《台語荒漠甘泉（漢羅版）》

 | | | 轉寄

信心需要考驗

作者 陳清俊 譯 林俊育 漢羅翻寫 2009.08.30

listen
八月三十(八月三十日)

「坐船(tsē-tsûn) 過海(kè-hái)，tī 大水中(toā-tsuí-tiong) 經營(king-êng) 事業(sū-gia̍p) ê，in 看見(khoàⁿ-kìⁿ) 耶和華(Iâ-hô-hua) ê 所(só͘) 做(tsoè)，kap 伊(i) tī 深淵(tshim-ian) 所(só͘) 行(kiâⁿ) ê 奇事(kî-sū)。」 (詩篇107：23-24)

一個(tsi̍t-ê) 人(lâng) 若(nā) buē 曉(hiáu) 利用(lī-iōng) ta̍k 方向(hong-hiòng) ê 風(hong) 來(lâi) 駛(sái) ǹg 天堂(thian-tông) 方向(hong-hiòng) ê，伊(i) m̄ 是(sī) 駛船(sái-tsûn) 師傅(sai-hū)，只是(tsí-sī) 一個(tsi̍t-ê) 徒弟(tô͘-tē)。事實(sū-si̍t) 平靜(pêng-tsēng) 無(bô) 風(hong) ê 海面(hái-bīn)，對(tuì) 咱(lán) 一點(tsi̍t-tiám) á 路用(lō͘-iōng) to 無(bô)。 風(hong)，無論(bô-lūn) 是(sī) tuì 東(tang)，tuì 西(sai)，tuì 南(lâm)，tuì 北(pak) 吹來(tshe-lâi)，lóng thang 幫贊(pang-tsān) 咱(lán) 駛(sái) 向(hiòng) 受(siū) 祝福(tsiok-hok) ê 港口(káng-kháu)。所以(só͘-í) 咱(lán) 所(só͘) tshē 求(kiû) ê，是(sī) tī 海(hái) 中(tiong) m̄ 驚(kiaⁿ) 暴風雨(po̍k-hong-ú)。願(goān) 咱(lán) 能(oē) 親像(tsin-tshiūⁿ) 一個(tsi̍t-ê) 英國(Ing-kok) 老大人(lāu-toā-lâng) án-ni 祈禱(kî-tó) 講(kóng)：「主(tsú) ah，將(tsiong) 阮(goán) 派(phài) tī 海(hái) 深(tshim) ê 所在(só͘-tsāi)，因為(in-uī) 現在(hiān-tsāi) 阮(goán) 離(lī) 岸(hoāⁿ) siuⁿ 近(kūn)，魔鬼(mô͘-kuí) 用(ēng) 一(tsi̍t) 絲絲(si-si) ê 風(hong) 來(lâi) 吹(tshe)，就(tsiū) 會(oē) hō͘ 阮(goán) ê 船(tsûn) tio̍h-ta̍k，koh 可能(khó-lêng) 破裂(phoà-li̍h)。主(tsú) ah，阮(goán) koh 一(tsi̍t) pái 請求(tshéng-kiû) 將(tsiong) 阮(goán) 派(phài) 到(kàu) 海(hái) 深(tshim) ê 所在(só͘-tsāi)，hia 有(ū) 寬闊(khuan-khuah) ê 空間(khong-kan)，thang 得(tit) 榮光(êng-kng) ê 得勝(tik-sèng)。──Mark Guy Pearse

Ài 記得(kì-tit)，咱(lán) ê 信心(sìn-sim) ài 受(siū) 考驗(khó-giām) tsiah 會(oē) 達到(ta̍t-kàu) 最(tsoè) 高點(ko-tiám)。肉體(jio̍k-thé) ê 自信(tsū-sìn) 是(sī) 擋(tòng) buē 過(kè) 考驗(khó-giām)，平平(pêng-pêng) 順順(sūn-sūn) ê 信心(sìn-sim) m̄ 是(sī) 真正(tsin-tsiàⁿ) ê 信心(sìn-sim)。──Tsarles H. Spurgeon

附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com