《台語荒漠甘泉（漢羅版）》

 | | | 轉寄

苦杯

作者 陳清俊 譯 林俊育 漢羅翻寫 2009.07.19

listen
七月十九(七月十九日)
父(Pē) 所(só͘) hō͘ 我(goá) ê 杯(pue)，我(goá) kiám 無(bô) beh lim mah？] (約翰18:11)

「Lim 父(pē) 所(só͘) hō͘ 我(goá) ê 杯(pue)」比(pí) hō͘ 風湧(hong-éng) 平靜(pêng-tsēng)，比(pí) hō͘ 死人(sí-lâng) koh 活(ua̍h) koh-khah 大(toā) ê 事(sū)。先知(Sian-ti)、使徒(sù-tô͘) 能(oē) 行(kiâⁿ) 神跡(sîn-jiah)，總是(tsóng-sī) in 並(pēng) 無(bô) 常常(siông-siông) 照(tsiàu) 上帝(Siōng-tè) ê 旨意(tsí-ì) 行(kiâⁿ)，去(khì) 承受(sêng-siū) 苦難(khó͘-lān)。照(Tsiàu) 上帝(siōng-tè) ê 旨意(tsí-ì) 做(tsò)，甘心(kam-sim) 受苦(siū-khó͘)，是(sī) 信心(sìn-sim) siōng 高峰(ko-hong)，基督徒(Ki-tok-tô͘) siōng 榮光(êng-kng) ê 成就(sêng-tsiū)。

少年(Siàu-liân) 時代(sî-tāi) ê 大(toā) 志氣(tsì-khì) 已經(í-king) 破碎(phoà-tshuì)，日日(ji̍t-ji̍t) 受(siū) 重擔(tāng-tàⁿ) teh，lóng 無(bô) 歇(hioh) 喘(tshoán) ê 時(sî) tsūn，雖然(sui-jiân) 有(ū) 心(sim) ǹg 望(bāng) 對(tuì) 別人(pa̍t-lâng) 做(tsò) 好事(hó-sū)，為(uī) 所(só͘) 疼(thiàⁿ) ê 人(lâng) hō͘ in 有(ū) 好日子(hó-ji̍t-tsí) 過(koè)，但是(tān-sī) 本身(pún-sin) hō͘ 貧困(pîn-khùn) 交纏(kau-tîⁿ)，身體(sin-thé) hō͘ 病痛(pīⁿ-thiàⁿ) 所(só͘) 縛(pa̍k)，完全(oân-tsoân) 孤單(ko͘-tuaⁿ)，kap 所(só͘) 疼(thiàⁿ) ê 人(lâng) 分離(hun-lī)，單獨(tan-to̍k) 面對(bīn-tuì) 性命(sìⁿ-miā) ê 打擊(tá-kik)。雖然(Sui-jiân) 發生(huat-sing) 這(tse) 一切(it-tshè)，受(siū) tsiah 大(toā) tsiah 艱苦(kan-khó͘) ê 鍛鍊(toàn-liān)，你(lí) iáu 會(oē) 講(kóng)：「父(Pē) 所(só͘) hō͘ 我(goá) ê 杯(pue)，我(goá) kiám 無(bô) beh lim mah？」這(Tse) 是(sī) 信心(sìn-sim) ê 高峰(ko-hong)，是(sī) 心靈(sim-lêng) 成功(sêng-kong) 達到(ta̍t-kàu) 極點(ke̍k-tiám)。

大(Toā) 信心(sìn-sim) ài tī 受苦(siū-khó͘) ê 時(sî) tsiah 會(oē) 充分(tshiong-hun) 表現(piáu-hiān) 出來(tshut-lâi)。──Tsarles Parkhurst

