《台語荒漠甘泉（漢羅版）》

 | | | 轉寄

無靠目睭看ê信心

作者 陳清俊 譯 林俊育 漢羅翻寫 2009.08.23

listen
八月二三(八月二十三日)

「Tuì 信(sìn)，亞伯拉罕(A-pik-la̍h-hán) 受(siū) 召(tiàu) ê 時(sî)，就(tsiū) 順(sūn) 命令(bēng-lēng) 出去(tshut-khì)， …伊(i) 出去(tshut-khì)，m̄ 知(tsai) beh 去(khì) tá 落(lo̍h)。」 (希伯來11：8)

這(tse) 是(sī) 無(bô) 用(ēng) 目睭(ba̍k-tsiu) 看(khoàⁿ) ê 信心(sìn-sim)。目睭(ba̍k-tsiu) 所(só͘) 看(khoàⁿ) ê m̄ 是(sī) 信心(sìn-sim) 是(sī) 推理(thui-lí)。我(goá) 有(ū) 一(tsi̍t) pái 坐船(tsē-tsûn) 橫過(hoâiⁿ-kè) 大西洋(Tāi-se-iûⁿ)，觀察(kuan-tshat) tio̍h 信心(sìn-sim) ê 原則(goân-tsik)。我(goá) 無(bô) 看(khoàⁿ) tio̍h 海面(hái-bīn) 有(ū) 畫(oē) 出(tshut) 甚麼(sím-mi̍h) 路徑(lō͘-kèng)，也(iā) 無(bô) 看(khoàⁿ) tio̍h 岸(hoāⁿ) á 是(sī) 陸地(lio̍k-tē)，總是(tsóng-sī) 每日(muí-ji̍t) tī 海圖室(hái-tô͘-sik) 標(piau) 出(tshut) 船(tsûn) ê 進行(tsìn-hêng) 所在(só͘-tsāi)，ná 親像(tsin-tshiūⁿ) 海面(hái-bīn) 畫(oē) 一條(tsi̍t-tiâu) 白線(pe̍h-soàⁿ)， 船(tsûn) 照(tsiàu) án-ni 駛(sái)。到(kàu) 大西洋(Tāi-se-iûⁿ) ê hit-pîng 岸(hoāⁿ)，阮(goán) 也(iā) 知(tsai) hit-ê 是(sī) 甚麼(sím-mi̍h) 所在(só͘-tsāi)。一(tsi̍t) 點(tiám) á tsing-tsha mā 無(bô)，ná 親像(tsin-tshiūⁿ) tī 三(saⁿ) 千(tshing) 里(lí) 外(goā) ê 所在(só͘-tsāi) 就(tsiū) 看(khoàⁿ) tio̍h 對(tuì) pîng 岸(hoāⁿ) 一樣(tsi̍t-iūⁿ)。

行船(kiâⁿ-tsûn) 怎樣(tsáiⁿ-iūⁿ) 能(oē) tsiah-nih 正確(tsèng-khak) 計畫(kè-oē) 出來(tshut-lâi) neh？因為(in-uī) 船長(tsûn-tiúⁿ) 每日(muí-ji̍t) theh 儀器(gî-khì) 觀察(kuan-tshat) 天象(thian-siōng)，tuì 日頭(ji̍t-thâu) ê 位置(uī-tì) 來(lâi) 決定(kuat-tēng) 行(kiâⁿ) ê 路線(lō͘-soàⁿ)，伊(i) 行船(kiâⁿ-tsûn) 是(sī) 用(ēng) 天頂(thiⁿ-téng) ê 光(kng)，m̄ 是(sī) 用(ēng) 地面(tē-bīn) ê 光(kng) 來(lâi) tshuā 路(lō͘)。

