《台語荒漠甘泉（漢羅版）》

 | | | 轉寄

好ê結尾

作者 陳清俊 譯 林俊育 漢羅翻寫 2009.10.04

listen
十月初四(十月四日)

「Án-ni 耶和華(Iâ-hô-hua) 賜福(sù-hok) 約伯(Iok-pik) ê 尾景(bé-kéng) 贏過(iâⁿ-kè) 伊(i) ê 起頭(khí-thâu)。」 (約伯記42：12)

約伯(Iok-pik) 對(tuì) 伊(i) 受(siū) 苦難(khó͘-lān) 得(tit) tio̍h 福份(hok-hūn)，伊(i) 受(siū) 考驗(khó-giām) 來(lâi) 證明(tsèng-bêng) 伊(i) 做(tsoè) 人(lâng) 完全(oân-tsoân)。Siâng 款(khoán)，我(goá) 受(siū) ê 困難(khùn-lân) 是(sī) beh 堅強(kian-kiông) 我(goá) ê 品格(phín-keh)，hō͘ 我(goá) 得(tit) tio̍h 前(tsêng) 所(só͘) 無(bô) ê 恩賜(un-sù)、才能(tsâi-lêng)。因為(in-uī) siōng 熟(se̍k) ê 果子(ké-tsí) 是(sī) 生(siⁿ) tī siōng 粗(tsho͘) piak-piak ê 牆圍(tshiûⁿ-uî) 頂(téng)，必須(pit-su) ài 經歷(king-le̍k) 過(kè) 謙卑(khiam-pi)、流目屎(lâu-ba̍k-sái)、死亡(sí-bông)， tsiah 會(oē) 得(tit) tio̍h 榮耀(êng-iāu)。親像(tsin-tshiūⁿ) 約伯(Iok-pik) ê 苦難(khó͘-lān) hō͘ 伊(i) tuì 上帝(siōng-tè) 進(tsìn) 一步(tsi̍t-pō͘) ê 認識(jīm-bat)，hō͘ 家己(ka-kī) koh-khah 謙卑(khiam-pi)。最後(tsoè-āu) 伊(i) tsiah 會(oē) án-ni 大聲(toā-siaⁿ) 講(kóng)：「Taⁿ 我(goá) ê 目睭(ba̍k-tsiu) 看見(khoàⁿ-kìⁿ) 你(lí)。」 (約伯記42：5)

假使(ká-sú) 通過(thong-kè) 痛苦(thòng-khó͘)、損失(sún-sit)，我(goá) thang 到(kàu) 莊嚴(tsong-giâm) 上帝(siōng-tè) ê 面前(bīn-tsêng)，仆拜(phak-pài) tī 伊(i) ê 面前(bīn-tsêng) 祈禱(kî-tó) 講(kóng)：「願(goān) 你(lí) ê 旨意(tsí-ì) 得(tit) 成(tsiâⁿ)。」 (馬太6：10) Án-ni 我(goá) 所(só͘) 得(tit) tio̍h ê 是(sī) 何等(hô-téng) ê 大(toā) ah。上帝(siōng-tè) hō͘ 約伯(Iok-pik) 看(khoàⁿ) tio̍h 伊(i) 未來(bī-lâi) ê 榮華(êng-hoâ)，因為(in-uī) tī hiah-ê 苦難(khó͘-lān) 困苦(khùn-khó͘) ê 日子(ji̍t-tsí)，上帝(siōng-tè) hō͘ 伊(i) 認識(jīm-bat) tio̍h 上帝(siōng-tè) ê 奧祕(ò-pì)，tsiah 會(oē) 誠懇(sêng-khún) 講(kóng)：「因為(in-uī) 我(goá) 知(tsai) 救贖(kiù-sio̍k) 我(goá) ê 是(sī) 活(ua̍h) ê。」 (約伯記19：25)所以(só͘-í)「耶和華(Iâ-hô-hua) 賜福(sù-hok) 約伯(Iok-pik) ê 尾景(bé-kéng) 贏過(iâⁿ-kè) 伊(i) ê 起頭(khí-thâu)。」──tuì「默想(be̍k-sióng)」 困難(khùn-lân) buē 來(lâi) 見(kìⁿ) 人(lâng)，除非(tû-hui) 伊(i) ê 手(tshiú) 中(tiong) 帶(toà) 一條(tsi̍t-tiâu) 金條(kim-tiâu)。

