《台語荒漠甘泉（漢羅版）》

 | | | 轉寄

吞忍thìng候

作者 陳清俊 譯 林俊育 漢羅翻寫 2009.08.16

listen
八月十六(八月十六日)

「我(goá) bat 吞忍(thun-lún) thìng 候(hāu) 耶和華(Iâ-hô-hua)。」 (詩篇40：1)

Thìng 候(hāu) 比(pí) 行路(kiâⁿ-lō͘) khah oh，因為(in-uī) thìng 候(hāu) 需要(su-iàu) 耐心(nāi-sim)、吞忍(thun-lún)。忍耐(jím-nāi) 是(sī) 難得(lân-tit) 有(ū) ê 美德(bí-tik)。上帝(siōng-tè) 圍(uî) 籬笆(lî-pa) 來(lâi) 保護(pó-hō͘) 伊(i) ê 子民(tsú-bîn)，tuì 保護(pó-hō͘) ê 角度(kak-tō͘) 看(khoàⁿ) 是(sī) 好(hó)。

總是(tsóng-sī) 若是(nā-sī) 籬笆(lî-pa) ná 起(khí) ná 高(koâiⁿ)，到(kàu) 籬笆(lî-pa) 外(goā) lóng 看(khoàⁿ) buē-tio̍h，咱(lán) 就(tsiū) beh 懷疑(hoâi-gî)，咱(lán) ê 一生(it-sing) 是(sī) m̄ 是(sī) lóng 限制(hān-tsè) tī tsit-ê 環境(khoân-kéng)，kiám iáu 有(ū) 機會(ki-hoē) 離開(lī-khui) tsit-ê 小(sió) 範圍(hoān-uî) kap 服務(ho̍k-bū)。有時(ū-sî) 咱(lán) buē-thang 了解(liáu-kái)，為甚麼(uī-sím-mi̍h) 無(bô) khah 大(toā) ê 範圍(hoān-uî) 來(lâi) 服務(ho̍k-bū)、事奉(sū-hōng)，為甚麼(uī-sím-mi̍h) buē-thang 離開(lī-khui) tsit-ê 真(tsin) oh 活動(ua̍h-tāng) 起來(khí-lâi) ê 所在(só͘-tsāi)。不過(put-kò)，上帝(siōng-tè) ê iân-tshiân 有(ū) 伊(i) ê 意思(ì-sù)，「義人(gī-lâng) ê 腳步(kha-pō͘) 是(sī) 耶和華(Iâ-hô-hua) 所(só͘) 安置(an-tì)。」 (詩篇37：23)。

George Mueller tī tsit-ê 經文(king-bûn) 邊(piⁿ) á 有(ū) 註解(tsù-kái) 寫(siá)，「m̄-nā 是(sī) 行(kiâⁿ) ê 腳步(kha-pō͘)，也(iā) 包含(pau-hâm) 停(thêng) ê 腳步(kha-pō͘)」。有(ū) 人(lâng) 想(siūⁿ) beh 衝破(tshiong-phoà) 上帝(siōng-tè) ê 籬笆(lî-pa)，這(tse) 是(sī) 大(toā) 大(toā) ê 錯誤(tshò-ngō͘)。主(tsú) hō͘ 基督徒(ki-tok-tô͘) siōng 大(toā) ê 準繩(tsún-tsîn)，就(tsiū) 是(sī) 無(bô) 離開(lī-khui) 上帝(siōng-tè) 所(só͘) kā 伊(i) 安頓(an-tùn) ê 所在(só͘-tsāi)，直到(ti̍t-kàu)「雲柱(hûn-thiāu)」 (出埃及記13：21)開始(khai-sí) 向前(hiòng-tsêng) 起行(khí-kiâⁿ)。──tuì「主日學時報」