Ài 有(ū) 受苦(siū-khó͘) ê 救主(Kiù-tsú)，tsiah 有(ū) 憐憫(lîn-bín) 人(lâng) ê 上帝(Siōng-tè)。真正(tsin-tsiàⁿ) ê 同情(tông-tsêng) 是(sī) tuì 有(ū) 受(siū) tio̍h siâng 款(khoán) 痛苦(thòng-khó͘) ê 人(lâng) 來(lâi)。苦痛(khó͘-thàng) 是(sī) hō͘ 咱(lán) 有(ū) 力量(le̍̍k-liōng) 去(khì) 同情(tông-tsêng) 別人(pa̍t-lâng) ê 代價(tāi-kè)，見若(kìⁿ-nā) 願意(goān-ì) 幫贊(pang-tsān) 別人(pa̍t-lâng) ê，必須(pit-su) 家己(ka-kī) 先(sing) 受苦(siū-khó͘)。咱(Lán) 若(nā) 希望(hi-bāng) 幫贊(pang-tsān) 別人(pa̍t-lâng)，需要(su-iàu) 先(sing) 面對(bīn-tuì) 十字架(si̍p-jī-kè)。無(Bô) lim 耶穌(Iâ-so͘) 所(só͘) lim ê 苦杯(khó͘-pue) ê 人(lâng)，無(bô) 親像(tshin-tshiūⁿ) 伊(I)，hiah-nih 願意(goān-ì) 謙卑(khiam-pi) 受(siū) 約翰(Iok-hān) 洗禮(sé-lé) ê 人(lâng)，絕對(tsua̍t-tuì) 體驗(thé-giām) buē tio̍h tuì 服事(ho̍k-sāi) 人(lâng) 來(lâi) 得(tit) tio̍h hit 種(tsióng) 大(toā) 無(bô) 比(pí) ê 快樂(khoài-lo̍k)。

大衛(Tāi-pi̍t) 王(ông) siōng 安慰(an-uì) ê 詩篇(si-phian)，是(sī) tī 伊(i) ê 性命(sìⁿ-miā) 經過(king-kè) 受(siū) 苦難(khó͘-lān) ê 時(sî) 所(só͘) 壓(ap) 出來(tshut-lâi) ê。使徒(Sù-tô͘) 保羅(Pó-lô) 身上(sin-tsiūⁿ) 若無(nā-bô)「hit 支(ki) 刺(tshì)」 (哥林多後書12:7)，咱(lán) 今(kin) á 日(ji̍t) 就(tsiū) buē 得(tit) tio̍h hiah tsuē tī 伊(i) ê phue 信(sìn) 所(só͘) 表達(piáu-ta̍t) 溫柔(un-jiû) 安慰(an-uì) ê 心聲(sim-siaⁿ)。

若是(Nā-sī) 你(lí) 已經(í-king) 將(tsiong) 本身(pún-sin) 交代(kau-tāi) 主(Tsú)，目前(bo̍k-tsêng) 你(lí) ê 環境(khoân-kéng) tú-tio̍h 重擔(tāng-tàⁿ) teh-tio̍h，是(sī) beh tī 天父(Thiⁿ-pē) ê 手(tshiú) 中(tiong) kā 你(lí) 雕刻(tiau-khik) 做(tsò) 永活(éng-ua̍h) 形體(hêng-thé) 美好(bí-hó) ê 作品(tsok-phín)。所以(Só͘-í) 相信(siong-sìn) 伊(I)，永遠(éng-oán) 無(bô) sak 開(khui) 伊(I) tú-teh tī 你(lí) 身上(sin-tsiūⁿ) 使用(sú-iōng) ê 工具(kang-kū)，無(bô) 失去(sit-khì) 伊(I) beh tī 你(lí) 性命(sìⁿ-miā) 中(tiong) 結出(kiat-tshut) 好(hó) 果子(ké-tsí)。

有(Ū) 顯現(hián-hiān) 確實(khak-si̍t) 奇怪(kî-koài) kap 困難(khùn-lân)，
總是(Tsóng-sī) tè tī 後面(āu-bīn) 是(sī) 賜福(sù-hok) kap 平安(pêng-an)。
苦難(Khó͘-lān) 學校(ha̍k-hāu) 所(só͘) 畢業(pit-gia̍p) ê 是(sī) 傑出(kia̍t-tshut) ê 學者(ha̍k-tsiá)。

附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com