《台語荒漠甘泉（漢羅版）》

 | | | 轉寄

單獨kap主tī-teh

作者 陳清俊 譯 林俊育 漢羅翻寫 2011.02.27

listen 二月二七(二月二十七日)

「只有(tsí-ū) tshun 雅各(ngá-kok) 家己(ka-kī) tī-teh；有(ū) 一(tsi̍t) 人(lâng) 來(lâi) kap 伊(i) 相(saⁿ) ián，到(kàu) tī 天(thiⁿ) phú 光(kng)。」(創世記(tshòng-sè-kì) 32：24)

「只有(tsí-ū) tshun 一個(tsi̍t-ê) 人(lâng)」，當(tng) 咱(lán) 讀(tha̍k) tio̍h tsit 句(kù) ê 時(sî)，咱(lán) ê 感受(kám-siū) 是(sī) án-tsuáⁿ？是(sī) 孤單(ko͘-tuaⁿ)？是(sī) 憂傷(iu-siong)？á 是(sī) 安靜(an-tsēng) thang 歇睏(hioh-khùn) ê 機會(ki-hōe)。若是(nā-sī) tshun 一(tsi̍t) 人(lâng)，koh 無(bô) 天父(thiⁿ-pē) ê 同在(tông-tsāi)，這(tse) 是(sī) 真(tsin) 可怕(khó-phàⁿ)，真(tsin) oh 用(ēng) 言語(giân-gí) 形容(hêng-iông) ê 事(sū)。但是(tān-sī) 單獨(tan-to̍k) 一(tsi̍t) 人(lâng)，有(ū) 天父(thiⁿ-pē) ê 同在(tông-tsāi)，就(tsiū) thang 講(kóng) 是(sī) suí-suí，ná 親像(tshin-tshiūⁿ) tī 天堂(thian-tông) ê 時(sî) tsūn。一個(tsi̍t-ê) 基督徒(ki-tok-tô͘) 若(nā) 常常(siông-siông) 會(ōe) thang 單獨(tan-to̍k) kap 主(tsú) tī-teh，伊(i) beh 成做(tsiâⁿ-tsòe) 屬靈(sio̍k-lêng) 偉大(úi-tāi) ê 人物(jîn-bu̍t)。

咱(lán) ê 主(tsú)，耶穌(iâ-so͘) 基督(ki-tok)，留(lâu) hō͘ 咱(lán) 好(hó) ê 模樣(bô͘-iūⁿ)，伊(i) 常常(siông-siông) 單獨(tan-to̍k) kap 天父(thiⁿ-pē) tī-teh，teh 祈禱(kî-tó)。伊(i) 也(iā) 教示(kà-sī) 咱(lán) 講(kóng)：「你(lí) 祈禱(kî-tó) ê 時(sî)，ài 入(ji̍p) 內房(lāi-pâng)，關(kuaiⁿ) 門(mn̂g)，祈禱(kî-tó)。」(馬太(má-thài) 6：6) Tsit-ê 教示(kà-sī) 有(ū) 強(kiông) koh 有力(ū-la̍t) ê 目的(bo̍k-tik)。

