《台語荒漠甘泉（漢羅版）》

 | | | 轉寄

Kap主結合

作者 陳清俊 譯 林俊育 漢羅翻寫 2009.09.27

listen
九月二七(九月二十七日)
「我(goá) 已經(í-king) tshē-tio̍h 贖回(sio̍k-hoê) 伊(i) ê。」 (約伯記33：24)

屬靈(sio̍k-lêng) ê 醫治(i-tī) 是(sī) 屬靈(sio̍k-lêng) ê 生活(sing-ua̍h)，基督(ki-tuk) 做(tsoè) 咱(lán) ê 主(tsú)，就(tsiū) 是(sī) 基督(ki-tuk) ê 性命(sìⁿ-miā) tī 咱(lán) 身體(sin-thé) ê 內面(lāi-bīn)。咱(lán) ê 體(thé) kap 基督(ki-tuk) ê 體(thé) 連合(liân-ha̍p) 做(tsoè) 一體(tsi̍t-thé)，對(tuì) 咱(lán) ê 身體(sin-thé) 表現(piáu-hiān) 出(tshut) 伊(i) ê 性命(sìⁿ-miā)。伊(i) koh 活(ua̍h) 榮光(êng-kng) ê 體(thé) 是(sī) 真實(tsin-si̍t)。 Kap 伊(i) tuì 死(sí) koh 活(ua̍h) siâng 款(khoán) ê 事實(sū-si̍t)，活活(ua̍h-ua̍h) ê 主(tsú) kap 身(sin)， taⁿ 坐(tsē) tī 上帝(siōng-tè) ê tsiàⁿ-pîng。

同(tâng) tsit-ê 基督(ki-tuk)，帶(toà) 所有(só͘-ū) ê 靈性(lêng-sèng) kap 大(toā) 權能(koân-lêng)，屬(sio̍k) tī 咱(lán)。咱(lán) 是(sī) 伊(i) ê 肢體(tsi-thé)，伊(i) ê 肉(bah)，伊(i) ê 骨(kut)。咱(lán) 若(nā) 相信(siong-sìn) tsit-ê 事實(sū-si̍t)，咱(lán) thang tuì 上帝(siōng-tè) ê kiáⁿ ê 性命(sìⁿ-miā) 得(tit) tio̍h 咱(lán) ê 性命(sìⁿ-miā)。

親愛(tshin-ài) ê 主(tsú)，求(kiû) 你(lí) 幫贊(pang-tsān) 我(goá) 了解(liáu-kái) koh 實行(si̍t-hêng) tsit 節(tsiat) 經文(king-bûn)「獨獨(to̍k-to̍k) 身軀(sin-khu)...是(sī) 為(uī) tio̍h 主(tsú)，主(tsú) 也(iā) 是(sī) 為(uī) tio̍h 身軀(sin-khu)。」(哥林多前書6：13) ──A. B. Simpson

「你(lí) ê 上帝(siōng-tè) 耶和華(Iâ-hô-hua) tī 你(lí) ê 中間(tiong-kan)，就(tsiū) 是(sī) 全能(tsoân-lêng) ê，拯救(tsín-kiù) ê。」二十(jī-tsa̍p) guā 年(nî) 前(tsêng)，tsit 節(tsiat) 聖經(sèng-king) hō͘ 我(goá) 頭(thâu) 一(tsi̍t) pái 知(tsai) 信心(sìn-sim) 醫治(i-tī) ê 道理(tō-lí)，醫治(i-tī) 我(goá) 厭倦(ià-siān) ê 身體(sin-thé) kap 心思(sim-su)。現在(hiān-tsāi) 我(goá) 比(pí) 以前(í-tsêng) 門(mn̂g) 開(khui) khah 開(khui)，hō͘ 永活(éng-ua̍h) ê 基督(ki-tuk) 時時(sî-sî) 刻刻(khik-khik) 進入(tsìn-ji̍p) 我(goá) 受(siū) 屬(sio̍k) ê 身體(sin-thé)。伊(i) 入來(ji̍p-lâi) 用(ēng) 伊(i) ê 靈(lêng) 充滿(tshiong-moá) 我(goá)，賜(sù) 我(goá) 力量(le̍k-liōng)，kap 活力(ua̍h-le̍k)。Hō͘ 我(goá) 全身(tsoân-sin) 進入(tsìn-ji̍p) tī 「新(sin) ê 天(thiⁿ) 新(sin) ê 地(toē)」(啟示錄21：1) ê 境界(kéng-kài)。

