《台語荒漠甘泉（漢羅版）》

 | | | 轉寄

受傷破碎

作者 陳清俊 譯 林俊育 漢羅翻寫 2010.08.14

listen
八月十五(八月十五日)

「咱(lán) tio̍h tuì tsuē-tsuē 艱苦(kan-khó͘) 來(lâi) 入(ji̍p) 上帝(siōng-tè) ê 國(kok)。」 (使徒(sù-tô͘) 行傳(hêng-tōan) 14：22)

人生(jîn-sing) siōng 好(hó) ê 事(sū)，常常(siông-siông) 是(sī) tuì 受傷(siū-siong) 破碎(phò͘-tshùi) ê 結果(kiat-kó) 來(lâi) ê。麥(be̍h) 需要(su-iàu) 研碎(géng-tshùi) tsiah thang 做(tsòe) 麵包(mī-pau)，香(hiuⁿ) ài 點(tiám) 火(hé) 燒(sio) tsiah 會(ōe) 產生(sán-sing) 芳(phang) ê 氣味(khì-bī)。土(thô͘) ài 受(siū) 犁(lê) 破(phòa) tsiah 會(ōe) thang 種(tsèng) 種子(tséng-tsí)，破碎(phò͘-tshùi) 傷心(siong-sim) thang 得(tit) 上帝(siōng-tè) ê 歡喜(huaⁿ-hí)。

Tio̍h，性命(sìⁿ-miā) siōng 甜蜜(tiⁿ-bi̍t) ê 喜樂(hí-lo̍k)，是(sī) tuì 憂傷(iu-siong) ê 結果(kiat-kó)。人性(jîn-sèng) 需要(su-iàu) 受苦(siū-khó͘) tsiah 會(ōe) 成做(tsiâⁿ-tsòe) 世間(sè-kan) ê 祝福(tsiok-hok)。

厝角(tshù-kak) 無(bô) 映目(iáⁿ-ba̍k) ê 位(ūi)，
生(siⁿ) 出(tshut) siōng suí siōng 可愛(khó-ài) 花蕊(hue-lúi)，
一(tsi̍t) 蕊(lúi) 玫瑰(mûi-kùi)。

暗時(àm-sî) 合(ha̍p)，早起(tsá-khí) 時(sî) 含(kâm) 露水(lō͘-tsúi) 開(khui)，
發出(huat-tshut) 稀罕(hi-hán) ê 芳味(phang-bī) koh suí，
真(tsin) 稀奇(hi-kî) ê 玫瑰(mûi-kùi)。

Hō͘ 雨(hō͘) 滴(tih)，
Koh-khah 芳(phang) ê 氣味(khì-bī)，
Tī 腳(kha) 邊(piⁿ)。

小心(sió-sim) 疼惜(thiàⁿ-sioh)，
輕輕(khin-khin) 押(ap) 伊(i) ê 葉(hio̍h)，
甜蜜(tiⁿ-bi̍t) 安歇(an-hioh)。

當(tng) 我(góa) kā 伊(i) 摧(jê) 碎(tshùi)，ni̍h 死(sí)，
發出(huat-tshut) 極(ke̍k) 美妙(bí-miāu) 芳氣(phang-khì)。

親愛(tshin-ài) 主(tsú)，hō͘ 我(góa) 性命(sìⁿ-miā) 親像(tshin-tshiūⁿ) án-ni，
風(hong) 來(lâi) 出(tshut) 芳味(phang-bī)，芬芳(hun-hong) 甘甜(kam-tiⁿ)。

若是(nā-sī) 你(lí) 旨意(tsí-ì)，
Hō͘ 我(góa) 靈(lêng) 充滿(tshiong-móa) 破碎(phò͘-tshùi)，傷悲(siong-pi)。

當(tng) 最後(tsòe-āu) teh-beh 死(sí) ê 芳味(phang-bī) 發揮(huat-hui)，
我(góa) 細(sòe) 聲(siaⁿ) 講(kóng)，「伊(i) 聽(thiaⁿ) 也(iā) 知(tsai)，所(só͘) teh 壓(ap) ê 玫瑰(mûi-kùi)。」

若是(nā-sī) 你(lí) 渴望(khat-bōng) hō͘ 人(lâng) 安慰(an-ùi)，á 是(sī) 會(ōe) 有(ū) 同情心(tông-tsêng-sim)，會(ōe) 憐憫(lîn-bín) 人(lâng) ê 恩賜(un-sù)，á 是(sī) ài hō͘ 受(siū) 試探(tshì-thàm) ê 人(lâng) ê 勸勉(khòan-bián)，á 是(sī) tī 日常(ji̍t-siông) 生活(sing-o̍ah) 中(tiong) buē 傷害(siong-hāi) 人(lâng)，你(lí) tio̍h 付出(hù-tshut) 學習(ha̍k-si̍p) ê 大大(tōa-tōa) 代價(tāi-kè)，親像(tshin-tshiūⁿ) 基督(ki-tok) 一樣(tsi̍t-iūⁿ)，必須(pit-su) 受苦(siū-khó͘)。──Frederick William Robertson


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org