《台語荒漠甘泉（漢羅版）》

 | | | 轉寄

上帝ê山

作者 陳清俊 譯 林俊育 漢羅翻寫 2009.08.02

listen
八月初二(八月二日)

「我(goá) beh hō͘ 我(goá) ê 眾(tsèng) 山(suaⁿ) 成做(tsiâⁿ-tsoè) 路(lō͘)。 」 (以賽亞49:11)

上帝(siōng-tè) 用(ēng) 咱(lán) ê 阻礙(tsó͘-gāi) 成就(sêng-tsiū) 伊(i) ê 旨意(tsí-ì)，咱(lán) 生活上(sing-ua̍h-siōng) 有(ū) 一座(tsi̍t-tsō) 一座(tsi̍t-tsō) ê 山(suaⁿ)，阻礙(tsó͘-gāi) 咱(lán) 靈性(lêng-sèng) ê 進前(tsìn-tsêng)。Tsiah-ê 阻礙(tsó͘-gāi) 可能(khó-lêng) 是(sī) 咱(lán) ê 閒(êng) á 話(oē)，咱(lán) 困難(khùn-lân) ê 工作(kang-tsok)，á 是(sī)「肉體(jio̍k-thé) 一支(tsi̍t-ki) 刺(tshì)」 (哥林多後書12:7)，Á 是(sī) 咱(lán) 每日(muí-ji̍t) ê 十字架(si̍p-jī-kè)。咱(lán) 常常(siông-siông) ài 求(kiû) 主(tsú) 將(tsiong) 這(tse) 除去(tû-khì)，想(siūⁿ) 講(kóng) 一旦(it-tàn) 除去(tû-khì)，生活(sing-ua̍h) 就(tsiū) 會(oē) 過(kè) 了(liáu) khah 溫柔(un-jiû)、純潔(sûn-kiat) kap 聖潔(sèng-kiat)。

「無知(bû-ti) ê 人(lâng) ah，...lín ê 心(sim) 怎樣(tsáiⁿ-iūⁿ) hiah oh 信(sìn) ah！ 」 (路加24:25) Tsiah-ê 阻礙(tsó͘-gāi) 其實(kî-si̍t) 是(sī) 造就(tsō-tsiū) 咱(lán) ê 條件(tiâu-kiāⁿ)。In khǹg tī 咱(lán) ê 生活(sing-ua̍h) 中(tiong)，是(sī) 產生(sán-sing) 咱(lán) 所(só͘) 日日(ji̍t-ji̍t) 祈禱(kî-tó) 追求(tui-kiû) ê 恩賜(un-sù) kap 品質(phín-tsit)。Tsuē-tsuē 年(nî) 咱(lán) 祈禱(kî-tó) ài 忍耐(jím-nāi)，當(tng) 咱(lán) 一旦(it-tàn) tú-tio̍h 超過(tshiau-kè) 咱(lán) 能力(lêng-le̍k) ê 考驗(khó-giām)，咱(lán) suah 走開(tsáu-khui) 去(khì)。將(tsiong) 這(tse) 當做(tòng-tsoè) buē-thang 克服(khik-ho̍k) ê 阻礙(tsó͘-gāi)，阻礙(tsó͘-gāi) 咱(lán) 達到(ta̍t-kàu) 目標(bo̍k-piau)。咱(lán) 相信(siong-sìn) 將(tsiong) 這(tse) 除去(tû-khì)，beh 馬上(má-siōng) 得(tit) tio̍h 救(kiù) kap 勝利(sèng-lī)。

M̄-tio̍h！咱(lán) án-ni 做(tsoè)，所(só͘) 除去(tû-khì) ê 是(sī) hit-ê 訓練(hùn-liān) 咱(lán) 行(kiâⁿ) ǹg 忍耐(jím-nāi) ê 力量(le̍k-liōng)，這(tse) m̄ 是(sī) 忍耐(jím-nāi)。只有(tsí-ū) 忍受(jím-siū) 今日(kim-ji̍t) 看(khoàⁿ) 是(sī) buē-thang 克服(khik-ho̍k) ê 磨練(boâ-liān)，tsiah 會(oē) 得(tit) tio̍h 真正(tsin-tsiàⁿ) ê 忍耐(jím-nāi)。

Ua̍t-tò-tńg，無(bô) koh 閃避(siám-pī)，順服(sūn-ho̍k) tī 主(tsú) ê 旨意(tsí-ì)，憑(pîn) 信心(sìn-sim) 求(kiû) 有份(ū-hūn) tī 耶穌(Iâ-so͘) ê 忍耐(jím-nāi)，靠(khò) 伊(i) ê 力量(le̍k-liōng) 應付(èng-hù) 你(lí) 所(só͘) 受(siū) ê 考驗(khó-giām)。生活(sing-ua̍h) ê 困苦(khùn-khó͘)，種種(tsióng-tsióng) 煩惱(hoân-ló) ê 事務(sū-bū)，無(bô) 一項(tsi̍t-hāng) m̄ 是(sī) 用(ēng) 來(lâi) 達成(ta̍t-sêng) 最高(tsoè-ko) ê 目的(bo̍k-tik)。Ài 記得(kì-tit)，in 是(sī) 上帝(siōng-tè) ê 山(suaⁿ)，是(sī) 伊(i) 為(uī) tio̍h 某(bó͘) 一個(tsi̍t-ê) 原因(goân-in) tsiah 將(tsiong) 山(suaⁿ) khǹg tī hia。 Koh 咱(lán) 知(tsai) 伊(i) 從來(tsiông-lâi) m̄-bat 無(bô) 實行(si̍t-hêng) 伊(i) ê 應允(èng-ún)。

「上帝(siōng-tè) 明白(bêng-pe̍k) 智慧(tì-huī) ê 路(lō͘)，也(iā) 知(tsai) 伊(i) ê 所在(só͘-tsāi)。因為(in-uī) 伊(i) 鑑察(kàm-tshat) 到(kàu) 地(toē) ê 極頭(ke̍k-thâu)，遍看(piàn-khoàⁿ) 普天下(phó͘-thiⁿ-ē)。」 (約伯記28:23-24) 所以(só͘-í) 咱(lán) 來(lâi) 到(kàu) 山腳(suaⁿ-kha)，能(oē) tshē tio̍h 咱(lán) ê 路(lō͘)。──tuì F. B. Meyer所著ê 《以賽亞書ê基督》

試驗(tshì-giām) ê 目的(bo̍k-tik) m̄-nā 是(sī) 量(niû) 咱(lán) ê 價值(kè-ta̍t)，koh 是(sī) 增加(tsing-ka) 咱(lán) ê 價值(kè-ta̍t)；親像(tsin-tshiūⁿ) 暴風雨(po̍k-hong-ú) m̄-nā 考驗(khó-giām) 橡樹(siōng-tshiū) ê 強度(kiông-tō͘)，koh 是(sī) 增加(tsing-ka) 伊(i) ê 結實(kiat-si̍t)。

附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com