《台語荒漠甘泉（漢羅版）》

 | | | 轉寄

唱歌o-ló

作者 陳清俊 譯 林俊育 漢羅翻寫 2010.02.14

listen 二月十四(二月十四日)

「Tio̍h 常常(siông-siông) tiàm-tī 主(Tsú) 來(lâi) 歡喜(huaⁿ-hí)；我(goá) beh koh 講(kóng) 伊(i)，tio̍h 歡喜(huaⁿ-hí)。」 (腓立比4:4)

「靠(khò) 主(Tsú) 常常(siông-siông) 歡喜(huaⁿ-hí)」是(sī) 真(tsin) suí ê 事(sū)，可能(khó-lêng) 你(lí) bat 試過(tshì-kè)，總是(tsóng-sī) 無(bô) 效果(hāu-kó)。
Mái 去(khì) 想(siūⁿ) 別項(pa̍t-hāng)，繼續(kè-sio̍k) 向前(hiòng-tsêng) 做(tsoè)。甚至(sīm-tsì) 當(tng) 你(lí) 人生(jîn-sing) 無(bô) 變化(piàn-hoà)，無(bô) 感覺(kám-kak) 一點(tsi̍t-tiám) á 喜樂(hí-lo̍k)，生活(sing-ua̍h) 無(bô) 一點(tsi̍t-tiám) á 鼓勵(kó͘-lē)，iáu 是(sī) beh 喜樂(hí-lo̍k)，「tio̍h lóng 掠(lia̍h) 做(tsoè) 歡喜(huaⁿ-hí)。」 (雅各1:2)。聖經(sèng-king) án-ni 講(kóng)：「陷落(hām-lo̍h) tī tsuē-tsuē 樣(iūⁿ) ê 試煉(tshì-liān). 」(雅各1:2) Ài 掠(lia̍h) 做(tsoè) 歡喜(huaⁿ-hí)，歡歡(huaⁿ-huaⁿ) 喜喜(hí-hí) 接受(tsiap-siū) 伊(i)。你(lí) ê 信心(sìn-sim) 會(oē) 得(tit) tio̍h 報賞(pò-siúⁿ)。你(lí) kiám beh 相信(siong-sìn) 天父(Thiⁿ-pē) hō͘ 你(lí) giâ 伊(i) 勝利(sèng-lī) ê 大旗(toā-kî)，khiā tī 戰場(tsiàn-tiûⁿ) ê 頭(thâu) 一(tsi̍t) 線(soàⁿ)，伊(i) 恬恬(tiām-tiām) 放(pàng) 你(lí) hông 掠(lia̍h) 去(khì)，á 是(sī) hông phah 敗(pāi)，卻(khiok) m̄ tshap mah? 絕對(tsua̍t-tuì) buē!伊(i) ê 聖靈(sèng-lêng) 保守(pó-siú) 你(lí) hō͘ 你(lí) 勇敢(ióng-kám) 進前(tsìn-tsêng)，心(sim) 中(tiong) 充滿(tshiong-moá) 喜樂(hí-lo̍k) kap o-ló。你(lí) lú 喜樂(hí-lo̍k)，能力(lêng-le̍k) lú 加添(ke-thiⁿ)。

主(Tsú) ah!教示(kà-sī) 我(goá) 靠(khò) 你(lí) 來(lâi) 喜樂(hí-lo̍k)，koh「常常(siông-siông) 歡喜(huaⁿ-hí)」(帖撒羅尼迦前書5:17)

Siōng 弱(jio̍k) ê 聖者(sèng-tsiá) ia̍h 會(oē) 贏(iâⁿ) 撒旦(Sat-tàn)，
伊(i) ê 戰術(tsiàn-su̍t) 是(sī) o-ló 上帝(siōng-tè) ê 聲(siaⁿ) 大(toā) tân。

