《台語荒漠甘泉（漢羅版）》

 | | | 轉寄

Thìng候

作者 陳清俊 譯 林俊育 漢羅翻寫 2009.11.01

listen
十一月初一(十一月一日)
「雲(hûn) tī 會幕頂(hoē-bō͘-téng) 停(thêng)...以色列(Í-sik-lia̍t) 人(lâng) 就(tsiū)...無(bô) 起身(khí-sin)。」 (民數記9：19)

這(tse) 是(sī) 順服(sūn-ho̍k) 上帝(siōng-tè) ê 最高(tsoè-ko) 考驗(khó-giām)，雲(hûn) 若(nā) 漸漸(tsiām-tsiām) 捲起來(kńg-khí-lâi) tī 會幕(hoē-bō͘) ê 頂面(téng-bīn)，以色列(Í-sik-lia̍t) 人(lâng) 就(tsiū) 收拾(siu-si̍p) 帳房(tiùⁿ-pâng) 開始(khai-sí) 向前(hiòng-tsêng) 行(kiâⁿ)。有(ū) 改變(kái-piàn)，有(ū) 變化(piàn-hoà)，hō͘ 人(lâng) 心神(sim-sîn) 興奮(hing-hùn)，沿路(iân-lō͘) 看(khoàⁿ) 無(bô) siâng ê 風景(hong-kéng)，koh tī 無(bô) siâng 所在(só͘-tsāi) 紮營(tsat-iâⁿ)，一切(it-tshè) lóng 是(sī) 歡喜(huaⁿ-hí) ê。

總是(tsóng-sī) 一直(it-ti̍t) teh thìng 候(hāu) 無(bô) 起行(khí-kiâⁿ)，就(tsiū) 無(bô) siâng 款(khoán) ê 心情(sim-tsêng)。「當(tng) 雲(hûn) 停(thêng) teh，」不管(put-koán) 紮營(tsat-iâⁿ) ê 所在(só͘-tsāi) 無(bô) 好勢(hó-sè)，juā-tsiâⁿ 熱(jua̍h)，不管(put-koán) 危險(guî-hiám) tī 四周圍(sì-tsiu-uî)，in 無(bô) 別項(pa̍t-hāng) 選擇(soán-te̍k)，只有(tsí-ū) 停(thêng) teh 無(bô) 移動(î-tōng)。

詩篇(si-phian) án-ni 講(kóng)：「我(goá) bat 吞忍(thun-lún) thìng 候(hāu) 耶和華(Iâ-hô-hua)，伊(i) àⁿ 落(lo̍h) ǹg 我(goá)，聽(thiaⁿ) 我(goá) ê 求(kiû) 叫(kiò)。」 (詩篇40：1)上帝(siōng-tè) 怎樣(tsáiⁿ-iūⁿ) 對待(tuì-thāi) 舊約(kū-iok) 時代(sî-tāi) ê 聖徒(sèng-tô͘)，伊(i) 也(iā) siâng 款(khoán) án-ni 對待(tuì-thāi) 歷代(le̍k-tāi) ê 信徒(sìn-tô͘)，總是(tsóng-sī) 伊(i) 常常(siông-siông) ài 咱(lán) thìng 候(hāu)。當(tng) 咱(lán) tī 對敵(tuì-te̍k) 面對面(bīn-tuì-bīn) ê 頭前(thâu-tsêng)，tī 危險(guî-hiám) kap 驚惶(kiaⁿ-hiâⁿ) 所(só͘) 包圍(pau-uî) ê 時(sî)，tī 無(bô) 堅固(kian-kò͘) ê 石磐(tsio̍h-poâⁿ) 下(ē)，咱(lán) kiám iáu beh thìng 候(hāu)？這(tse) kiám m̄ 是(sī) 咱(lán) ài 緊緊(kín-kín) 收拾(siu-si̍p) 行李(hêng-lí)，帳房(tiùⁿ-pâng) 離開(lī-khui) ê 時(sî) mah？咱(lán) kiám iáu-buē 達到(ta̍t-kàu) 全然(tsoân-jiân) 倒(tó) 落去(lo̍h-khì) ê 地步(tē-pō͘) mah？咱(lán) kiám buē-thang 脫離(thuat-lî) 汗(koāⁿ) 流(lâu) 滿面(moá-bīn) ê 熱(jua̍h)，進(tsìn) 到(kàu)「青翠(tshiⁿ-tshuì) ê 草埔(tsháu-po͘)...Thang 安歇(an-hioh) ê 水邊(tsuí-piⁿ)」mah？ (詩篇23：2)

