《台語荒漠甘泉（漢羅版）》

 | | | 轉寄

上帝ê安慰

作者 陳清俊 譯 林俊育 漢羅翻寫 2009.08.09

listen
八月初九(八月九日)
「伊(i) ê 力(la̍t) 在(tsāi) tī 你(lí)， … hit 號(hō) 人(lâng) 有(ū) 福氣(hok-khì)。 In 經過(king-kè) 流目屎(lâu-ba̍k-sái) ê 山谷(suaⁿ-kok)， hō͘ 伊(i) 變做(pìⁿ-tsoè) 水泉(tsuí-tsoâⁿ) ê 所在(só͘-tsāi)。」 (詩篇84：5-6)

心情(sim-tsêng) 輕鬆(khin-sang) 歡喜(huaⁿ-hí) ê 時(sî)， buē hō͘ 人(lâng) 安慰(an-uì)。安慰(an-uì) 是(sī) 上帝(siōng-tè) siōng 寶貴(pó-kuì) ê 禮物(lé-bu̍t)，beh 享受(hiáng-siū) á 是(sī) 得(tit) tio̍h 這(tse) 安慰(an-uì) ê 恩賜(un-sù)，必須(pit-su) 經歷(king-le̍k) 人生(jîn-sing) 感情(kám-tsêng) 深(tshim) ê 山谷(suaⁿ-kok)，體驗(thé-giām) tio̍h 安慰(an-uì)，然後(jiân-āu) 必須(pit-su) 準備(tsún-pī) kap 上帝(siōng-tè) 同工(tâng-kang)。

暗暝(àm-mî)，人生(jîn-sing) 所(só͘) 需要(su-iàu) ê 暝(mî)，當(tng) 伊(i) ê 陰影(im-iáⁿ) 罩(tà) tī 咱(lán) 靈魂(lêng-hûn) 園(hn̂g) ê 頂面(téng-bīn)，園(hn̂g) 中(tiong) ê 葉(hio̍h) 捲起來(kńg-khí-lâi)，花(hue) 合(ha̍p) 起來(khí-lâi)，無(bô) koh 反射(hoán-siā) 日光(ji̍t-kng)。當(tng) 咱(lán) tú-tio̍h siōng 烏暗(o͘-àm) ê 時(sî)，會(oē) 記得(kì-tit)，咱(lán)決斷(kuat-toàn) buē 感覺(kám-kak) 缺乏(khiàm-kheh)，天頂(thiⁿ-téng) 潤澤(lūn-te̍k) ê 甘露(kam-lō͘) 只有(tsí-ū) tī 日頭(ji̍t-thâu) 落山(lo̍h-suaⁿ) 了後(liáu-āu) tsiah 會(oē) 降(kàng) 落來(lo̍h-lâi)。

經過(king-kè) 流目屎(lâu-ba̍k-sái) ê 谷底(kok-té)，
傷悲(siong-pi) 痛疼(thiàⁿ-thàng) ê 地(tē)，
安慰(an-uì) ê 上帝(siōng-tè) kap 我(guá) tī-teh，
隨時(suî-sî) 扶持(hû-tshî)，保庇(pó-pì) 好勢(hó-sè)。

土地(thó͘-tē) 需要(su-iàu) 雲(hûn) kap 太陽(thài-iông)，
咱(lán) ê 靈(lêng) 也(iā) 需要(su-iàu) 喜樂(hí-lo̍k) kap 悲傷(pi-siong)，
伊(i) khǹg 咱(lán) tī 火爐(hé-lô͘) 中(tiong)，
鍛鍊(toàn-liān) 做(tsoè) 精金(tsing-kim) 純良(sûn-liông)。

伊(i) 引(ín) tshuā 咱(lán) 行(kiâⁿ) tī 憂悶(iu-būn) ê 路(lō͘)，
咱(lán) 跟隨(kun-suî) 伊(i) ê 腳步(kha-pō͘)，
伊(i) hō͘ 咱(lán) 試驗(tshì-giām) kap 痛苦(thòng-khó͘)，
Lóng 是(sī) 恩典(un-tián) ê 一(tsi̍t) 步數(pō͘-sò͘)。

咱(lán) 常常(siông-siông) 閃避(siám-pī) 修整(siu-tséng) kap 剪(tsián)，
Buē 記得(kì-tit) 作穡人(tsoè-sit-lâng) ê 上帝(siōng-tè) 知(tsai) 一切(it-tshè)，
Ài 知(tsai)，修整(siu-tséng) ná 深(tshim)，
生(siⁿ) 出(tshut) ê 花(hue) pha ná 茂盛(bō͘-sēng) 美麗(bí-lē)。

深(tshim) 知(tsai) 必須(pit-su) 苦難(khó͘-lān) 方式(hong-sik)，
伊(i) 心(sim) 中(tiong) 存(tsûn) 目的(bo̍k-tik)，
Tī 幽谷(iu-kok) 中(tiong) 伊(i) 輕聲(khin-siaⁿ) 講(kóng) 起(khí)，
無久(bô-kú) 你(lí) beh 知(tsai) 我(goá) ê 用意(iōng-ì)。

咱(lán) 經過(king-koè) 人生(jîn-sing) 幽谷(iu-kok)，
有(ū) 伊(i) 疼(thiàⁿ) ê 清泉(tshing-tsoâⁿ) 來(lâi) 慰樂(uì-lo̍k)，
Hō͘ 咱(lán) 醒悟(tshíⁿ-gō͘) 痛苦(thòng-khó͘) 勞碌(lô-lo̍k)，
實在(si̍t-tsāi) 是(sī) 伊(i) ê 賜福(sù-hok)。

所以(só͘-í) 咱(lán) 跟(kun) tè 伊(i) 引(ín) tshuā，
雖然(sui-jiân) 道路(tō-lō͘) 烏暗(o͘-àm) koh 孤單(ko͘-tuaⁿ)，
因為(in-uī) 咱(lán) 確實(khak-si̍t) 知(tsai) 伊(i) 做伴(tsoè-phoāⁿ)，
Hō͘ 咱(lán) tī 烏暗暝(o͘-àm-mî) 也(iā) beh 唱歌(tshiùⁿ-kua)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com