另外(lēng-goā) 一節(tsi̍t-tsat) 講(kóng)，「疼(thiàⁿ) 主(tsú) 你(lí) ê 上帝(siōng-tè)」(路加10：27)，若是(nā-sī) 主(tsú) 是(sī) 我(goá) ê 上帝(siōng-tè)，tī 全能(tsoân-lêng) 上帝(siōng-tè) ê 內面(lāi-bīn) ê 一切(it-tshè) 也(iā) 是(sī) 我(goá) ê。伊(i) tuà tī 我(goá) 內面(lāi-bīn)，伊(i) 所有(só͘-ū) 一切(it-tshè) 我(goá) 也(iā) 有(ū)。「至大(tsì-toā) 全能(tsoân-lêng) ê 上帝(siōng-tè)，萬軍(bān-kun) ê 耶和華(Iâ-hô-hua)，是(sī) 伊(i) ê 名(miâ)。」(耶利米32：18)伊(i) 真(tsin) 是(sī) 全能(tsuân-lîng) ê 上帝(siōng-tè)，是(sī) tī 我(goá) 內面(lāi-bīn) ê 上帝(siōng-tè)。親像(tsin-tshiūⁿ) 太陽(thài-iông) 是(sī) 太陽系(thài-iông-hē) ê 中心(tiong-sim)，伊(i)　是(sī) tī 我(goá) 內面(lāi-bīn) ê 中心(tiong-sim)，活活(ua̍h-ua̍h) ê 聖父(sèng-pē)，聖(sèng) kiáⁿ kap 聖靈(sèng-lêng)。伊(i) 是(sī) 我(goá) 內面(lāi-bīn) 三重(saⁿ-têng) ê 發電機(huat-tiān-ki)，tī 我(goá) ê 實體(si̍t-thé) 工作(kang-tsok)，包括(pau-kuat) 我(goá) ê 腦(náu) kap 神經(sîn-king) 系統(hē-thóng)。

二十一(jī-tsa̍p-it) 年(nî) 來(lâi)，tsit-ê 真理(tsin-lí) 對(tuì) 我(goá) m̄-nā 是(sī) 活跳跳(ua̍h-thiàu-thiàu) ê 事實(sū-si̍t)，koh 發展(huat-tián) 到(kàu) khah 深(tshim) khah 厚(kāu)。現在(hiān-tsāi) 我(goá) 已經(í-king) 七十(tsit-tsa̍p) 歲(hoè)， tī 真(tsin) tsuē 方面(hong-bīn) 比(pí) 三十(saⁿ-tsa̍p) guā 歲(hoè) ê 時(sî) khah 少(tsió) 年(nî)，khah 勇壯(ióng-tsòng)。Taⁿ 我(goá) 靠(khò) 上帝(siōng-tè) ê 力量(le̍k-liōng) teh 生活(sing-ua̍h)。 身(sin)、心(sim) 兩(nn̄g) 方面(hong-bīn) ê 成就(sêng-tsiū) 比(pí) 過(kè) 去(khì) 任何(jīm-hô) 時(sî) tsūn lóng 加(ke) 一倍(tsi̍t-pē)。用(ēng) 一半(tsi̍t-poàⁿ) ê 氣力(khuì-la̍t)，我(goá) ê 身(sin)、心(sim)、靈(lêng) ê 性命(sìⁿ-miā) 就(tsiū) ná 一口(tsi̍t-kháu) ê 井水(tsíⁿ-tsuí)，永遠(éng-oán) 滿滿(moá-moá)。無論(bô-lūn) 天氣(thiⁿ-khì) 有(ū) 甚麼(sím-mi̍h) 劇烈(ke̍k-lia̍t) ê 變化(piàn-hoà)，我(goá) 講道(káng-tō)、教督(kàu-tok)，暝日(mî-ji̍t) ê 旅行(lú-hêng)，lóng buē 倦(siān)，ná 親像(tsin-tshiūⁿ) 火車(hé-tshia) 蒸汽機(tsing-khì-ki) 充滿(tshiong-moá) 蒸汽(tsing-khì) 真(tsin) 有(ū) 力(la̍t) 來(lâi) 推(thui) sak 火車(hé-tshia) hiah 容易(iông-īⁿ)。

我(goá) 受(siū) 救贖(kiù-sio̍k)、聖化(sèng-hoà)、醫治(i-tī) ê 身(sin)、魂(hûn) kap 靈(lêng)，
分別(hun-pia̍t) 做(tsoè) 聖(sèng) 獻(hiàn) tī 主(tsú)，你(lí) 面前(bīn-tsêng)，
完完(ôan-ôan) 全全(tsôan-tsôan) ê 才能(tsâi-lêng)，
Kap 你(lí) ê 榮光(êng-kng) 結聯(kiat-liân) 全(tsoân) 一生(it-sing)。
Ha-lé-lu-iá！──Henry Wilson


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com