《台語荒漠甘泉（漢羅版）》

 | | | 轉寄

硬心

作者 陳清俊 譯 林俊育 漢羅翻寫 2011.03.13

listen 三月十三(三月十三日)

「主(tsú) 上帝(siōng-tè)，全能(tsôan-lêng) ê ah，你(lí) ê 所(só͘) 做(tsòe) 大(tōa) koh 奇怪(kî-kòai)；歷(le̍k) 世代(sè-tāi) ê 王(ông) ah，你(lí) ê 道路(tō-lō͘) 義(gī) koh 真實(tsin-si̍t)。」(啟示錄(khé-sī-lio̍k) 15：3)

下面(ē-bīn) 是(sī) 出名(tshut-miâ) ê 傳道者(thôan-tō͘-tsiá) Tsarles H. Spurgeon ê 夫人(hu-jîn)(伊(i) ê 身體(sin-thé) 無(bô) 好勢(hó-sè) 有(ū) 二十五(jī-tsa̍p-gō͘) 年(nî) 久(kú))所(só͘) 做(tsòe) ê 見證(kiàn-tsèng)：

過了(kè-liáu) lóng 無(bô) 做(tsòe) 甚麼(sím-mi̍h) ê 一工(tsi̍t-kang) 了後(liáu-āu)，我(góa) 倒(tó) tī 一塊(tsi̍t-tè) phòng 椅(í) 歇睏(hioh-khùn)。雖然(sui-jiân) 房間(pâng-king) ê 電火(tiān-hé) 真(tsin) 光(kng)，總是(tsóng-sī) 外口(gōa-kháu) ê 烏暗(o͘-àm) 進入(tsìn-ji̍p) 我(góa) ê 身體(sin-thé)，suah 遮蓋(jia-khàm) 我(góa) ê 心靈(sim-lêng) ê 目睭(ba̍k-tsiu)。我(góa) 極力(ke̍k-le̍k) beh 去(khì) khiú hit 雙(siang)「有力(ū-la̍t) ê 手(tshiú)」，就是(tsiū-sī) 常常(siông-siông) ín-tshuā 我(góa) 行路(kiâⁿ-lō͘) ê 全能(tsôan-lêng) ê 手(tshiú)，總是(tsóng-sī) 我(góa) lóng 看(khòaⁿ) buē-tio̍h。

我(góa) 真(tsin) 悲傷(pi-siong) 來(lâi) 問(mn̄g) 講(kóng)，主(tsú) 為甚麼(ūi-sím-mi̍h) án-ni 對待(tùi-thāi) 伊(i) ê 一個(tsi̍t-ê) gín-ná!伊(i) 為甚麼(ūi-sím-mi̍h) hō͘ 我(góa) tú-tio̍h tsit 款(khóan) ê 艱難(kan-lân)、痛苦(thòng-khó͘)？伊(i) 為甚麼(ūi-sím-mi̍h) 將(tsiong) tsit-ê 苦楚(khó͘-tshó͘) 久長(kú-tn̂g) 纏(tîⁿ) tī 我(góa) 身上(sin-tsiūⁿ)，suah 一直(it-ti̍t) 無法度(bô͘-huat-tō͘) 來(lâi) 侍候(sū-hāu) 伊(i) ê「需要(su-iàu) 人(lâng) 料理(liāu-lí) ê 奴僕(lô͘-po̍k)」？

Tsiah-ê 問題(būn-tê) 真(tsin) 緊(kín) 就(tsiū) 得(tit) tio̍h 回答(hôe-tap)，是(sī) 用(ēng) 真(tsin) 奇妙(kî-biāu) ê 言語(giân-gí) 來(lâi) 回應(hôe-èng)，無(bô) 需要(su-iàu) 人(lâng) ê 翻譯(huan-e̍k)，只要(tsí-iàu) 用(ēng) 我(góa) 留心(liû-sim) 注意(tsù-ì) ê 心靈(sim-lêng) ê 言語(giân-gí) 就(tsiū) 夠額(kàu-gia̍h)。Tī tsit 段(tōaⁿ) 肅靜(siok-tsēng) ê 時間(sî-kan)，只有(tsí-ū) hiâⁿ 火(hé) 柴(tshâ) teh to̍h 所(só͘) 發出(huat-tshut) phit-phit-pha̍k-pha̍k ê 聲(siaⁿ)。突然(thut-jiân) 我(góa) 聽(thiaⁿ) tio̍h 一個(tsi̍t-ê) 溫柔(un-jiû) ê 聲音(siaⁿ-im)，清清(tshing-tshing) 楚楚(tshó-tshó) ê 音樂(im-ga̍k)，親像(tshin-tshiūⁿ) tī 窗(thang) á kha 有(ū) 鳥(tsiáu) á teh 唱出(tshiùⁿ-tshut) 美好(bí-hó) ê 歌調(kua-tiāu)。