先知(sian-ti) 以利亞(í-lī-a) kap 以利沙(í-lī-sa) ê siōng 偉大(úi-tāi) ê 神蹟(sîn-jiah)，lóng 是(sī) tī in 單獨(tan-to̍k) kap 天父(thiⁿ-pē) tī-teh ê 時(sî) 發生(huat-sing)。雅各(ngá-kok) 會(ōe) 成做(tsiâⁿ-tsòe)「王子(ông-tsú)」(叫做(kiò-tsòe) 以色列(í-sik-lia̍t)，創世記(tshòng-sè-kì) 32：28)，也是(iā-sī) 伊(i) kap 上帝(siōng-tè) 單獨(tan-to̍k) ê 時(sî)。Siāng 款(khóan)，咱(lán) 會(ōe) 得(tit) 變做(pìⁿ-tsòe)「王族(ông-tso̍k)」，做(tsòe)「眾人(tsèng-lâng) 稀奇(hi-kî) ê 人(lâng)」(撒該利亞(sat-ka-lī-a) 3：8)；約書亞(iok-su-a) kap 上帝(siōng-tè) saⁿ tú-tio̍h ê 時(sî)，是(sī) 孤單(ko͘-tuaⁿ) 一(tsi̍t) 人(lâng)(約書亞(iok-su-a) 1：1)。士師(sū-su) 基甸(ki-tiân) kap 耶弗他(iâ-hut-tha) 受命(siū-bēng) 拯救(tsín-kiù) 以色列(í-sik-lia̍t) 人(lâng) ê 時(sî)，也是(iā-sī) 只有(tsí-ū) 一(tsi̍t) 人(lâng)(士師記(sū-su-kì) 6：11；11：29)。摩西(mô͘-se) 面對(bīn-tùi) teh 燒(sio) ê 莿(tshì) phè ê 時(sî)，也是(iā-sī) 伊(i) 單獨(tan-to̍k) 一(tsi̍t) 人(lâng) ê 時(sî)(出埃及記(tshut-ai-ki̍p-kì) 3：1-5)。上帝(siōng-tè) ê 使者(sù-tsiá) 來(lâi) 見(kìⁿ) 百總(peh-tsóng)(連長(liân-tiúⁿ))哥尼流(ko-nî-liû) ê 時(sî)，是(sī) tī 伊(i) 一(tsi̍t) 人(lâng) teh 祈禱(kî-tó)。使徒(sù-tô͘) 彼得(pí-tet) tī 厝頂(tshù-téng) 奉差(hōng-tshe) 去(khì) 外邦(gōa-pang) 人(lâng) 中間(tiong-kan)，mā 是(sī) 無(bô) 人(lâng) tī 伊(i) 身邊(sin-piⁿ)(使徒(sù-tô͘) 行傳(hêng-tōan) 10：9-28)。行洗禮(kiâⁿ-sóe-lé) 約翰(iok-hān) tī 曠野(khòng-iá) 也是(iā-sī) 伊(i) 單獨(tan-to̍k) 一(tsi̍t) 人(lâng)(路加(lō͘-ka) 1：80)。耶穌(iâ-so͘) 所(só͘) 疼(thiàⁿ) ê 學生(ha̍k-sing)，約翰(iok-hān) tī 拔摩(po̍at-mô͘) ê 海嶼(hái-sū) kap 上帝(siōng-tè) 上(siōng) 親密(tsin-bi̍t) ê 時(sî)，也是(iā-sī) tshun 伊(i) 一(tsi̍t) 人(lâng)(啟示錄(khé-sī-lio̍k) 1：9)

應當(èng-tong) 渴慕(khak-bō͘) kap 上帝(siōng-tè) 單獨(tan-to̍k) 作伙(tsòe-hé)，假使(ká-sú) 咱(lán) 若(nā) 忽略(hut-lio̍k)，輕視(khin-sī) kap 上帝(siōng-tè) 單獨(tan-to̍k) ê 時刻(sî-khik)，m̄-nā 是(sī) 家己(ka-kī) 失去(sit-khì) 福份(hok-hūn)，也會(iā-ōe) 因為(in-ūi) 無(bô) 福份(hok-hūn) kap 人(lâng) 分享(hun-hióng)，hō͘ 別人(pa̍t-lâng) 也(iā) suah 失去(sit-khì) tsit-ê 福份(hok-hūn)。單獨(tan-to̍k) 親近(tshin-kūn) 上帝(siōng-tè)，tī 外表(gōa-piáu) 看起來(khòaⁿ-khí-lâi) ná 親像(tshin-tshiūⁿ) 無(bô) 甚麼(sím-mi̍h) 大(tōa) 了不起(liáu-put-khí) ê 事(sū)，總是(tsóng-sī) 會(ōe) 增加(tsing-ka) 咱(lán) ê 工作(kang-tsok) ê 深度(tshim-tō͘) kap 能力(lêng-le̍k)。另外(lēng-gōa) iáu 有(ū) 一個(tsi̍t-ê) 奇妙(kî-biāu) ê 結果(kiat-kó)，別人(pa̍t-lâng) tī 咱(lán) ê 生活(sing-o̍ah) 中(tiong)「無(bô) 看見(khòaⁿ-kìⁿ) 一(tsi̍t) 人(lâng)，只有(tsí-ū) 耶穌(iâ-so͘)」(馬太(má-thài) 17：8)

祈禱(kî-tó) 中(tiong)，單獨(tan-to̍k) kap 上帝(siōng-tè) 作伙(tsòe-hé)，這(tse) 重要性(tiōng-iàu-sèng) 絕對(tso̍at-tùi) m̄-thang 忽略(hut-lio̍k) 去(khì)。

若(nā) 無(bô) 單獨(tan-to̍k)，安安(an-an) 靜靜(tsēng-tsēng) tī 主(tsú) 面前(bīn-tsêng)
就(tsiū) buē 產生(sán-sing)，完成(ôan-sêng) 偉大(úi-tāi) 工程(kang-thêng)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org