《台語荒漠甘泉（漢羅版）》

 | | | 轉寄

求就得tio̍h

作者 陳清俊 譯 林俊育 漢羅翻寫 2009.10.25

listen 十月二五(十月二十五日)
「Lín 到(kàu) taⁿ 未(boē) bat tī 我(goá) ê 名(miâ) 求(kiû) 甚麼(sím-mi̍h)；lín tio̍h 求(kiû) 就(tsiū) 會(oē) 得(tit) tio̍h，hō͘ lín ê 歡喜(huaⁿ-hí) 滿滿(moá-moá)。」 (約翰16：24)

美國(Bí-kok) 內戰(lāi-tsiàn) ê 時(sî)，有(ū) 一個(tsi̍t-ê) kiáⁿ 去(khì) 參加(tsham-ka) 聯合軍(liân-ha̍p-kun)。伊(i) ê 老父(lāu-pē) 是(sī) 銀行家(gîn-hâng-ka)，雖然(sui-jiân) 伊(i) 同意(tông-ì) kiáⁿ 去(khì) 參軍(tsham-kun)，總是(tsóng-sī) hō͘ kiáⁿ 出征(tshut-tsing) 相(sio) thâi 卻(khiok) 會(oē) 真(tsin) 傷心(siong-sim)。

Kiáⁿ 出征(tshut-tsing) 了後(liáu-āu)，伊(i) 對(tuì) 軍人(kun-jîn) ê 處境(tshú-kéng) 真(tsin) 關心(kuan-sim) 真(tsin) 注意(tsù-ì)。看(khoàⁿ) tio̍h 穿(tshēng) 制服(tsè-ho̍k) ê 士兵(sū-ping)，伊(i) ê 心(sim) 就(tsiū) 跳(thiàu) 出去(tshut-khì)，ná 親像(tsin-tshiūⁿ) 看(khoàⁿ) tio̍h 伊(i) ê kiáⁿ 一樣(tsi̍t-iūⁿ)。常常(siông-siông) 放下(pàng-hē) sing-lí 無(bô) 做(tsoè)，用(ēng) 錢(tsîⁿ) 用(ēng) 時間(sî-kan) 照顧(tsiàu-kò͘) 受傷(siū-siong) ê 兵(ping)。朋友(pêng-iú) 勸(khǹg) 伊(i) m̄-thang 無(bô) 顧(kò͘) 家己(ka-kī) ê 事業(sū-gia̍p)，伊(i) 就(tsiū) 聽(thiaⁿ) 朋友(pêng-iú) ê 苦勸(khó͘-khǹg)，完全(oân-tsoân) 停止(thêng-tsí) koh 放棄(hòng-khì) 救濟(kiù-tsè) 傷兵(siong-ping) ê 工作(kang-tsok)。

總是(tsóng-sī) 有(ū) 一工(tsi̍t-kang)，一個(tsi̍t-ê) 少年(siàu-liân) 士兵(sū-ping) 穿(tshēng) 舊舊(kū-kū) 退色(thè-sik) ê 軍服(kun-ho̍k) 行(kiâⁿ) 入(ji̍p) 銀行(gîn-hâng)。對(tuì) 伊(i) ê 面(bīn) kap 手(tshiú) 所(só͘) 受(siū) ê siong，知(tsai) 伊(i) tú-tú tuì 陸軍(lio̍k-kun) 野戰(iá-tsiàn) 病院(pīⁿ-īⁿ) 出來(tshut-lâi) ê。銀行家(gîn-hâng-ka) 看見(khoàⁿ-kìⁿ) hit-ê 可憐(khó-lîn) ê 少年(siàu-liân) 兵(ping) tú 伸(tshun) 手(tshiú) tī 袋(tē) á 內(lāi) jîm 甚麼(sím-mi̍h) 物(mi̍h) ê 時(sî)，銀行家(gîn-hâng-ka) 家己(ka-kī) 掠(lia̍h) 做(tsoè) 明白(bêng-pe̍k) 伊(i) ê 意思(ì-sù)，就(tsiū) 講(kóng)：「少年人(siàu-liân-lâng)，我(goá) 今(kin) á 日(ji̍t) 特別(te̍k-pia̍t) 無(bô) 閒(êng)，buē-thang 幫贊(pang-tsān) 你(lí)，你(lí) ài 去(khì) 陸軍(lio̍k-kun) 總部(tsóng-pō͘)，tī hia 有(ū) 官員(kuaⁿ-oân) 會(oē) 照顧(tsiàu-kò͘) 你(lí)。」

