《台語荒漠甘泉（漢羅版）》

 | | | 轉寄

無明白ê事

作者 陳清俊 譯 林俊育 漢羅翻寫 2009.09.20

listen
九月二十(九月二十日)
「我(goá) kiám 無(bô) kā 你(lí) 講(kóng)，你(lí) 若(nā) 信(sìn)，能(oē) 看見(khoàⁿ-kìⁿ) 上帝(siōng-tè) ê 榮光(êng-kng) mah？」(約翰11：40)

馬大(Má-tāi) kap 馬利亞(Má-lī-a) buē-tàng 明白(bêng-pe̍k) in ê 主(tsú) teh 做(tsoè) 甚麼(sím-mi̍h)，in lóng 對(tuì) 伊(i) 講(kóng)：「主(tsú) ah，你(lí) 若(nā) tī tsia，我(goá) ê 兄弟(hiaⁿ-tī) 就(tsiū) buē 死(sí)。」(約翰11：21，32) Tsit 句(kù) 話(oē) 背後(poē-āu) 真正(tsin-tsiàⁿ) ê 意思(ì-sù) 是(sī)「主(tsú) ah，阮(goán) buē 明白(bêng-pe̍k) 你(lí) iân-tshiân tsiah 久(kú) tsiah 來(lâi)，suah hō͘ 你(lí) 所(só͘) 疼(thiàⁿ) ê 人(lâng) 死(sí) 去(khì)。阮(goán) buē 明白(bêng-pe̍k) 你(lí) hō͘ tsit-ê 憂傷(iu-siong) 痛苦(thòng-khó͘) 臨到(lîm-kàu) 阮(goán)。你(lí) 若(nā) tī-teh，一切(it-tshè) ê 事(sū) 就(tsiū) buē 發生(huat-sing)，你(lí) thài 會(oē) 無(bô) 緊緊(kín-kín) 來(lâi)？現在(hiān-tsāi) 已經(í-king) siuⁿ 慢(bān) lah。因為(in-uī) 拉撒路(Lia̍p-sat-lō͘) 已經(í-king) 死(sí) 四(sì) 工(kang) lah！」但是(tān-sī) 耶穌(Iâ-so͘) 有(ū) 一個(tsi̍t-ê) 大(toā) 道理(tō-lí) beh 回答(hoê-tap) tsiah-ê 問題(būn-tê)。伊(i) ê 重點(tiōng-tiám) 是(sī)「Lín 可能(khó-lêng) 無(bô) 明白(bêng-pe̍k)，但是(tān-sī) 我(goá) kā lín 講(kóng)，lín 若(nā) 信(sìn)，就(tsiū) beh 明白(bêng-pe̍k)。」

亞伯拉罕(A-pik-la̍h-hán) 無(bô) 明白(bêng-pe̍k) 上帝(siōng-tè) 為何(uī-hô) ài 伊(i) 將(tsiong) kiáⁿ 來(lâi) 獻祭(hiàn-tsè)，但是(tān-sī) 伊(i) 相信(siong-sìn) 上帝(siōng-tè)。當(tng) 伊(i) 看(khoàⁿ) tio̍h 伊(i) 心愛(sim-ài) ê kiáⁿ koh 回(hoê) tńg 來(lâi) 身邊(sin-piⁿ)，伊(i) 看(khoàⁿ) tio̍h 上帝(siōng-tè) ê 榮光(êng-kng)。摩西(Mô͘-se) 無(bô) 明白(bêng-pe̍k) 上帝(siōng-tè) 為何(uī-hô) ài 伊(i) tī 曠野(khòng-iá) khiā 起(khí) 四十(sì-tsa̍p) 年(nî) 久(kú)，但是(tān-sī) 伊(i) 也(iā) 相信(siong-sìn) 上帝(siōng-tè)，後來(āu-lâi) 伊(i) 見(kìⁿ) tio̍h 上帝(siōng-tè) 叫(kiò) 伊(i) tshuā 以色列(í-sik-lia̍t) 脫離(thuat-lî) 做(tsoè) 埃及(Ai-ki̍p) ê 奴隸(lô͘-lē) 工作(kang-tsok)。

約瑟(Iok-sik) 無(bô) 明白(bêng-pe̍k) 伊(i) ê 兄哥(hiaⁿ-ko) 為甚麼(uī-sím-mi̍h) 虐待(ge̍k-thāi) 伊(i)，hit-ê 奸詐(kan-tsà) 埃及(Ai-ki̍p) 婦女(hū-lú) 為甚麼(uī-sím-mi̍h) 做(tsoè) 假(ké) ê 干證(kan-tsèng) 陷害(hām-hāi) 伊(i)，á 是(sī) 為甚麼(uī-sím-mi̍h) ài 受(siū) hiah tsuē 年(nî) ê 無(bô) 公平(kong-pêng) ê 監禁(kaⁿ-kìm)。但是(tān-sī) 伊(i) 相信(siong-sìn) 上帝(siōng-tè)，到(kàu) 尾(bé) 伊(i) 看(khoàⁿ) tio̍h 所(só͘) 帶(toà) 來(lâi) ê 榮光(êng-kng)。Iáu 有(ū) 約瑟(Iok-sik) ê 老父(lāu-pē) 雅各(ngá-kok)，伊(i) 無(bô) 明白(bêng-pe̍k) 為何(uī-hô) 上帝(siōng-tè) 用(ēng) 奇怪(kî-koài) ê 方式(hong-sik) 將(tsiong) 約瑟(Iok-sik) 對(tuì) 伊(i) 身邊(sin-piⁿ) 帶走(tshoā-tsáu)。總是(tsóng-sī) 後來(āu-lâi)伊(i) tuì 約瑟(Iok-sik) ê 面(bīn) 看(khoàⁿ) tio̍h 上帝(siōng-tè) ê 榮耀(êng-iāu)，因為(in-uī) hit 時(sî) 約瑟(Iok-sik) 已經(í-king) 做(tsoè) 一位(tsi̍t-uī) 大(toā) 君王(kun-ông) 法老(huat-ló) ê 宰相(tsái-siòng)，m̄-nā 拯救(tsin-kiù) 了(liáu) 家己(ka-kī)，也(iā) 拯救(tsin-kiù) 了(liáu) 全國(tsoân-kok) ê 國民(kok-bîn)。

