《台語荒漠甘泉（漢羅版）》

 | | | 轉寄

荒漠所在出水泉

作者 陳清俊 譯 林俊育 漢羅翻寫 2009.07.05

listen
七月初五 (七月五日)

「我(góa) beh 招呼(tsio-ho͘) 伊(i)，tshuā 伊(i) 到(kàu) 曠野(khòng-iá)，用(ēng) 話(ōe) 安慰(an-uì) 伊(i)，我(góa) 也(iā) beh tuì-hia 賞賜(siúⁿ-sù) 伊(i) 葡萄園(phû-tô-hn̂g)。」 (何西阿2:14-15)

曠野(khòng-iá)，á 是(sī) 沙漠(sua-bô͘) 當然(tong-jiân) m̄ 是(sī) thang tshē tio̍h 葡萄園(phû-tô-hn̂g) ê 所在(só͘-tsāi)。沙漠(sua-bô͘)，曠野(khòng-iá) 是(sī) 孤獨(ko͘-to̍k) 偏僻(phian-phiah)，tshē 無(bô) 出路(tshut-lō͘) ê 所在(só͘-tsāi)。咱(lán) 性命(sìⁿ-miā) ê 豐盛(hong-sēng) kiám 真正(tsin-tsiàⁿ) 會(ōe) tī 沙漠(sua-bô͘)，曠野(khòng-iá) 中(tiong) tshē tio̍h？M̄-nā 真正(tsin-tsiàⁿ) 會(ōe)，tī 第(tē) 15 節(iat) 講(kóng)：「koh 賞賜(siúⁿ-sù) 伊(i) A-kat ê 山谷(suaⁿ-kok) 做(tsoè) ǹg 望(bāng) ê 門(mn̂g)；伊(i) beh ti-hia 應聲(ìn-siaⁿ) kap 少年(siàu-liân) ê 日(ji̍t) 無(bô) 各樣(koh-iūⁿ)。」A-kat 是(sī)「苦難(khó͘-lān)」ê 意思(ì-sù)，tī tsia A-kat ê 山谷(suaⁿ-kok) 是(sī) 叫做(kiò-tsoè)「ǹg 望(bāng) ê 門(mn̂g)」。

Tio̍h,上帝(Siōng-tè) 知(tsai) 咱(lán) 需要(su-iàu) 經歷(king-le̍k) 沙漠(sua-bô͘)，伊(i) 知(tsai) tī 甚麼(sím-mi̍h) 所在(só͘-tsāi)，用(ēng) 甚麼(sím-mi̍h) 方法(hong-huat) hō͘ 咱(lán) 能(oē) 產生(sán-sing) 忍耐(jím-nāi) ê 美德(bí-tik)。人(lâng) 拜(pài) 偶像(ngó͘-siōng)、違背(uî-pōe)、反抗(hoán-khòng)，buē 記得(kì-tit) 上帝(Siōng-tè)，講(kóng)：「我(goá) beh tè 我(goá) 所(só͘) 戀愛(loân-ài) ê 人(lâng)」(何西阿2:5) beh 發見(huat-kiàn) 前面(tsêng-bīn) ê 路(lō͘) hō͘ 上帝(Siōng-tè) 所(só͘) 擋(tòng) tio̍h。「伊(i) beh 追(tui) jip 所(só͘) 戀愛(loân-ài) ê 人(lâng)，若是(nā-sī) jip-buē-tio̍h」，(何西阿2:7)伊(i) 感覺(kám-kak) 失望(sit-bōng)，受(siū) 棄(khì) sak，上帝(Siōng-tè) 就(tsiū) 會(oē) 講(kóng)：「我(goá) beh 招呼(tsio-ho͘) 伊(i)，tshuā 伊(i) 到(kàu) 曠野(khòng-iá)，用(ēng) 話(oē) 安慰(an-uì) 伊(i)。」

咱(lán) ê 上帝(Siōng-tè) 是(sī) 何等(hô-téng) ê 慈愛(tsû-ài)！──tuì「幼屑(iù-sut) á」

咱(lán) 永遠(éng-oán) m̄ 知(tsai) 上帝(Siōng-tè) 將(tsiong) 泉水(tsôaⁿ-tsuí) 藏(tshàng) tī tó 位(uī)，看(khòaⁿ) 是(sī) 一塊(tsi̍t-tè) 大(toā) 石頭(tsio̍h-thâu)，卻(khiok) m̄ 知(tsai) 下面(ē-bīn) 有(ū) 水泉(tsuí-tsôaⁿ)。看(khòaⁿ) 是(sī) 一片(tsi̍t-phìⁿ) 岩石(giâm-tsio̍h) 偏僻(phian-phiah) 所在(só͘-tsāi)，無(bô) 想(siūⁿ) tio̍h 有(ū) 水泉(tsuí-tsôaⁿ)。伊(i) tshuā 咱(lán) tī 荒漠(hong-bô͘) 崎嶇(khi-khu) ê 境界(kéng-kài)，tsiah 知(tsai) hia 有(ū) 長長(tn̂g-tn̂g) teh 流(lâu) 無(bô) 停(thêng) ê 泉水(tsôaⁿ-tsuí)。

附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com