「Tio̍h hō͘ 聖神(sèng-sîn) 充滿(tshiong-moá)；用(ēng) 詩(si)，用(ēng) 歌(kua)，用(ēng) 神(sîn) ê 賦(hù)，大家(tāi-ke) saⁿ 應答(ìn-tap)，用(ēng) 心(sim) 吟詩(gîm-si) 作樂(tsok-ga̍k) 來(lâi) o-ló 主(Tsú)；」 (以弗所5:18,19)保羅(Pó-lô) tī tsit 兩(nn̄g) 節(tsiat) 經文(king-bûn) 鼓勵(kó͘-lē) 咱(lán) 用(ēng) 唱歌(tshiùⁿ-kua) 來(lâi) 激勵(kik-lē) 靈性(lêng-sèng)，伊(i) 勸(khǹg) 讀者(tho̍k-tsiá) m̄ 是(sī) 追求(tui-kiû) 肉體(jio̍k-thé) ê 享受(hiáng-siū)，是(sī) 追求(tui-kiû) 心靈(sim-lêng) ê 滿足(moá-tsiok)；m̄ 是(sī) 身體(sin-thé) ê 刺激(tshì-khik)，是(sī) 靈魂(lêng-hûn) ê 得救(tit-kiù)。

基督徒(ki-tok-tô͘) 常常(siông-siông) 唱歌(tshiùⁿ-kua)，
好(hó) kah 無(bô) 想(siūⁿ) tio̍h ê 大(toā)。

咱(lán) 來(lâi) 唱歌(tshiùⁿ-kua)，雖然(sui-jiân) 咱(lán) 無(bô) 感覺(kám-kak) 歡喜(huaⁿ-hí)；án-ni 會(oē) hō͘ 咱(lán) 腳(kha) khah 有(ū) 力(la̍t)，厭倦(ià-siān) 化(hoà) 做(tsoè) 力量(le̍k-liōng)。── John Henry Jowett

Tī 半暝(poàⁿ-mî) 保羅(Pó-lô) kap 西拉(Se-lah) 祈禱(kî-tó)，唱歌(tshiùⁿ-kua) o-ló 上帝(siōng-tè)，眾(tsèng) 囚犯(kiû-hoān) 也(iā) àⁿ 耳(hīⁿ) 聽(thiaⁿ)。(使徒行傳16:25)

保羅(Pó-lô) ah,你(lí) hō͘ 阮(goán) 真(tsin) suí,真(tsin) 奇妙(kî-biāu) ê 模樣(bô͘-iūⁿ)，你(lí)「身軀(sin-khu) 有(ū) 帶(toà) 耶穌(Iâ-so͘) ê 痕跡(hûn-jiah)。」(加拉太6:17)用(ēng) 這(tse) 榮耀(êng-iāu) o-ló 伊(i)。你(lí) ê 痕跡(hûn-jiah) tuì tó 位(uī) 來(lâi)？是(sī) 對(tuì) 你(lí) 差(tsha) 一點(tsi̍t-tiám) á hō͘ 石頭(tsio̍h-thâu) tìm 死(sí)，tuì 三(saⁿ) pái hō͘ 人(lâng) 用(ēng) 棍(kùn) phah(哥林多後書11:25)，Hō͘ 猶太(Iû-thài) 人(lâng) 鞭(piⁿ) phah 一百(tsi̍t-pah) 九十(káu-tsa̍p) 五(gō͘) 下(ē)，koh tī 腓立比(Hui-li̍p-pí) 監獄(kaⁿ-ga̍k) 中(tiong) Hông phah kah 流血(lâu-huih) 所得(só͘-tit) ê。確實(khak-si̍t)，你(lí) 忍受(jím-siū) tsiah ê 苦楚(khó͘-tshó͘)，tī 痛苦(thòng-khó͘) 中(tiong) iáu 大聲(toā-siaⁿ) 唱歌(tshiùⁿ-kua)，o-ló 主(Tsú)。 ──J. Ruats

咱(lán) 靠(khò) 主(Tsú) 常常(siông-siông) 歡喜(huaⁿ-hí)，
M̄ 驚(kiaⁿ) 試探者(tshì-thàm-tsiá) ê 暗箭(àm-tsìⁿ)，
撒旦(Sat-tàn) 所(só͘) 驚(kiaⁿ) ê,m̄ 是(sī) 大聲(toā-siaⁿ) kap 伊(i) tsìⁿ，
卻(khiok) 是(sī) 咱(lán) ê 唱歌(tshiùⁿ-kua) kap 吟詩(gîm-si)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com