無定(bô-tiāⁿ) tio̍h tī 你(lí) ê 性命(sìⁿ-miā) 裡(nih) 也(iā) 有(ū) 真(tsin) tsuē 事(sū) 你(lí) 會(oē) 懷疑(hoâi-gî) 上帝(siōng-tè)，你(lí) 可能(khó-lêng) beh án-ni 講(kóng)：「我(goá) 無(bô) 明白(bêng-pe̍k) 為何(uī-hô) 上帝(siōng-tè) hō͘ 我(goá) 所(só͘) 疼(thiàⁿ) ê 人(lâng) 過身(kè-sin)，死(sí) 去(khì)；我(goá) 無(bô) 明白(bêng-pe̍k) 上帝(siōng-tè) 為何(uī-hô) hō͘ 困苦(khùn-khó͘) 侵犯(tshim-hoān) 我(goá)；我(goá) 無(bô) 明白(bêng-pe̍k) 上帝(siōng-tè) 為何(uī-hô) tshuā 我(goá) 行(kiâⁿ) 這(tse) 彎彎(uan-uan) 曲曲(khiau-khiau) ê 小(sió) 路(lō͘)。我(goá) 無(bô) 明白(bêng-pe̍k) 我(goá) tsiah-nih 周全(tsiu-tsoân) ê 計畫(kè-oē) thài 會(oē) 失敗(sit-pāi)。我(goá) 無(bô) 明白(bêng-pe̍k) 我(goá) 所(só͘) 緊急(kín-kip) 需要(su-iàu) ê 祝福(tsiok-hok)，thài 會(oē) tsiah-nih 慢(bān)，m̄ 來(lâi)。」

親愛(tshin-ài) ê 朋友(pêng-iú)，你(lí) m̄ 免(bián) 完全(oân-tsoân) 明白(bêng-pe̍k) 上帝(siōng-tè) ê 安排(an-pâi)，伊(i) 也(iā) 無(bô) 期待(kî-thāi) 你(lí) ê 明白(bêng-pe̍k)。親像(tsin-tshiūⁿ) 你(lí) 無(bô) 期待(kî-thāi) 你(lí) ê kiáⁿ 兒(jî) 明白(bêng-pe̍k) 你(lí) 為(uī) in 所(só͘) 做(tsoè) ê 一切(it-tshè)，你(lí) 只是(tsí-sī) ài in 相信(siong-sìn) 你(lí) 就(tsiū) 好(hó)。有(ū) 一日(tsi̍t-ji̍t) 你(lí) 也會(iā-oē) tī 你(lí) 所(só͘) 無(bô) 明白(bêng-pe̍k) ê 事(sū) 看(khoàⁿ) tio̍h 上帝(siōng-tè) ê 榮光(êng-kng)。──J. H. M.

咱(lán) 若(nā) 將(tsiong) 性命(sìⁿ-miā) ê 門(mn̂g) phah 開(khui)，
Tī 內面(lāi-bīn) 看(khoàⁿ) tio̍h 上帝(siōng-tè) ê 作為(tsok-uî)，
就(tsiū) 明白(bêng-pe̍k) 所有(só͘-ū) ê 懷疑(hoâi-gî) kap 反對(hoán-tuì)，
知(tsai) 每(muí) 一個(tsi̍t-ê) 奧祕(ò-pì) lóng 有(ū) 伊(i) ê 鎖匙(só-sî) 相(saⁿ) 隨(suî)。

但是(tān-sī)，心愛(sim-ài) ê，m̄ 是(sī) 現在(hiān-tsāi)，心(sim) 放(pàng) hō͘ 開(khui)，
上帝(siōng-tè) ê 計畫(kè-oē) ná 百合花(pik-ha̍p-hue) ê 花蕊(hue-luí)，
M̄-thang kā 花蕾(hue-m̂) 用(ēng) 方法(hong-huat) 硬(ngī) 摧(tshui)，
時(sî) 若(nā) 到(kàu) hue 自然(tsū-jiân) 開(khui) 到(kàu) 真(tsin) suí。

若(nā) 有(ū) 耐心(nāi-sim)，就(tsiū) 會(oē) 到(kàu) 美好(bí-hó) ê 地(toē)，
厭倦(ià-siān) ê 腳(kha) thang 歇(hioh)，thang thǹg 去(khì) 鞋(oê)，
到(kàu) hit 時(sî)，咱(lán) beh 明白(bêng-pe̍k) 所有(só͘-ū) 一切(it-tshè)，
我(goá) beh 講(kóng)：「上帝(siōng-tè) 實行(si̍t-hêng) siōng 好(hó) ê 計畫(kè-oē)。」


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com