《台語荒漠甘泉（漢羅版）》

 | | | 轉寄

Ǹg望

作者 陳清俊 譯 林俊育 漢羅翻寫 2011.03.27

listen 三月二七(三月二十七日)

「因為(in-ūi) 我(góa) 算(sǹg) 現時(hiān-sî) ê 艱苦(kan-khó͘) buē 堪得(kham-tit) 比(pí) phīng 所(só͘) beh 顯明(hián-bêng) 到(kàu) tī 咱(lán) ê 榮光(êng-kng)。」(羅馬(lô-má) 8：18)

最近(tsòe-kūn)，tī 英國(ing-kok) 有(ū) 一個(tsi̍t-ê) 真(tsin) 特別(te̍k-pia̍t)，真(tsin) iáⁿ 目(ba̍k) ê 婚禮(hun-lé)。新郎(sin-lông) 是(sī) 一位(tsi̍t-ūi) 社會(siā-hōe) 地位(tē-ūi) 真(tsin) kuân koh 好額(hó-gia̍h) ê 青年人(tshing-liân-lâng)。伊(i) tī 十(tsa̍p) 歲(hòe) ê 時(sî) 發生(huat-sing) 意外(ì-gōa)，雙(siang) 蕊(lúi) 目睭(ba̍k-tsiu) 失明(sit-bêng)。雖然(sui-jiân) 無(bô) 看(khòaⁿ)，伊(i) iáu 是(sī) 用(ēng) 真(tsin) 優秀(iu-siù) ê 成績(sêng-tsik) tuì 大學(tāi-ha̍k) 畢業(pit-gia̍p)。Taⁿ 得(tit) tio̍h 美麗(bí-lē) 新娘(sin-niû) ê 愛情(ài-tsêng) 來(lâi) 舉行(kú-hêng) 婚禮(hun-lé)，不過(put-kò)，伊(i) lóng m̄-bat 看見(khòaⁿ-kìⁿ) 新娘(sin-niû) ê 容貌(iông-māu)。Tī 結婚(kiat-hun) 前(tsêng)，伊(i) 去(khì) 做(tsòe) 手術(tshiú-su̍t)，由(iû) 專家(tsuan-ka) 做(tsòe) 一連串(it-liân-tshòan) ê 手術(tshiú-su̍t)，手術(tshiú-su̍t) ê 結果(kiat-kó) beh tī 結婚(kiat-hun) ê 大日子(tōa-ji̍t-tsí) tsiah 會(ōe) 知(tsai)。

結婚(kiat-hun) ê 大日子(tōa-ji̍t-tsí) 到(kàu) lah，參加(tsham-ka) 婚禮(hun-lé) ê 來賓(lâi-pin) 也(iā) lóng 在場(tsāi-tiûⁿ)。新郎(sin-lông) 穿(tshēng) 禮服(lé-ho̍k)，由(iû) 老父(lāu-pē) tshuā 到(kàu) 禮堂(lé-tn̂g)，雙(siang) 蕊(lúi) 目睭(ba̍k-tsiu) iáu 包(pau) teh。伊(i) ê 眼科(gán-kho) 主治(tsú-tī) 醫師(i-su) tī 副堂(hù-tn̂g) teh thìng 候(hāu)。

新娘(sin-niû) ê 老父(lāu-pē) 牽(khan) 新娘(sin-niû) 入(ji̍p) 禮堂(lé-tn̂g)，伊(i) 激動(kik-tōng) kah 講(kóng) buē 出聲(tshut-siaⁿ)。伊(i) 所(só͘) 心愛(sim-ài) ê 郎君(lông-kun) 是(sī) m̄ 是(sī) 看(khòaⁿ) 會(ōe) tio̍h 伊(i) ê 面(bīn)，suí-suí ê 面(bīn)，á 是(sī) kan-ta 會(ōe) 用(ēng) 手(tshiú) 指頭(tséng-thâu) á 來(lâi) 摸(bong) 伊(i) ê 面(bīn) nā-tiāⁿ？

新娘(sin-niû) ǹg 聖壇(sèng-tôaⁿ) 慢慢(bān-bān) 行(kiâⁿ)，婚禮(hun-lé) ê 進行(tsìn-hêng) 曲(khik) 已經(í-king) teh 彈(tôaⁿ) lah。伊(i) 看(khòaⁿ) tio̍h 真(tsin) 罕得(hán-tit) 見(kìⁿ) tio̍h ê 現象(hiān-siōng)，tī 伊(i) ê 頭前(thâu-tsêng)，有(ū) 新郎(sin-lông) ê 老父(lāu-pē) kap 醫生(i-sing)，醫生(i-sing) tú teh 鉸開(ka-khui) 新郎(sin-lông) 目睭(ba̍k-tsiu) 前(tsêng) ê 繃帶(hô-tái)(紗(se) á 布(pò͘))。

