《台語荒漠甘泉（漢羅版）》

 | | | 轉寄

完全信靠

作者 陳清俊 譯 林俊育 漢羅翻寫 2011.02.20

listen 二月二十(二月二十日)

「我(góa) 實在(si̍t-tsāi) kā lín 講(kóng)，lín 若(nā) 有(ū) 信(sìn)，親像(tshin-tshiūⁿ) 一(tsi̍t) 粒(lia̍p) 芥菜(kòa-tshài) 子(tsí)，lín 就(tsiū) beh kā tsit-ê 山(suaⁿ) 講(kóng)：『tuì tsia 徙去(sóa-khì) hia』，亦(ia̍h) beh 徙去(sóa-khì)；koh lín teh-beh 無(bô) 一項(tsi̍t-hāng) buē。」(馬太(má-thài) 17：20)

願意(gōan-ì) 將(tsiong) 家己(ka-kī) 性命(sìⁿ-miā) ê 安全(an-tsôan) kap 生活(sing-o̍ah) ê 特性(te̍k-sèng)，完全(ôan-tsôan) 交(kau) tī 主(tsú) 大(tōa) 權能(kôan-lêng) ê 手中(tshiú-tiong) ê 基督徒(ki-tok-tô͘)，就是(tsiū-sī) tī 生活(sing-o̍ah) 中(tiong)，伊(i) 會(ōe) 做到(tsòe-kàu) 無(bô) 一點(tsi̍t-tiám) á ê 保留(pó-liû)，相信(siong-sìn) 主(tsú) ê 應允(èng-ún)，相信(siong-sìn) 主(tsú) 每(múi) 句(kù) ê 應允(èng-ún) lóng béh 實現(si̍t-hiān)。

Tsit 種(tsióng) ê 基督徒(ki-tok-tô͘) 一定(it-tēng) 會(ōe) ta̍k 日(ji̍t)「將(tsiong) lín ê 憂慮(iu-lū) 卸(sià) hō͘ 上帝(siōng-tè)」(I 彼得(pí-tet) 5：7)，有(ū) tsit 種(tsióng) ê 交託(kau-thok)，會(ōe) 得(tit) tio̍h 深深(tshim-tshim) ê 平安(pêng-an)。

Tsit 種(tsióng) ê 基督徒(ki-tok-tô͘) 會(ōe) tī ta̍k 種(tsióng) ê 環境(khôan-kéng) 裡(nih)，看(khòaⁿ) 上帝(siōng-tè) ê 旨意(tsí-ì)，心(sim) 歡喜(huaⁿ-hí)，嘴(tshùi) 唱歌(tshiùⁿ-kua) 來(lâi) 接受(tsiap-siū)，lóng buē 哀怨(ai-òan)。

Tsit 種(tsióng) ê 基督徒(ki-tok-tô͘) tiāⁿ-tio̍h 會(ōe) 將(tsiong) 家己(ka-kī) khǹg tī，隱藏(ún-tsông) tī 上帝(siōng-tè) ê 大(tōa) 權能(kôan-lêng) 內(lāi)，會(ōe) 明白(bêng-pe̍k) 家己(ka-kī) siōng 大(tōa) ê nńg-tsiáⁿ kap hiah-ê 影響(éng-hióng) 家己(ka-kī)，決心(kuat-sim) 去(khì) 做成(tsòe-tsiâⁿ) 忍耐(jím-nāi)，聖潔(sèng-kiat) kap 謙卑(khiam-pi) ê 各種(kok-tsióng) 事物(sū-bu̍t)。其實(kî-si̍t) 這(tse) 是(sī) 一種(tsi̍t-tsióng) 機會(ki-hōe) 操練(tshau-liān)，hō͘ 罪(tsōe) buē 會(ōe) tī 咱(lán) 本身(pún-sin) ê 身上(sin-tsiūⁿ) 作用(tsok-iōng) ê 操練(tshau-liān)。Án-ni 咱(lán) ná 來(lâi) ná 堅強(kian-kiông)。Tsit 種(tsióng) 機會(ki-hōe) 操練(tshau-liān) 是(sī)，疼(thiàⁿ) 咱(lán) ê 天父(thiⁿ-pē) 所(só͘) 賞賜(siúⁿ-sù)，hō͘ 咱(lán) 明白(bêng-pe̍k) 並(pēng) 遵行(tsun-hêng) 伊(i) ê 旨意(tsí-ì)，hō͘ 咱(lán) 有(ū) 福氣(hok-khì) 體驗(thé-giām) tio̍h 伊(i) ê 同在(tông-tsāi) kap 伊(i) ê 大能(tāi-lêng)。

這(tse) 一切(it-tshè) 可能(khó-lêng) lóng 是(sī) tuì 天(thiⁿ) 來(lâi) ê，因為(in-ūi) 這(tse) lóng 是(sī) 上帝(siōng-tè) ê 作為(tsok-ûi)。咱(lán) 若(nā) 會(ōe) 真正(tsin-tsiàⁿ) 得(tit) tio̍h，就(tsiū) 會(ōe) 不斷(put-tōan) 謙卑(khiam-pi) 家己(ka-kī)，恭敬(kiong-kèng) tī 主(tsú) ê 腳前(kha-tsêng)，學習(ha̍k-si̍p) 追求(tui-kiû) 得(tit) tio̍h koh-khah tsuē。

咱(lán) 會(ōe) koh-khah ǹg 望(bāng) kap 上帝(siōng-tè) 同行(tâng-kiâⁿ)，因為(in-ūi) 無(bô) 別項(pa̍t-hāng) 會(ōe) khah 滿足(móa-tsiok) 咱(lán) ê 心(sim)。靠(khò) tio̍h 聖靈(sèng-lêng) ê 能力(lêng-le̍k)，咱(lán) 會(ōe) 每日(múi-ji̍t) 時時(sî-sî) 刻刻(khik-khik) 活(o̍ah) tī 基督(ki-tok) 裡(nih)。─H.C. G. Mo͘le

完全(ôan-tsôan) ê 信靠(sìn-khò)，咱(lán) 會(ōe) tuì 上帝(siōng-tè) ài 得(tit) tio̍h juā-tsuē，就(tsiū) thang 得(tit) tio̍h juā-tsuē，主(tsú) 基督(ki-tok) 將(tsiong) 伊(i) ê 寶庫(pó-khò͘) ê 鎖匙(só-sî) 交(kau) tī 咱(lán) ê 手中(tshiú-tiong)，叫(kiò) 咱(lán) 去(khì) the̍h。若是(nā-sī) 有(ū) 人(lâng) 會(ōe) thang 受(siū) 允准(ín-tsún) 入(ji̍p) 銀行(gîn-hâng) ê 保險庫(pó-hiám-khò͘)，叫(kiò) 伊(i) thang the̍h 內面(lāi-bīn) ê 錢(tsîⁿ)，伊(i) 若(nā) 空手(khang-tshiú) tǹg 來(lâi)，無(bô) 錢(tsîⁿ) thang 生活(sing-o̍ah)，án-ni，ài 怪(kòai) 甚麼(sím-mi̍h) 人(lâng) ah?上帝(siōng-tè) ê 富足(hù-tsiok) hō͘ 基督徒(ki-tok-tô͘) thang 白白(pe̍h-pe̍h) 來(lâi) the̍h，伊(i) 所得(só͘-tit) tio̍h ê 若是(nā-sī) 真(tsin) 少(tsió)，又(iū) thang 怪(kòai) 啥(siáⁿ) 人(lâng) ê m̄-tio̍h ah?


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org