上帝(siōng-tè) 無(bô) 講話(kóng-oē)，靜靜(tsēng-tsēng)，「雲(hûn) 停(thêng) tī 會幕頂(hoē-bō͘-téng)」，咱(lán) 必須(pit-su) thìng 候(hāu)。咱(lán) thìng 候(hāu)，因為(in-uī) 咱(lán) thang 肯定(khéng-tēng) 上帝(siōng-tè) 會(oē) 供應(kiòng-èng) má-ná，kap tuì 石磐(tsio̍h-poâⁿ) 流(lâu) 出(tshut) ê 水(tsuí)，伊(i) 會(oē) 遮(jia) tsah 保護(pó-hō͘) 咱(lán) 無(bô) 受(siū) 對敵(tuì-te̍k) ê 攻擊(kong-kik)。上帝(siōng-tè) hē 咱(lán) tī 現在(hiān-tsāi) ê 位置(uī-tì)，一定(it-tēng) 保證(pó-tsèng) 伊(i) ê 同在(tông-tsāi)，koh 供應(kiòng-èng) 咱(lán) 日常(ji̍t-siông) ê 需要(su-iàu)。

少年人(siàu-liân-lâng) ah，ài thìng 候(hāu)，m̄-thang 猖狂(tshiong-kông)，亂亂(loān-loān) 改拜(kái-pài)。牧者(bo̍k-tsiá) ah，khiā tī 你(lí) ê 工位(kang-uī)，直到(ti̍t-kàu) 雲柱(hûn-thiāu) 清楚(tshing-tshó) 開始(khai-sí) 移動(î-tōng)。Thìng 候(hāu) 主(tsú) hō͘ 你(lí) 伊(i) ê 快樂(khoài-lo̍k)！伊(i) buē siuⁿ 慢(bān)！ ──tuì 《每日靈修》

一點鐘(tsi̍t-tiám-tsing) ê thìng 候(hāu) 是(sī) 需要(su-iàu) 應該(ing-kai)，
Beh 達到(ta̍t-kàu) siōng 高(koâiⁿ) ê 所在(só͘-tsāi)！
我(goá) 渴望(khat-bō͘) 到(kàu) hia，總是(tsóng-sī) koh-khah 渴望(khat-bō͘) 照(tsiàu) 伊(i) ê 安排(an-pâi)！

我(goá) ê kiáⁿ ah，靜靜(tsēng-tsēng) khiā，
Thìng 候(hāu) 疑心(gî-sim) 驚惶(kiaⁿ-hiâⁿ) ê 人(lâng) 凋謝(tiau-siā)，
我(goá) 渴望(khat-bō͘) 到(kàu) hia，總是(tsóng-sī) koh-khah 渴望(khat-bō͘) 信靠(sìn-khò) 伊(i) 來(lâi) 行(kiâⁿ)！

接受(tsiap-siū) 是(sī) 好(hó)，付出(hù-tshut) 也(iā) 是(sī) 好意(hó-ì)，
Koh-khah 好(hó) ê 是(sī)
無論(bô-lūn) tī 遠近(hn̄g-kūn)，高山(koâiⁿ-suaⁿ) 深淵(tshim-ian)，信靠(sìn-khò) 伊(i) ê 指示(tsí-sī)！


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com