咱(lán) 若(nā) 一旦(it-tàn) 學(o̍h) 會曉(oē-hiáu) 一切(it-tshè) tāi-tsì lóng thìng 候(hāu) 主(tsú) ê 引(ín) tshuā，咱(lán) beh 知(tsai)，咱(lán) ê 能力(lêng-le̍k) beh tī 平行(pêng-hêng) 行做(kiâⁿ-tsoè) tiong 達到(ta̍t-kàu) 最(tsoè) 高點(ko-tiám)。咱(lán) ê 中間(tiong-kan) 真(tsin) tsuē 人(lâng) lóng 欠缺(khiàm-kheh) 想(siūⁿ) ài 有(ū) ê 力量(le̍k-liōng)，總是(tsóng-sī) 上帝(siōng-tè) 召(tiàu) 咱(lán) 去(khì) 做(tsoè) 每(muí) 一項(tsi̍t-hāng) ê 工作(kang-tsok)， lóng beh 賜(sù) hō͘ 咱(lán) 有(ū) 夠額(kàu-gia̍h) 完全(oân-tsoân) ê 力量(le̍k-liōng)。保持(pó-tshî) 信心(sìn-sim) thìng 候(hāu) 伊(i) ê 引(ín) tshuā 就(tsiū) 是(sī) 得(tit) 力量(le̍k-liōng) ê 祕訣(pì-kuat)。凡若(hoân-nā) 無(bô) 照(tsiàu) 伊(i) ê 道路(tō-lō͘) 行(kiâⁿ) ê，lóng 是(sī) 浪費(lōng-huì) 時間(sî-kan) kap 精神(tsing-sîn)。留心(liû-sim) thìng 候(hāu) 伊(i) ê 引(ín) tshuā。──Samuel Dickey Gorden

假使(ká-sú) 一個(tsi̍t-ê) 人(lâng) 受逼(siū-pik) 靜靜(tsēng-tsēng) 無(bô) 採取(tshái-tshú) 任何(jīm-hô) ê 行動(hêng-tōng)，只(tsí) khiā tī 岸頂(hoāⁿ-téng) 看(khoàⁿ) 性命(sìⁿ-miā) ê 大湧(toā-éng) tshiâng-tshiâng 滾(kún)，伊(i) ê 性命(sìⁿ-miā) kiám 講(kóng) 是(sī) 失敗(sit-pāi) ê mah？絕對(tsua̍t-tuì) m̄ 是(sī)，因為(in-uī) 勝利(sèng-lī) 是(sī) ài 靠(khò) khiā 在(tsāi)，安靜(an-tsēng) thìng 候(hāu) 去(khì) 得勝(tik-sèng)。Án-ni 做(tsoè)，可能(khó-lêng) 比(pí) 你(lí) 以前(í-tsêng) 無(bô) 閒(êng) tshih-tshih，phah 拚(piàⁿ) 生活(sing-ua̍h) khah oh 幾(kuí) 千(tshing) 倍(pē)。Khiā 在(tsāi)，thìng 候(hāu)，無(bô) 灰心(hue-sim)，無(bô) 失望(sit-bōng)，順(sūn) thàn 上帝(siōng-tè) 旨意(tsí-ì)，將(tsiong) 工作(kang-tsok) ê 機會(ki-hoē) kap 榮耀(êng-iāu) 留(lâu) hō͘ 別人(pa̍t-lâng)，tī 眾人(tsèng-lâng) 無(bô) 閒(êng) 快樂(khoài-lo̍k) 進行(tsìn-hêng) ê 時(sî)，你(lí) 本身(pún-sin) uē-thang 保持(pó-tshî) 安靜(an-tsēng)，有(ū) 自信(tsū-sìn) koh 快樂(khoài-lo̍k)，是(sī) 何等(hô-téng) ê 好(hó) ah。

Siōng 偉大(uí-tāi) ê 人生(jîn-sing) 就(tsiū) 是(sī)「到(kàu) lín 已經(í-king) 做成(tsoè-tsiâⁿ) lóng 總(tsóng) ê 事(sū)，也(iā) 猶原(iû-goân) khiā 在(tsāi)。」 (以弗所6：13) ──J. R. Miller


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com