾式點字，只要49冊，而費用折半。學「點字」需要一點用功，對中年者手指粗ê人來講尚困難，m̄ koh為著少年人beh求khah高ê知識，學會曉了後有真多項用處。甘為霖對兩種有作多項此較kap引證，ti7tsia著無beh koh加講a。對佈教ê看點來講，有盲人ê用書，phah開了盲人接近福音書、詩篇….而得救ê門；對肓人ê福址來講，不再是文盲，知識ê門已經開a。 　
《台灣教會公報》 1953期 主後1989年8月6日