《台語荒漠甘泉（漢羅版）》

 | | | 轉寄

祈禱受阻擋

作者 陳清俊 譯 林俊育 漢羅翻寫 2010.05.16

listen
五月十六(五月十六日)

「但以理(Tān-í-lí) ah，m̄ 免(bián) 驚(kiaⁿ)；因為(in-ūi) 對(tùi) 你(lí) 頭一日(thâu-tsi̍t-ji̍t) 專心(tsuan-sim) ài 明白(bêng-pe̍k) ，koh 家己(ka-kī) 謙卑(khiam-pi) tī 你(lí) 上帝(siōng-tè) ê 面前(bīn-tsêng) ê 時(sî)，你(lí) ê 話(oē) 已經(í-king) 得(tit) tio̍h 聽見(thiaⁿ-kìⁿ) ；Koh 我(goá) 因為(in-ūi) 你(lí) ê 話(oē) tsiah 來(lâi)。若是(nā-sī) 波斯(Pho-su) 國(kok) ê 人君(jîn-kun) 阻擋(tsó͘-tòng) 我(goá) 二十一(jī-tsa̍p-it) 日(ji̍t)。」(但以理10:12-13)

Tsit 段(toāⁿ) ê 經文(king-bûn) 是(sī) 真(tsin) 奇妙(kî-biāu) ê 祈禱(kî-tó) 教示(kà-sī)，講(kóng) 出(tshut) 撒旦(Sat-tàn) 會(oē) 直接(ti̍t-tsiap) 阻擋(tsó͘-tòng) 咱(lán) ê 生活(sing-ua̍h)。但以理(Tān-í-lí) 禁食(kìm-tsia̍h) 祈禱(kî-tó) 二十一(jī-tsa̍p-it) 日(ji̍t)，照(tsiàu) 聖經(sèng-king) ê 記載(kì-tsài)，發生(huat-sing) 困難(khùn-lân) ê 原因(goân-in) m̄ 是(sī) 因為(in-ūi) 但以理(Tān-í-lí) ê 無(bô) 好(hó)，也(iā) m̄ 是(sī) 伊(i) ê 祈禱(kî-tó) 無(bô) 適當(sik-tòng)，是(sī) 出(tshut) tī 撒旦(Sat-tàn) 特別(te̍k-pia̍t) ê 攻擊(kong-kik)。

主(Tsú) 已經(í-king) 派(phài) 天使(thiⁿ-sài) kā 但以理(Tān-í-lí) 講(kóng)，你(lí) 一(tsi̍t) 開始(khai-sí) 祈禱(kî-tó)，上帝(siōng-tè) 就(tsiū) 答應(tap-èng) 你(lí) ê 祈禱(kî-tó)，總是(tsóng-sī) tī 路(lō͘) 中(tiong)，好(hó) ê 天使(thiⁿ-sài) 受(siū) pháiⁿ-ê 天使(thiⁿ-sài) 阻擋(tsó͘-tòng)，相(saⁿ) ián iân-tshiân 時間(sî-kan)，這(tse) 是(sī) 天頂(thiⁿ-téng) ê 衝突(tshiong-thu̍t)。但以理(Tān-í-lí) 痛苦(thòng-khó͘) 祈禱(kî-tó) ê 時(sî)，伊(i) tī 地上(tē-tsiūⁿ) 也(iā) 經驗(king-giām) tio̍h siâng 款(khoán) 性質(sèng-tsit) ê 阻擋(tsó͘-tòng) kap 衝突(tshiong-thu̍t)。

「因為(in-ūi) 咱(lán) ê 交戰(kau-tsiàn) m̄ 是(sī) 抵敵(tí-te̍k) 血氣(hiat-khì) ê，就(tsiū) 是(sī) 抵敵(tí-te̍k) tsiah-ê 辦(pān) 正事(tsèng-sū) ê，tsiah-ê 掌權(tsiáng-koân) ê，kap tsit-ê 暗(àm) 世(sè) tsiah-ê 君王(kun-ông)，以及(í-ki̍p) 天(thiⁿ) 中(tiong) pháiⁿ-ê 神類(sîn-lūi)。」(以弗所6:12)撒旦(Sat-tàn) ê 攻擊(kong-kik) kap 爭戰(tsing-tsiàn)，hō͘ 祈禱(kî-tó) 延長(iân-tiông) 相(saⁿ) 禮拜(lé-pài) ê 時間(sî-kan) tsiah 得(tit) tio̍h 回答(hoê-tap)。但以理(Tān-í-lí) 差不多(tsha-put-to) beh 失敗(sit-pāi)lah，撒旦(Sat-tàn) ài beh kā 伊(i) thâi 死(sí)，當然(tong-jiân)，上帝(siōng-tè) 無(bô) 容允(iông-ún) 事(sū) ê 發生(huat-sing) 是(sī) 但以理(Tān-í-lí) 所(só͘) buē-thang 忍受(jím-siū) ê。(參考哥林多前書10:13)

信徒(sìn-tô͘) 真(tsin) tsuē 祈禱(kî-tó) 受(siū) 撒旦(Sat-tàn) ê 阻擋(tsó͘-tòng)，但是(tān-sī) 你(lí) 免驚(bián-kiaⁿ) 無(bô) 回答(hoê-tap) ê 祈禱(kî-tó) 囤(tún) 到(kàu) 一(tsi̍t) 大(toā) 堆(tui)，無久(bô-kú)，答覆(tap-hok) beh 親像(tshin-tshiūⁿ) 大(toā) 水(tsúi) 緊緊(kín-kín) 到(kàu)。Tsit 時(sî)，上帝(siōng-tè) ê 回答(hoê-tap) m̄-nā 緊緊(kín-kín) 到(kàu)，伊(i) 新(sin) ê 祝福(tsiok-hok) 也(iā) tàu-tīn 到(kàu)。──tuì一篇講道集

地獄(tē-ge̍k) 對(tùi) 上帝(siōng-tè) ê 聖徒(sèng-tô͘) siōng 努力(ló͘-le̍k) teh 做(tsoè) 工(kang)，ài khiú in 入去(ji̍p-khì)。Lú 有(ū) 價值(kè-ta̍t) ê 靈魂(lêng-hûn)，lú 受(siū) khah 大(toā) ê 壓力(ap-le̍k)，khah 大(toā) ê 熱(jua̍h)，總是(tsóng-sī) 天頂(thiⁿ-téng) ê 主(Tsú) buē 放(pàng) sak in。──William L. Watkinson


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.com