《台語荒漠甘泉（漢羅版）》

 | | | 轉寄

延遲kap苦難

作者 陳清俊 譯 林俊育 漢羅翻寫 2009.10.18

listen
十月十八(十月十八日)
「你(lí) 的確(tik-khak) tio̍h 知(tsai)，你(lí) ê 後裔(hō͘-è) beh 出外(tshut-goā) tī 別人(pa̍t-lâng) ê 地(toē)，...Hit 位(uī) ê 人(lâng) beh 苦楚(khó͘-tshó͘) in 四百(sì-pah) 年(nî)。...後來(āu-lâi) in beh 帶(toà) tsuē-tsuē 財物(tsâi-bu̍t) tuì-hia 出來(tshut-lâi)。」(創世記15：13-14)

我(goá) thang 肯定(khéng-tēng) 上帝(siōng-tè) 應允(èng-ún) hō͘ 我(goá) ê 福氣(hok-khì) 中(tiong)，有(ū) 一部分(tsi̍t-pō͘-hūn) 是(sī)「延遲(iân-tî)」kap「受苦(siū-khó͘)」。亞伯拉罕(A-pik-la̍h-hán) 一生(it-sing) 經歷(king-le̍k) 延遲(iân-tî)，看(khoàⁿ) loh ná 親像(tsin-tshiūⁿ) 上帝(siōng-tè) ê 應允(èng-ún) 永(éng) 無(bô) 實現(si̍t-hiān) ê 日(ji̍t)，伊(i) ê 後裔(hō͘-è) 經過(king-koè) 長期(tn̂g-kî) ê iân-tshiân。但是(tān-sī) he 確實(khak-si̍t) 是(sī) 延遲(iân-tî)，當(tng) 應允(èng-ún) 實現(si̍t-hiān) lah，in 的確(tik-khak)「帶(toà) 真(tsin) tsuē 財物(tsâi-bu̍t) tuì hia 出來(tshut-lâi)。」

上帝(siōng-tè) 用(ēng) 延遲(iân-tî) 來(lâi) 考驗(khó-giām) 咱(lán)，koh kap 延遲(iân-tî) 作伙(tsoè-hé) 來(lâi) ê，iáu 有(ū) 苦難(khó͘-lān)。總是(tsóng-sī) 經過(king-koè) 這(tse) 一切(it-tshè)，上帝(siōng-tè) ê 應允(èng-ún) iáu-kú 有效(ū-hāu)。我(goá) 有(ū) 伊(i) tī 基督(ki-tuk) ê 新約(sin-iok)，kap 伊(i) 答應(tap-èng) hō͘ 我(goá)，我(goá) 所(só͘) 需要(su-iàu) 細(soè) ê 應允(èng-ún)，hiah-ê iân-tshiân kap 苦難(khó͘-lān) 實際上(si̍t-tsè-siōng) 是(sī) 應允(èng-ún) 福氣(hok-khì) ê 一部分(tsi̍t-pō͘-hūn)。願(goān) 我(goá) 今(kin) á 日(ji̍t) 因為(in-uī) 延遲(iân-tî) kap 苦難(khó͘-lān) 來(lâi) o-ló 伊(i)；願(goān) 我(goá) 會(oē)「勇壯(ióng-tsòng)，...堅固(kian-kò͘)；...thìng 候(hāu) 耶和華(Iâ-hô-hua)。」 (詩篇27：14) ──Tsarles Gallaudet Trumbull

苦心(khó͘-sim) 傷心(siong-sim) 久久(kú-kú) 長長(tn̂g-tn̂g)，
Tsuē-tsuē 年(nî) ê 祈禱(kî-tó) 無(bô) 斷(tn̄g)？
信心(sìn-sim) 開始(khai-sí) 失去(sit-khì)？希望(hi-bōng) 開始(khai-sí) 失(sit) 光(kng)？
想(siūⁿ) 講(kóng) 所(só͘) lâu ê 目屎(ba̍k-sái) lóng 無(bô) 算(sǹg)？
M̄-thang 講(kóng) 天父(Thiⁿ-pē) 無(bô) 聽(thiaⁿ) 你(lí) ê 祈禱(kî-tó)，
某時(bó͘-sî)，某地(bó͘-tē)，你(lí) beh 得(tit) tio̍h 你(lí) 所(só͘) ǹg。

Iáu-buē 回(hoê)？M̄-thang 講(kóng) 是(sī) 無(bô) 可能(khó-lêng)。
是(sī) 你(lí) ê 工作(kang-tsok) iáu 未(boē) 完成(oân-sêng)。
當(tng) 你(lí) 開始(khai-sí) 祈禱(kî-tó) ê 時(sî)，工作(kang-tsok) 就(tsiū) 進行(tsìn-hêng)，
上帝(siōng-tè) beh 完成(oân-sêng) 伊(i) buē-suah ê 工程(kang-thêng)，
假使(ká-sú) 你(lí) 繼續(kè-sio̍k) 燒香(sio-hiuⁿ)、祈禱(kî-tó)，
某時(bó͘-sî)，某地(bó͘-tē)，你(lí) beh 看見(khoàⁿ-kìⁿ) 伊(i) ê 光榮(kong-êng)。

Iáu-buē 回(hoê)？有(ū) 信(sìn)，buē 無(bô) 回應(hoê-èng)。
信(sìn) ê 雙腳(siang-kha) khiā tiâu tī 石磐(tsio̍h-poâⁿ) 頂(téng)，
Tī 狂風(kông-hong) 暴雨(po̍k-ú) 中(tiong) khiā 靜靜(tsēng-tsēng)，
Siōng 大聲(toā-siaⁿ) ê 雷(luî) kòng，也(iā) buē 搖動(iô-tāng) 變更(piàn-king)，
知(tsai) 全能(tsoân-lêng) ê 上帝(siōng-tè) 已經(í-king) 聽(thiaⁿ) 祈禱(kî-tó)，
某時(bó͘-sî)，某地(bó͘-tē)，huah 講(kóng)，「的確(tik-khak) 完成(oân-sêng)。」──Ophelia G. Browning


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com