繃帶(hô-tái) 除去(tû-khì) 了(liáu)，新郎(sin-lông) ê 心肝(sim-kuaⁿ) pho̍k-pho̍k-tsháiⁿ，腳手(kha-tshiú) phi̍h-phi̍h-tshuah，kah-ná iáu- buē 醒(tshíⁿ) 起來(khí-lâi) 一樣(tsi̍t-iūⁿ)，向前(hiòng-tsêng) 踏(ta̍h) 一步(tsi̍t-pō͘)，有(ū) 太陽(thài-iông) ê 光(kng) tuì 彩色(tshái-sik) 玻璃(po-lê) 窗(thang) 射(siā) tio̍h 伊(i) ê 面(bīn)，伊(i) 無(bô) 反應(hóan-èng)，kah-ná lóng 無(bô) 看(khòaⁿ) tio̍h ê 款(khóan)。

伊(i) ê 目睭(ba̍k-tsiu) 會(ōe) 看見(khòaⁿ-kìⁿ) mah?當(tng) 伊(i) khiā 好勢(hó-sè) ê 時(sî)，伊(i) ê 面貌(bīn-māu) 顯出(hián-tshut) 歡喜(huaⁿ-hí) 快樂(khòai-lo̍k) ê 光彩(kong-tshái)，見(kìⁿ) tio̍h 新娘(sin-niû)，就(tsiū) 向前(hiòng-tsêng) 去(khì) 到(kàu) 新娘(sin-niû) ê 面前(bīn-tsêng) kā 伊(i) 相攬(sio-lám)，伊(i) ê 目睭(ba̍k-tsiu) 一直(it-ti̍t) 看(khòaⁿ) 新娘(sin-niû) ê 面(bīn) lóng 無(bô) 徙開(sóa-khui)。

新娘(sin-niû) 大(tōa) 歡喜(huaⁿ-hí) 講(kóng)：「伊(i) 會(ōe) 看見(khòaⁿ-kìⁿ) lah，伊(i) 確實(khak-si̍t) koh 再(tsài) 看(khòaⁿ) tio̍h lah。」伊(i) tìm 頭(thâu) 回應(hôe-èng)。真正(tsin-tsiàⁿ) 是(sī) 一個(tsi̍t-ê) 真(tsin) 激動(kik-tōng) 人(lâng) ê 場面(tiûⁿ-bīn)，是(sī) 一個(tsi̍t-ê) thang 大大(tōa-tōa) 歡樂(huan-lo̍k) ê 場面(tiûⁿ-bīn)。實在(si̍t-tsāi)，tsit-ê 故事(kò͘-sū) 是(sī) 真(tsin) suí，對(tùi) 咱(lán) 也是(iā-sī) 一個(tsi̍t-ê) 淺顯(tshián-hián) ê 說明(suat-bêng)，是(sī) teh 指(kí)，基督徒(ki-tok-tô͘) tī 經過(king-kòe) 世上(sè-tsiūⁿ) ê 苦難(khó͘-lān) kap 憂傷(iu-siong) ê 日子(ji̍t-tsí) 以後(í-āu)，beh tī 天裡(thiⁿ-nih) 一定(it-tēng) 會(ōe) 發生(huat-sing) ê 事(sū)─kap 主(tsú) 面對面(bīn-tùi-bīn) ê 相會(siong-hōe)(I 哥林多(ko-lîm-to) 13：12)

親愛(tshin-ài) 主(tsú)，我(góa) 渴慕(khak-bō͘)，
真實(tsin-si̍t) 可愛(khó-ài) ê 主(tsú) 耶穌(iâ-so͘)；
稀奇(hi-kî) koh 期待(kî-thāi)，
你(lí) ê koh 再(tsài) 來(lâi)；
我(góa) 所(só͘) 做(tsòe)，所(só͘) 提倡(thê-tshiòng)，
是(sī) ài 見(kìⁿ) 你(lí) ê 面容(bīn-iông)。

大(tōa) 喜樂(hí-lo̍k) ê 日子(ji̍t-tsí)，
你(lí) koh 來(lâi) ê 時(sî)；
見(kìⁿ) 你(lí) ê 面(bīn)，聽(thiaⁿ) 你(lí) ê 聲(siaⁿ)，
一齊(tsi̍t-tsê) 快樂(khòai-lo̍k) 是(sī) 真(tsin) 是(sī) 正(tsiàⁿ)；
美好(bí-hó) ǹg 望(bāng)，我(góa) 親身(tshin-sin)，
渴慕(khak-bō͘) 見(kìⁿ) 你(lí) ê 面(bīn)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org