真正(tsin-tsiàⁿ) ê 信心(sìn-sim) 也(iā) 向(hiòng) 頂面(téng-bīn) 觀看(kuan-khoàⁿ) 來(lâi) 行做(kiâⁿ-tsoè)，是(sī) 用(ēng) 上帝(siōng-tè) ê 大(toā) 太陽(thài-iông) 光(kng)，伊(i) 無(bô) 看(khoàⁿ) 海岸線(hái-hoāⁿ-soàⁿ)，無(bô) 看(khoàⁿ)地面(tē-bīn) ê 燈塔(ting-thah)，á 是(sī) 沿路(iân-lō͘) ê 小(sió) 路(lō͘)、小島(sió-tó)。信心(sìn-sim) ê 腳步(kha-pō͘) 往往(óng-óng) tshuā ǹg 全然(tsoân-jiân) 無(bô) 把握(pá-ak) 甚至(sīm-tsì) 烏暗(o͘-àm) kap 災難(tsai-lān) 中(tiong)。總是(tsóng-sī) 上帝(siōng-tè) 會(oē) 開路(khui-lō͘)，常常(siông-siông) hō͘ 半暝(poàⁿ-mî) siōng 烏暗(o͘-àm) ê 時(sî) tsūn 變做(pìⁿ-tsoè) 黎明(lê-bêng) hiah-nih 光亮(kng-liāng)。

Hō͘ 咱(lán) 今日(kim-ji̍t) 就(tsiū) 起帆(khí-phâng)、駛船(sái-tsûn)，雖然(sui-jiân) m̄ 知(tsai)，也(iā) 看(khoàⁿ) 無(bô) 前途(tsiân-tô͘)，但是(tān-sī) thang 完全(oân-tsoân) 來(lâi) 信靠(sìn-khò)。 ──tuì「Tī地ná tī天」

真(tsin) tsuē 人(lâng) tī 開始(khai-sí) 以前(í-tsêng)，就(tsiū) beh ài 看(khoàⁿ) tio̍h 伊(i) 發展(huat-tián) ê 全部(tsoân-pō͘)。想(siūⁿ) 看(khoàⁿ) māi，咱(lán) 若(nā) 能(oē) 看(khoàⁿ) tio̍h tuì 頭(thâu) 到(kàu) 尾(bé) ê 全部(tsoân-pō͘) 路程(lō͘-thêng)，咱(lán) án-tsuáⁿ 能(oē) 發揮(huat-hui) 基督徒(ki-tok-tô͘) ê 恩賜(un-sù) neh？信心(sìn-sim)、希望(hi-bōng)、疼痛(thiàⁿ-thàng) buē 親像(tsin-tshiūⁿ) 蘋果(pêng-kó) 到(kàu) 熟(se̍k) 自然(tsū-jiân) tuì 樹頂(tshiū-téng) la̍k 落來(lo̍h-lâi) 一樣(tsi̍t-iūⁿ)。 Ài 記得(kì-tit)，聖經(sèng-king) ê 頭(thâu) 一節(tsi̍t-tsat)，「源起頭(goân-khí-thô͘)」所(só͘) 接(tsiap) 落(lo̍h) 去(khì) ê 字(jī) 是(sī)「上帝(siōng-tè)」。這(tse) 是(sī) 咱(lán) 用(ēng) 信心(sìn-sim) 來(lâi) tsūn 鎖匙(só-sî) 開動(khai-tōng) 主(tsú) ê 發電廠(huat-tiān-tshiúⁿ) ê 門(mn̂g) ê 頭(thâu) 一步(tsi̍t-pō͘)。無(bô) m̄-tio̍h，上帝(siōng-tè) 幫贊(pang-tsān) 自己(tsū-kí) 努力(ló͘-le̍k)，自己(tsū-kí) 幫贊(pang-tsān) ê 人(lâng)，總是(tsóng-sī) 上帝(siōng-tè) 也(iā) 幫贊(pang-tsān) hiah-ê 無助(bû-tsō͘) 軟(nńg) tsiáⁿ ê 人(lâng)。所以(só͘-í) 無論(bô-lūn) 環境(khoân-kéng) 如何(jû-hô)，每(muí) pái lóng thang uá 靠(khò) 伊(i)。

等待(tán-thāi) 上帝(siōng-tè) tshuā 咱(lán) 行(kiâⁿ) 到(kàu) 旅途(lú-tô͘) ê 終點(tsiong-tiám) 比(pí) 咱(lán) 用(ēng) 腳(kha) 家己(ka-kī) 行(kiâⁿ) 加(ke) 緊(kín) 真(tsin) tsuē。 伊(i) 已經(í-king) 出令(tshut-lēng) ài 咱(lán) 行動(hêng-tōng)，咱(lán) iáu teh 躊躇(tiû-tû) 甚麼(sím-mi̍h)？M̄-thang hō͘ 機會(ki-hoē) 一(tsi̍t) pái koh 一(tsi̍t) pái 失去(sit-khì) ah。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com