《台語荒漠甘泉（漢羅版）》

 | | | 轉寄

耐心thìng候上帝

作者 陳清俊 譯 林俊育 漢羅翻寫 2010.07.11

listen
七月十一(七月十一日)

「後來(āu-lâi) 溪水(khue-tsúi) 乾(ta)；因為(in-ūi) hit-ê 地方(tōe-hng) 無(bô) 雨水(hō͘-tsúi)。」 (列王記(lia̍t-ông-kì) 上(siōng) 17:7)

以利亞(í-lī-a) 一(tsi̍t) 禮拜(lé-pài) 過(kè) 一(tsi̍t) 禮拜(lé-pài)，有(ū) buē 搖動(iô-tāng) 堅定(kian-tēng) ê 信念(sìn-liām)，看(khòaⁿ) 溪水(khue-tsúi) ná 來(lâi) ná 少(tsió)，到(kàu) lóng 乾(ta) 去(khì)。伊(i) 可能(khó-lêng) beh 懷疑(hôai-gî)，beh 動搖(tōng-iâu)，總是(tsóng-sī) 無(bô) hō͘ 環境(khôan-kéng) 擋(tòng) tī 伊(i) kap 上帝(siōng-tè) ê 中間(tiong-kan)。無(bô) 信(sìn) ê 心(sim) 是(sī) 通過(thong-kè) 環境(khôan-kéng) 去(khì) 看(khòaⁿ) 上帝(siōng-tè)，親像(tshin-tshiūⁿ) 咱(lán) 看(khòaⁿ) 日頭(ji̍t-thâu) hō͘ 雲霧(hûn-bū) 所(só͘) 遮蓋(jia-khàm)，suah 看(khòaⁿ) buē-tio̍h 日頭(ji̍t-thâu)。總是(tsóng-sī) 有(ū) 信(sìn) ê 心(sim) 將(tsiong) 上帝(siōng-tè) hē tī 環境(khôan-kéng) kap 伊(i) ê 中間(tiong-kan)，通過(thong-kè) 上帝(siōng-tè) 去(khì) 看(khòaⁿ) 環境(khôan-kéng)。

以利亞(í-lī-a) ê 細細(sòe-sòe) ê 溪(khue)，漸漸(tsiām-tsiām) 乾(ta)，tshun 一條(tsi̍t-tiâu) 細細(sòe-sòe) ê 山(suaⁿ) 水(tsúi) teh 流(lâu)，續落去(sòa-lo̍h-khì) tshun 水窟(tsúi-khut)，水窟(tsúi-khut) 也(iā) 乾(ta) 去(khì)，飛鳥(pe-tsiáu) 飛(pe) 走(tsáu) 無(bô) koh 來(lâi)，田野(tshân-iá)、樹林(tshiū-nâ) ê 走獸(tsáu-siù) 也(iā) 無(bô) koh 來(lâi) lim。小溪(sió-khue) 完全(ôan-tsôan) 乾(ta) 去(khì)，tī tsit 時(sî) 上帝(siōng-tè) tsiah 對(tùi) 忠誠(tiong-sêng) ê 以利亞(í-lī-a) 講(kóng)：「你(lí) 起來(khí-lâi) 去(khì) 到(kàu) Se-tùn ê Sat-li̍k-huat。」(列王記(lia̍t-ông-kì) 上(siōng) 17:9)

Tī 上帝(siōng-tè) iáu-buē 開嘴(khui-tshùi) 以前(í-tsêng)，咱(lán) 早(tsá) 早(tsá) 就(tsiū) 煩惱(hôan-ló)、憂慮(iu-lū) teh 想(siūⁿ) 辦法(pān-huat) lah。溪水(khue-tsúi) 流(lâu) ê 聲(siaⁿ) 無(bô) 去(khì)，咱(lán) beh 停止(thêng-tsí) 唱歌(tshiùⁿ-kua)。將(tsiong) 豎琴(khiā-khîm) 掛(kòa) tī 柳樹(liú-tshiū) 頂(téng)，tī 枯焦(ko͘-ta) ê 草埔(tsháu-po͘) 行(kiâⁿ) 來(lâi) 行(kiâⁿ) 去(khì)，為(ūi) tio̍h 咱(lán) ê 困境(khùn-kéng) teh 憂愁(iu-tshiû)。可能(khó-lêng) tī 溪水(khue-tsúi) iáu 未(bōe) 乾(ta) 去(khì) 以前(í-tsêng)，已經(í-king) 有(ū) 另外(lēng-gōa) ê 計畫(kè-ōe)，ǹg 望(bāng) 上帝(siōng-tè) 幫贊(pang-tsān)，thang 到(kàu) 別(pa̍t) 所在(só͘-tsāi) lah。

上帝(siōng-tè) 常常(siông-siông) kā 咱(lán) tuì 困境(khùn-kéng) 中(tiong) 救(kiù) 出來(tshut-lâi)，因為(in-ūi)「伊(i) ê 慈愛(tsû-ài) 永遠(éng-óan) tī-teh」。(歷代志錄(le̍k-tāi-tsì-lio̍k) 上卷(siōng-kòan) 16:34)若是(nā-sī) 咱(lán) 肯(khéng) 耐心(nāi-sim) thìng 候(hāu)，就(tsiū) 會(ōe) 看(khòaⁿ) tio̍h 伊(i) ê 計畫(kè-ōe) 一步(tsi̍t-pō͘) 一步(tsi̍t-pō͘) 展開(tián-khui)，buē 致到(tì-kàu) 圍困(ûi-khùn) tī 看(khòaⁿ) 無(bô) 出路(tshut-lō͘)，buē-thang 脫身(thuat-sin) ê 迷宮(bê-kiong) 內(lāi)。也(iā) m̄ 免(bián) 常常(siông-siông) 行(kiâⁿ) 回頭(hôe-thâu)，行(kiâⁿ) tsuē-tsuē 冤枉(uan-óng) 錯誤(tshò-ngō͘) ê 路(lō͘)，流(lâu) 真(tsin) tsuē 見笑(kiàn-siàu) ê 目屎(ba̍k-sái)。

「Tio̍h thìng 候(hāu) 耶和華(iâ-hô-hua)。」(詩篇(si-phian) 27:14)耐心(nāi-sim) thìng 候(hāu)！──F. B. Meyer


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org