我(góa) 大聲(tōa-siaⁿ) 問(mn̄g) 講(kóng)：「這(tse) 是(sī) 甚麼(sím-mi̍h) 聲(siaⁿ)？」Tī tsit-ê 寒冷(hân-léng) ê 暗時(àm-sî)，絕對(tso̍at-tùi) 無(bô) 可能(khó-lêng) 有(ū) 鳥(tsiáu) tī 外面(gōa-bīn) 唱歌(tshiùⁿ-kua)。Hit-ê 溫柔(un-jiû) ê 鳥(tsiáu) á 歌聲(kua-siaⁿ) 又(iū) koh 聽(thiaⁿ) kah 清清(tshing-tshing) 楚楚(tshó-tshó)，溫柔(un-jiû) koh 神祕(sîn-pì) hō͘ 我(góa) 感覺(kám-kak) 真(tsin) 稀奇(hi-kî)。然後(jiân-āu) 我(góa) ê 至好(tsí-hó) 朋友(pêng-iú) huah 講(kóng)，這(tse) 是(sī) 壁爐(piah-lô͘) 內(lāi) ê hit 支(ki) 柴(tshâ) 所(só͘) 發(huat) 出來(tshut-lâi) ê!爐(lô͘) 火(hé) 將(tsiong) 留(lâu) tī 柴(tshâ) 內(lāi)，已經(í-king) khǹg-tī 柴(tshâ) 內(lāi) 久久(kú-kú) ê 音樂(im-ga̍k) 放(pàng) 出來(tshut-lâi)。

可能(khó-lêng) tsit 支(ki) 柴(tshâ)，tī 伊(i) 美好(bí-hó) ê 時(sî) 有(ū) 聽(thiaⁿ) tio̍h 鳥(tsiáu) á khiā-tī 伊(i) ê 頂面(téng-bīn) 唱(tshiùⁿ) tsit 條(tiâu) 歌(kua)，伊(i) 記(kì) 起來(khí-lâi)，收(siu) 起來(khí-lâi)，隱藏(ún-tsông) 起來(khí-lâi)。總是(tsóng-sī) 以後(í-āu) 伊(i) 老(lāu) lah，tīng lah，一(tsi̍t) 年(nî) koh 一(tsi̍t) 年(nî) ê 生(siⁿ) 瘤(liû)，suah 將(tsiong) tsit 條(tiâu) 歌(kua) 封(hong) 起來(khí-lâi)，封(hong) kah 密(ba̍t) tsiuh-tsiuh。直到(ti̍t-kàu) 火舌(hé-tsi̍h) 來(lâi) 燒(sio) tsit 支(ki) 柴(tshâ)，燒(sio) hō͘ 伊(i) 發出(huat-tshut) 歌聲(kua-siaⁿ)，成做(tsiâⁿ-tsòe) 獻上(hiàn-tsiūⁿ) ê 牲禮(sing-lé)。Tsit 時(sî)，我(góa) tsiah 明白(bêng-pe̍k)，病痛(pīⁿ-thiàⁿ) ê 火(hé) hō͘ 咱(lán) ê 內面(lāi-bīn) 放出(pàng-tshut) o-ló ê 歌聲(kua-siaⁿ)，hō͘ 咱(lán) ê 心神(sim-sîn) 真正(tsin-tsiàⁿ) 得(tit) tio̍h 潔淨(kiat-tsēng)。咱(lán) ê 父(pē) 上帝(siōng-tè) 得(tit) tio̍h 榮耀(êng-iāu)。

有(ū) 人(lâng) ná 親像(tshin-tshiūⁿ) tsit 支(ki) 柴(tshâ)，冷冷(léng-léng) tīng-tīng，無(bô) 感情(kám-tsêng)，lóng m̄-bat 唱出(tshiùⁿ-tshut) 美好(bí-hó) ê 歌(kua)。是(sī) 咱(lán) 周圍(tsiu-ûi) ê 炎炎(iām-iām) ê 火(hé) hō͘ 咱(lán) 放出(pàng-tshut) 真(tsin) 神(sîn) ê 聲調(siaⁿ-tiāu)，hō͘ 咱(lán) 快快(khòai-khòai) 樂樂(lo̍k-lo̍k) 來(lâi) 遵行(tsun-hêng) 伊(i) ê 旨意(tsí-ì)。想(siūⁿ) 到(kàu) tsia，壁爐(piah-lô͘) ê 火(hé) 繼續(kè-sio̍k) teh 燒(sio)。Tsit 種(tsióng) ê 譬喻(phì-jū) 真(tsin) 奇妙(kî-biāu)，hō͘ 我(góa) ê 靈(lêng) 甜蜜(tiⁿ-bi̍t)、sù-sī 好勢(hó-sè)。

「Tio̍h！tī 火(hé) 中(tiong) 唱歌(tshiùⁿ-kua)！」天父(thiⁿ-pē) 有時(ū-sî) 用(ēng) 這(tse) 唯一(ûi-it) ê 方法(hong-huat)，教(kà) 咱(lán) 死死(sí-sí)、冷冷(léng-léng)、硬硬(ngī-ngī) ê 心(sim)，出(tshut) 和諧(hô-hâi) ê 歌聲(kua-siaⁿ)。所以(só͘-í)，hō͘ 火爐(hé-lô͘)「比(pí) 平常(pêng-siông) 加添(ke-thiⁿ) 七(tsit) 倍(pē) ê 熱(jo̍ah)」(但以理(tān-í-lí) 3：19)


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org