Hit-ê 可憐(khó-lîn) ê 傷兵(siong-ping) 猶原(iû-goân) khiā teh，ná 親像(tsin-tshiūⁿ) 聽(thiaⁿ) 無(bô) 伊(i) ê 意思(ì-sù)。伊(i) 繼續(kè-sio̍k) tī 褲(khò͘) ê la̍k 袋(tē) á tshē，tshiau 出(tshut) 一張(tsi̍t-tiuⁿ) lah-sap lah-sap ê 紙條(tsoá-tiâu) á，伊(i) 將(tsiong) hit 張(tiuⁿ) 烏烏(o͘-o͘) ê 紙條(tsoá-tiâu) hē-tī 銀行家(gîn-hâng-ka) ê 面前(bīn-tsêng)，hō͘ 伊(i) 看(khoàⁿ)，頂面(téng-bīn) 寫(siá)：

親愛(tshin-ài) ê 父親(hū-tshin)：
伊(i) 是(sī) 我(goá) ê 朋友(pêng-iú)，tī 頂(téng) pái 相戰(sio-tsiàn) ê 時(sî) 受傷(siū-siong)，tuì 病院(pīⁿ-īⁿ) 出來(tshut-lâi) 看(khoàⁿ) 你(lí)。請(tshiáⁿ) 你(lí) 接待(tsiap-thāi) 伊(i) 親像(tsin-tshiūⁿ) 接待(tsiap-thāi) 我(goá) 一樣(tsi̍t-iūⁿ)。
你(lí) ê kiaⁿ Tsha-lī

銀行家(gîn-hâng-ka) tsit-ē 看(khoàⁿ) tio̍h tsit 張(tiuⁿ) 紙條(tsoá-tiâu) ê 內容(lāi-iông)，伊(i) 暫時(tsiām-sî) 放下(pàng-hē) 工作(kang-tsok)，帶(toà) 伊(i) 到(kàu) 家己(ka-kī) ê 大厝(toā-tshù)，將(tsiong) kiáⁿ 兒(jî) ê 房間(pâng-king) hō͘ 伊(i) 用(ēng)，食飯(tsia̍h-pn̄g) ê 時(sî)，也(iā) 是(sī) 坐(tsē) tī kiáⁿ 所(só͘) 坐(tsē) ê 椅(í) á 位(uī)。照顧(tsiàu-kò͘) 伊(i) ê lim 食(tsia̍h)，親像(tsin-tshiūⁿ) 照顧(tsiàu-kò͘) 家己(ka-kī) ê kiáⁿ 一樣(tsi̍t-iūⁿ)。伊(i) 得(tit) tio̍h 充分(tshiong-hun) ê 歇睏(hioh-khùn) kap 疼護(thiàⁿ-hō͘)，緊緊(kín-kín) 恢復(hue-hok) 健康(kiān-khong)，tsiah koh 送(sàng) 伊(i) 回(hoê) 到(kàu) 伊(i) 原來(goân-lâi) 服務(ho̍k-bū) ê 單位(tan-uī) 繼續(kè-sio̍k) 為(uī) 國(kok) 效勞(hāu-lô)。

現在(hiān-tsāi) 你(lí) beh 看見(khoàⁿ-kìⁿ) 我(goá) 所(só͘) 行(kiâⁿ) ê 事(sū)。(出埃及記6：1)


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com