《台語荒漠甘泉（漢羅版）》

 | | | 轉寄

生死價值觀

作者 陳清俊 譯 林俊育 漢羅翻寫 2009.10.11

listen
十月十一(十月十一日)

「親像(tsin-tshiūⁿ) beh 死(sí)，其實(kî-si̍t) 是(sī) 活(ua̍h)。」 (哥林多後書6：9)

舊年(kū-nî) 我(goá) 種(tsèng) 一片(tsi̍t-phiàn) 紫色(tsí-sik) 花(hue)(asters) tī 花園(hue-hn̂g) 裡(nih)，有(ū) 小(sió) khuá khah 慢(bān)，總是(tsóng-sī) 也(iā) 開(khui) 了(liáu) 真(tsin) suí。有(ū) ê 已經(í-king) 開花(khui-hue) 結子(kiat-tsí)，有(ū) ê tsiah teh-beh 開花(khui-hue)。到(kàu) 落霜(lo̍h-sng) ê 時(sî)，tsit 片(phiàn) 花(hue) hō͘ 霜(sng) 凍死(tàng-sí)，suí-suí ê 花(hue) lóng 死(sí) 去(khì) lah。Ah,in 擋(tòng) buē 過(kè) 寒冷(hân-léng) ê 天氣(thiⁿ-khì)，lóng 總(tsóng) 死了了(sí-liáu-liáu)。

Kui ê 冬天(tang-thiⁿ) lóng 無(bô) koh tshap 花園(hue-hn̂g) ê 事(sū)，因為(in-uī) 只是(tsí-sī) 一個(tsi̍t-ê) 花(hue) ê 墓(bōng) á 埔(po͘)。總是(tsóng-sī) 幾(kuí) 禮拜(lé-pài) 前(tsêng)，園丁(hn̂g-ting)(作穡人(tsoè-sit-lâng))叫(kiò) 我(goá) 注意(tsù-ì) 看(khoàⁿ)，kui 片(phiàn) ê 花園(hue-hn̂g) 發(huat) 出(tshut) 五十(gō͘-tsa̍p) guā 叢(tsâng) ê 紫色(tsí-sik) 花欉(hue-tsâng)。原來(goân-lâi) 我(goá) 所(só͘) 想(siūⁿ) in lóng hō͘ 霜雪(sng-seh) 凍死(tàng-sí) lah。總是(tsóng-sī) 霜雪(sng-seh)，冬天(tang-thiⁿ) ê 冷風(léng-hong) kiám 會(oē) thang 對(tuì) in 做(tsoè) 什麼(sím-mih)？

霜雪(sng-seh) 會(oē) 奪去(tua̍t-khì) 我(goá) ê 花(hue)，毀壞(huí-hoāi) 花(hue)，hiat in tī 土腳(thô͘-kha)。霜雪(sng-seh) 冬風(tang-hong) 用(ēng) 白雪(pe̍h-seh) ê 腳(kha) 踏(ta̍h) 花園(hue-hn̂g)，做完(tsò-oân) in ê 工作(kang-tsok) 講(kóng)：「這(tse) 就(tsiū) 是(sī) lín ê 末日(bua̍t-ji̍t) lah。」總是(tsóng-sī) 春天(tshun-thiⁿ) 到(kàu)，受(siū) 損壞(sún-hoāi) ê 每(muí) 一(tsi̍t) 叢(tsâng) 紫色(tsí-sik) 花(hue)，有(ū) 五十(gō͘-tsa̍p) 叢(tsâng) peh 起來(khí-lâi) 見證(kiàn-tsèng) 講(kóng)：「阮(goán) 親像(tsin-tshiūⁿ) 死(sí) 去(khì)，其實(kî-si̍t) 是(sī) 活(ua̍h) teh。」

植物(si̍t-bu̍t) ê 世界(sè-kài) 是(sī) án-ni,上帝(siōng-tè) 國(kok) 也(iā) 是(sī) án-ni,通過(thong-kè) 死(sí)，得(tit) tio̍h 永遠活(éng-oán-ua̍h)。Tuì 耶穌(Iâ-so͘) ê 受釘(siū-tèng) 死(sí) tī 十字架(si̍p-jī-kè) kap 墳墓(hûn-bōng)，帶(toà) 到(kàu) 永遠活(éng-oán-ua̍h) ê 上帝(siōng-tè) ê 寶座(pó-tsō) kap 聖殿(sèng-tiān) 內(lāi)。看(khoàⁿ)，ná 失敗(sit-pāi)，其實(kî-si̍t) 是(sī) 勝利(sèng-lī)。

所以(só͘-í) 莫得(bo̍h-tit) 驚(kiaⁿ) 受苦(siū-khó͘)，á 失敗(sit-pāi)。這(tse) 是(sī) 通過(thong-kè)「親像(tsin-tshiūⁿ) 受(siū) 責罰(tsik-hua̍t)，其實(kî-si̍t) 無(bô) 致到(tì-kàu) 死(sí)。」 (哥林多後書6：9)是(sī) 通過(thong-kè) 受(siū) phah,拆(thiah) 到(kàu) 碎碎碎(tshuì-tshuì-tshuì)，suah hō͘ 咱(lán) 變做(pìⁿ-tsoè) 有(ū) 能力(lêng-le̍k) ê 人(lâng)。Tuì 一個(tsi̍t-ê) 信徒(sìn-tô͘) ê 堅心(kian-sim) 忍耐(jím-nāi) 受苦(siū-khó͘)，tsiah 會(oē) 產生(sán-sing) 一(tsi̍t) 大(toā) 堆(tui) ê 信徒(sìn-tô͘)。

有(ū) 人(lâng) hō͘ 事(sū) ê 表面(piáu-bīn) 所(só͘) li̍k-tio̍h,跟(kun) tè 世間(sè-kan) ê 潮流(tiâu-liû)。In ê 花(hue) 可能(khó-lêng) 是(sī) 緊緊(kín-kín) 茂盛(bō͘-sēng)，暫時(tsiām-sî) ê 興旺(hing-ōng)，但是(tān-sī) in ê 結局(kiat-kio̍k) 是(sī) 永遠(éng-oán) ê 死亡(sí-bông)。──Henry Ward Beetser

性命(sìⁿ-miā) ê 價值(kè-ta̍t) 是(sī) 在(tsāi) tī 損失(sún-sit)，
M̄ 是(sī) 在(tsāi) tī 所得(só͘-tit)；
M̄ 是(sī) 在(tsāi) tī lim juā-tsuē 酒(tsiú)，
是(sī) 在(tsāi) tī 出(tshut) juā-tsuē 酒(tsiú)；
因為(in-uī) 疼(thiàⁿ) ê 本能(pún-lêng)，
在(tsāi) tī 疼(thiàⁿ) ê 犧牲(hi-sing)；
食苦(tsia̍h-khó͘) siōng-tsuē,
付出(hù-tshut) 貢獻(kòng-hiàn) 也(iā) 是(sī) siōng-tsuē。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com