表面(piáu-bīn) ê 逆境(ge̍k-kéng) tuì 正直(tsèng-ti̍t) ê 人(lâng) 是(sī) 有利(iú-lī) ê，只要(tsí-iàu) 願意(goān-ì) 繼續(kè-sio̍k) 服事(ho̍k-sāi)，耐心(nāi-sim) 等待(tán-thāi)。回想(hoê-sióng) 過去(kè-khì) 有(ū) 成就(sêng-tsiū) ê 人(lâng)，in lóng 有(ū) 堅定(kian-tēng) ê 信心(sìn-sim)，好膽(hó-táⁿ) 向前(hiòng-tsêng) 無(bô) 驚(kiaⁿ) 困難(khùn-lân)！咱(lán) 若(nā) 無(bô) 願意(goān-ì) 接受(tsiap-siū) koh 忍受(jím-siū) 困難(khùn-lân)，真(tsin) tsuē 福份(hok-hūn) 得(tit) buē tio̍h。有(ū) ê 喜樂(hí-lo̍k) 是(sī) 通過(thong-kè) 憂傷(iu-siong) tsiah 有(ū) ê，有時(ū-sî) 上帝(siōng-tè) 真理(tsin-lí) ê 啟示(khé-sī) 是(sī) tī 地上(tē-tsiūⁿ) ê 光(kng) 失去(sit-khì) 後(āu) tsiah 產生(sán-sing)。收成(siu-sêng) 是(sī) tī 有(ū) 耕作(king-tsok) 種作(tsèng-tsoh) ê 後面(āu-bīn)。

有史(iú-sú) 以來(í-lâi)，siōng 堅強(kian-kiông) ê 人(lâng) 是(sī) tuì 苦難(khó͘-lān) 來(lâi) 產生(sán-sing)，siōng 偉大(uí-tāi) ê 人物(jîn-bu̍t) 身上(sin-tsiūⁿ) lóng 帶(toà) 苦痛(khó͘-thàng) ê 傷跡(siong-jiah)。千年(tshing-nî) 百世(pah-sè) 以來(í-lâi) ê 殉道者(sûn-tō-tsiá)，穿(tshēng) 榮光(êng-kng) ê 袍(phàu)，頂面(téng-bīn) 有(ū) 金(kim) sih-sih ê 光環(kng-khoân)，是(sī) 通過(thong-kè) in ê 目屎(ba̍k-sái) kap 受傷(siū-siong) 中(tiong) 看(khoàⁿ) tio̍h 天國(thian-kok) ê 大門(toā-mn̂g)。──Tsapin

Tuì 所(só͘) phua̍h ê 金鍊(kim-liān)，知(tsai) 你(lí) 疼(thiàⁿ) ê 精練(tsing-liān)，
Tuì 疼(thiàⁿ) 心(sim) ê 表現(piáu-hiān)，知(tsai) 你(lí) 經過(king-koè) 火(hé) ê 試煉(tshì-liān)，
真實(tsin-si̍t) 心(sim) ah，繼續(kè-sio̍k) 進展(tsìn-tián)，光(kng) sih-sih 勇(ióng) ê 金鍊(kim-liān)，
有(ū) 靜化(tsēng-hoà) 火(hé) ê 恩典(un-tián)，kap 苦難(khó͘-lān) 爐(lô͘) ê 鍛鍊(toàn-liān)。──Adelaide Proctor


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com