《台語荒漠甘泉（漢羅版）》

 | | | 轉寄

信心

作者 陳清俊 譯 林俊育 漢羅翻寫 2011.03.06

listen 三月初六(三月六日)
「若是(nā-sī) 阮(góan) 平素(pêng-sò͘) teh ǹg 望(bāng) ê，就是(tsiū-sī) hit-ê beh 贖回(sio̍k-hôe) 以色列(í-sik-lia̍t) ê;」(路加(lō͘-ka) 24：21)

這(tse) 是(sī) tī 去(khì) 以馬忤(í-má-ngó͘) ê 路中(lō͘-tiong)，兩(nn̄g) 個(ê) 學生(ha̍k-sing) kap 耶穌(iâ-so͘) 同行(tâng-kiâⁿ) ê 時(sî)，所(só͘) 講(kóng) ê 話(ōe)。我(góa) 為(ūi) tio̍h in 來(lâi) 憂傷(iu-siong)，因為(in-ūi) in 無(bô) 講出(kóng-tshut)「阮(góan) iáu teh ǹg 望(bāng)」，in kan-taⁿ 講(kóng)「阮(góan) 平素(pêng-sò͘) teh ǹg 望(bāng)」，表示(piáu-sī) 是(sī) in 以前(í-tsêng) 有(ū) ǹg 望(bāng)，現在(hiān-tsāi) 就(tsiū) 無去(bô-khì) lah，耶穌(iâ-so͘) 已經(í-king) 受釘(siū-tèng) 死(sí) tī 十字架(si̍p-jī-kè) lah。Ǹg 望(bāng) 失去(sit-khì) lah。In ê 心(sim) 已經(í-king) 碎去(tshùi-khì) lah。In 卻(khiok) m̄ 知(tsai) kap in saⁿ 同行(tâng-kiâⁿ) ê，就是(tsiū-sī) 耶穌(iâ-so͘) 本身(pún-sin)，是(sī) in 所(só͘) ǹg 望(bāng) ê，是(sī) 活活(o̍ah-o̍ah) teh kap in 講話(kóng-ōe)。我(góa) 真(tsin) ǹg 望(bāng) in 會(ōe) 講出(kóng-tshut)，雖然(sui-jiân) 事情(sū-tsêng) 發生(huat-sing)，是(sī) kap in 所(só͘) ǹg 望(bāng) ê 相(saⁿ) 對反(tùi-hóan)，m̄-koh in nā 無(bô) beh 放棄(hòng-khì)，有(ū) 信心(sìn-sim)，一定(it-tēng) iáu 會(ōe) tú-tio̍h 伊(i)(耶穌(iâ-so͘))，照(tsiàu) 伊(i) 以前(í-tsêng) 所(só͘) 對(tùi) in 講(kóng) ê 話(ōe)。莫怪(bo̍k-kòai) 耶穌(iâ-so͘) 對(tùi) in 講(kóng)：「無知(bû-ti) ê 人(lâng) ah，先知(sian-ti) 所(só͘) 講(kóng) 一切(it-tshè) ê 話(ōe)，lín ê 心(sim) 怎樣(tsáiⁿ-iūⁿ) hiah-oh 信(sìn) ah!」(路加(lō͘-ka) 24：25)

反(hóan) 倒(tó) tńg 來(lâi) 想(siūⁿ) 咱(lán) 本身(pún-sin)，咱(lán) 是(sī) m̄ 是(sī) 也會(iā-ōe) 親像(tshin-tshiūⁿ) in 講(kóng) m̄-tio̍h ê 話(ōe)。咱(lán) ê 身邊(sin-piⁿ) 一切(it-tshè) ê 物件(mi̍h-kiāⁿ) thang 失去(sit-khì)，無去(bô-khì)，總是(tsóng-sī) m̄-thang 講話(kóng-ōe) 失去(sit-khì) 信心(sìn-sim)，suah 失落(sit-lo̍h) 上帝(siōng-tè) ê 真理(tsin-lí) kap 疼痛(thiàⁿ-thàng)。希望(hi-bōng) 咱(lán) 無(bô) 親像(tshin-tshiūⁿ) tsit 兩(nn̄g) 個(ê) 學生(ha̍k-sing) 所(só͘) 講(kóng)：「阮(góan) 本來(pún-lâi) 相信(siong-sìn)，ǹg 望(bāng)」，á 是(sī)「阮(góan) bat 相信(siong-sìn)，bat ǹg 望(bāng)」，咱(lán) beh án-ni 講(kóng)：「阮(góan) 現在(hiān-tsāi) 也(iā) 相信(siong-sìn)，也(iā) ǹg 望(bāng)」，kap「阮(góan) 永永遠遠(éng-éng-óan-óan) teh 相信(siong-sìn)，teh ǹg 望(bāng)。」

熱天(jo̍ah-thiⁿ) 溫暖(un-lóan) 又(iū) 光輝(kong-hui)，
大(tōa) 樹(tshiū) 細(sòe) 枝(ki) 花蕊(hue-lúi) 開(khui)，
見(kìⁿ) tio̍h 滿滿(móa-móa) 是(sī) 玫瑰(mûi-kùi)，
我(góa) 相信(siong-sìn) 主(tsú) 大(tōa) 恩惠(un-hūi)。

冬天(tang-thiⁿ) 玫瑰花(mûi-kùi-hue) 無去(bô-khì)，
寒冷(hân-léng) 風雲(hong-hûn) 遍(piàn) 滿(móa) 天(thiⁿ)，
無(bô) koh 勇敢(ióng-kám) 相信(siong-sìn) 伊(i)，
信心(sìn-sim) 何等(hô-téng) 細(sòe)，稀微(hi-bî)。
──冬風(tang-hong) 中(tiong) ê 鳥(tsiáu) á 歌(kua)


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org