《台語荒漠甘泉（漢羅版）》

 | | | 轉寄

信心ê成長

作者 陳清俊 譯 林俊育 漢羅翻寫 2009.07.12

listen
七月十二(七月十二日)
「總是(Tsóng-sī) 伊(I) 知(tsai) 我(goá) 所(só͘) 行(kiâⁿ) ê 路(lō͘)；伊(I) 試煉(tshì-liān) 我(goá) 了後(liáu-āu)，我(goá) beh 親像(tshin-tshiūⁿ) 過(kè) 鍛鍊(thoàn-liān) ê 金(kim)。」 (約伯記23:10)

暴風(Po̍k-hong) 中(tiong) 信心(sìn-sim) 增長(tsing-tióng)！Tsit 句(kù) 短短(té-té) ê 話(oē) 對(tuì) 一個(tsi̍t-ê) 經歷(king-le̍k) tio̍h 有(ū) 性命(sìⁿ-miā) 威脅(ui-hia̍p) ê 人(lâng) 是(sī) 有(ū) 何等(hô-téng) 大(toā) ê 意義(ì-gī)！

信心(Sìn-sim) 是(sī) 上帝(Siōng-tè) 所(só͘) 賜(sù) ê 力量(le̍k-liōng)，實施(si̍t-si) 起來(khí-lâi)，會(oē) 看(khoàⁿ) tio̍h 所(só͘) buē-thang 看見(khoàⁿ-kìⁿ) ê tāi-tsì。對(Tuì) 超自然(tshiau-tsū-jiân) ê 事物(sū-bu̍t)，hō͘ 無(bô) 可能(khó-lêng) ê 變(piàn) 做(tsoè) 可能(khó-lêng)。是(Sī)，信心(sìn-sim) tī 暴風(po̍k-hong) 中(tiong) 增長(tsing-tióng)，tī 靈性界(lêng-sèng-kài) 層次(tsân-tshù) ê 擾亂(jiáu-loān)，擾亂(jiáu-loān) 中(tiong) 成長(sêng-tióng)。暴風(Po̍k-hong) 是(sī) 當(tng) 自然(tsū-jiân) 力(la̍t) 互相(hō͘-siong) 衝突(tshiong-tu̍t) 中(tiong) 產生(sán-sing) ê；靈性(lêng-sèng) ê 暴風(po̍k-hong) 也是(iā-sī) tī 超自然(tshiau-tsū-jiân) 界(kài) 對反(tuì-hoán) 力(la̍t) ê 衝突(tshiong-tu̍t) 所(só͘) 產生(sán-sing) ê. Tī tsit 種(tsióng) 衝突(tshiong-tu̍t) ê 氣氛(khì-hun) 中(tiong)，信心(sìn-sim) tshē tio̍h siōng 肥(puî) ê 土(thô͘)，thang 真(tsin) 緊(kín) 成熟(sêng-se̍k)。

Siōng 粗(tsho͘) siōng 大(toā) ê 樹(tshiū) m̄ 是(sī) 生(siⁿ) tī 樹林(tshiū-nâ) 內(lāi)，卻是(khiok-sī) 生(siⁿ) tī 四面(sì-bīn) 有(ū) 風(hong) 吹來(tshe-lâi) 吹去(tshe-khì) ê 曠闊(khòng-khuah) ê 所在(só͘-tsāi)。狂風(Kông-hong) 會(oē) 吹(tshe) 彎(uan)、吹(tshe) 折(tsih)、彎曲(uan-khiau)，hō͘ 伊(i) 變(piàn) 做(tsoè) 大(toā) 樹頭(tshiū-thâu)。

Tsiah-ê 樹(tshiū)，木料(bo̍k-liāu) siōng 堅定(kian-tēng)，木匠(ba̍k-tshiūⁿ) 用(ēng) 來(lâi) 做(tsoè) 工具(kang-kū) ê 柄(pìⁿ)。

