《台語荒漠甘泉（漢羅版）》

 | | | 轉寄

永遠存在tī身邊

作者 陳清俊 譯 林俊育 漢羅翻寫 2009.09.06

listen 九月初六(九月六日)

「獨獨(to̍k-to̍k) 你(lí) 久長(kú-tn̂g) tī-teh。」 (希伯來1：11)

世上(sè-tsiūⁿ) 真(tsin) tsuē 人(lâng) 孤單(ko͘-tuaⁿ) 坐(tsē) tī 火爐(hé-lô͘) 邊(piⁿ)，邊(piⁿ) á 有(ū) 一塊(tsi̍t-tè) 椅(í) á，以前(í-tsêng) 有(ū) 人(lâng) 坐(tsē) 過(kè)，taⁿ 空空(khang-khang)，buē 禁得(kìm-tit) 流(lâu) 出(tshut) 目屎(ba̍k-sái)。In 常常(siông-siông) 孤單(ko͘-tuaⁿ) 坐(tsē)，總是(tsóng-sī) in 無(bô) 想(siūⁿ) tio̍h 一個(tsi̍t-ê) 看(khoàⁿ) buē-tio̍h ê 人(lâng)，就(tsiū) tī 身邊(sin-piⁿ)。M̄ 知(tsai) 甚麼(sím-mi̍h) 原因(goân-in)，in 卻(khiok) 無(bô) 感覺(kám-kak) tio̍h 伊(i) ê 同在(tông-tsāi)，能(oē) 感覺(kám-kak) tio̍h ê 人(lâng) 有(ū) 福氣(hok-khì)。總是(tsóng-sī) 真(tsin) 少數(tsió-sò͘)，因為(in-uī) 是(sī) 決定(kuat-tēng) tī in ê 心情(sim-tsêng)、感情(kám-tsêng)、身體(sin-thé) 情形(tsêng-hêng)，kap 天氣(thiⁿ-khì)。外面(goā-bīn) ê 雨(hō͘)、厚霧(kāu-bū)、無(bô) 眠(bîn)、痛疼(thiàⁿ-thàng)，lóng 影響(éng-hióng) in ê 心情(sim-tsêng)，hō͘ in ê 視覺(sī-kak) 濛霧(bông-bū)，suah 感覺(kám-kak) buē-tio̍h 伊(i) ê 同在(tông-tsāi)。

總是(tsóng-sī) iáu 有(ū) 一項(tsi̍t-hāng) 比(pí) 感覺(kám-kak) khah 好(hó)、khah 有(ū) 福氣(hok-khì) ê 物(mi̍h)，kap 各種(kok-tsióng) ê 環境(khoân-kéng) 無(bô) 關係(kuan-hē)，卻(khiok) 常常(siông-siông) kap 你(lí) 同在(tông-tsāi)。就(tsiū) 是(sī) 承認(sêng-jīn) hit-ê 看(khoàⁿ) buē-tio̍h ê 同在(tông-tsāi)，伊(i) 是(sī) hiah-nih 奇妙(kî-biāu)、平靜(pêng-tsēng)、安慰(an-uì)、鎮定(tìn-tēng) koh 溫暖(un-loán)。承認(sêng-jīn) 主(tsú) ê 同在(tông-tsāi)，伊(i) 就(tsiū) tī 你(lí) tsia，tī 你(lí) 身邊(sin-piⁿ)。伊(i) ê 同在(tông-tsāi) 是(sī) 真實(tsin-si̍t)，當(tng) 你(lí)承認(sêng-jīn) 這(tse)，能(oē) 增加(tsing-ka) 你(lí) 去(khì) 感覺(kám-kak) ê 能力(lêng-le̍k)，但是(tān-sī) 絕對(tsua̍t-tuì) m̄ 是(sī) 靠(khò) 感覺(kám-kak)。

是(sī)， m̄-nā 是(sī) tsit-ê 真理(tsin-lí) ê 存在(tsûn-tsāi)，m̄ 是(sī) 物件(mi̍h-kiāⁿ)、事實(sū-si̍t)，á 是(sī) 陳說(tîn-suat)，iáu 有(ū) 一個(tsi̍t-ê) 主(tsú) tī tsia。伊(i) 是(sī) 熱心(jia̍t-sim) ê 朋友(pêng-iú)，全能(tsoân-lêng) ê 上帝(siōng-tè)。Hō͘ 哀哭(ai-khàu) ê 人(lâng) 有(ū) 喜樂(hí-lo̍k) ê 真理(tsin-lí)，無管(bô-koán) 伊(i) 為甚麼(uī-sím-mi̍h) 來(lâi) 哭(khàu)，也(iā) 無管(bô-koán) in ê 柳樹(liú-tshiū) 知(tsai) tī 甚麼(sím-mi̍h) 河邊(hô-piⁿ)(詩篇137：1-2)。──Samuel Dickey Cordon

我(goá) 早前(tsá-tsêng) ê 歡樂(huan-lo̍k) 失去(sit-khì)，
Khah 早(tsá)所有(só͘-ū)ê財寶(tsâi-pó)也(iā)無(bô)去(khì)，
Hō͘ 我(goá) iau 餓(gō) ê 心(sim) 會(oē) 得(tit) 飽(pá) ê 實現(si̍t-hiān)，
是(sī)，主(tsú) ah，你(lí) 是(sī) tī tsia，lóng 無(bô) 變(piàn)。

溪水(khue-tsuí) 會(oē) 乾(ta)，koh 會(oē) tīⁿ，
Hiah-nih 幸福(hēng-hok)、豐富(hong-hù)、自由(tsū-iû) ê 友誼(iú-gî)，
空中(khong-tiong) 有(ū) 日(ji̍t) 照(tsiàu) 也(iā) 有(ū) 雲(hûn) 遮蔽(jia-pì)，
主(tsú) ah，你(lí) 是(sī) tī tsia，我(goá) ê 心(sim) 有(ū) 你(lí)。

體力(thé-la̍t) 衰退(sue-thè)，腳酸(kha-sng) 手軟(tshiú-nńg)，
Buē-thang koh 為(uī) 歡樂(huan-lo̍k) 奔跑(phun-pháu) phah 算(sǹg)，
為何(uī-hô) 吐氣(thó͘-khuì)，kui 日(ji̍t) 憂愁(iu-tshiû) 賣斷(boē-tn̄g)，
主(tsú) ah，你(lí) 是(sī) tī tsia，iáu 有(ū) 啥(siáⁿ) khah 久長(kú-tn̂g)？

一生(it-sing) ê 日子(ji̍t-tsí)、朋友(pêng-iú)、友誼(iú-gî)、喜樂(hí-lo̍k)，
Tuì 我(goá) tsuē 少(tsió) lóng 充足(tshiong-tsiok)，
悲慘(pi-tshám) buē-tàng 傷(siong) 我(goá)，我(goá) iáu beh 吟詩(gîm-si)，
主(tsú) ah，你(lí) 是(sī) tī tsia，我(goá) ê 心(sim) 有(ū) 你(lí)。──J. Danson Smith


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com