Siâng 款(khoán)，tī 靈性(lêng-sèng) 上(siōng)，當(tng) 你(lí) 看(khoàⁿ) tio̍h 一位(tsi̍t-uī) 靈性(lêng-sèng) 有(ū) 成就(sêng-tsiū) ê 人(lâng)，你(lí) 若(nā) kap 伊(i) 同行(tâng-kiâⁿ)，hit 條(tiâu) 路(lō͘) 並(pēng) m̄ 是(sī) 永遠(éng-oán) 太陽(thài-iông) 燦爛(tshàn-lān)，野花(iá-hue) 滿(moá) 四界(sì-koè)。Tú-tú 相反(siong-hoán)，he 是(sī) 危險(guî-hiám) 真(tsin) tsuē 石頭(tsio̍h-thâu) koh 狹(ue̍h) ê 小路(sió-lō͘)，有(ū) 地獄(tē-ga̍k) ê 風(hong) 想(siūⁿ) beh kā 伊(i) 吹(tshe) 倒(tó)，有(ū) 尖尖(tsiam-tsiam) ê 石(tsio̍h) 傷(siong) 伊(i) 腳底(kha-té)，有(ū) 刺(tshì) á 鑿破(tsha̍k-phoà) 面皮(bīn-phê)，亦(ia̍h) 有(ū) 毒蛇(to̍k-tsoâ) tī 四周圍(sì-tsiu-uî) teh 吐舌(thó͘-tsi̍h) tng 等(tán)。

信心(Sìn-sim) ê 路(lō͘) 有(ū) 悲傷(pi-siong) 也有(iā-ū) 快樂(khòai-lo̍k)，有(ū) 困苦(khùn-khó͘) 也有(iā-ū) 醫好(i-hó) 安慰(an-uì)，有(ū) 流(lâu) 目屎(ba̍k-sái) 也有(iā-ū) 笑(tshiò) ê 時(sî)，有(ū) 試驗(tshì-giām) 也有(iā-ū) 勝利(sèng-lī)，有(ū) 衝突(tshiong-tu̍t) 也有(iā-ū) 得勝(tik-sèng)，而且(jî-tshiáⁿ) iáu 有(ū) 真(tsin) tsuē 困難(khùn-lân)、危險(guî-hiám)、受(siū) phah、窘迫(khún-pik)、受(siū) 誤會(gō͘-hoē)、患難(hoān-lān)、困苦(khùn-khó͘) 等等(téng-téng)。不過(Put-kò)「tī tsiah-ê lóng 總(tsóng) ê 事(sū)，咱(lán) tuì 疼(thiàⁿ) 咱(lán) ê,得勝(tik-sèng) 到(kàu) 有(ū) tshun.」(羅馬8:37)

Tio̍h, tī「lóng 總(tsóng) ê 事(sū)」，甚至(sīm-tsì) tī 暴風(po̍k-hong) 中(tiong)，siōng 強烈(kiông-lia̍t) ê 大風(toā-hong) 中(tiong) lóng「得勝(tik-sèng) 到(kàu) 有(ū) tshun」。你(lí) 可能(khó-lêng) 想(siūⁿ) ài 逃閃(tô-siám) 考驗(khó-giām)，無(bô) ài 受(siū) 強烈(kiông-lia̍t) ê 暴風(po̍k-hong) ê 拖磨(thua-boâ)，總是(tsóng-sī) 你(lí) 應該(ing-kai) 面對(bīn-tuì) 伊(i)！上帝(Siōng-tè) tī 每(muí) 一個(tsi̍t-ê) 考驗(khó-giām) 中心(tiong-sim) teh thìng 候(hāu) 你(lí)，伊(I) 會(oē) 將(tsiong) 伊(I) ê 祕密(pì-bi̍t) kā 你(lí) 講(kóng)。當(Tng) 你(lí) 出來(tshut-lâi) ê 時(sî)，面(bīn) beh 發光(huat-kng)，koh 有(ū) 連(liân) 地獄(tē-ga̍k) ê 惡魔(ok-mô͘) 都(tō) buē-thang 搖動(iô-tāng) ê 信心(sìn-sim)。──E. A. Kilboorne

附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com