《台語荒漠甘泉（漢羅版）》

 | | | 轉寄

人teh做，天teh tshiâu

作者 陳清俊 譯 林俊育 漢羅翻寫 2011.04.17

listen 四月十七(四月十七日)

「Tī tsiah-ê 一切(it-tshè)，tsī-tsuī m̄ 知(tsai) 是(sī) 耶和華(iâ-hô-hua) ê 手(tshiú) 做(tsòe) án-ni?」(約伯(iok-pik) 記(kì) 12:9)

幾(kúi) nā 年(nî) 前(tsêng)，世界(sè-kài) siōng 大(tōa) siōng-suí ê 鑽石(sōan-tsio̍h) tī 非洲(hui-tsiu) 發見(huat-kiàn) 了後(liáu-āu)，將(tsiong) 這(tse) 送(sàng) hō͘ 英國(ing-kok) 國王(kok-ông)。伊(i) 想(siūⁿ) beh 鑲(siuⁿ) tī 王帽(ông-bō) 頂(téng)。將(tsiong) 鑽石(sōan-tsio̍h) the̍h 去(khì) tī 荷蘭(hô-lân)，由(iû) 專家(tsuan-ka) 來(lâi) 切切(tshiat-tshiat)。你(lí) 想(siūⁿ) tsit-ê 專家(tsuan-ka) 會(ōe) án 怎(tsóaⁿ) 做(tsòe)？

伊(i) the̍h tsit 粒(lia̍p) 價值(kè-ta̍t) 連城(liân-siâⁿ) ê 鑽石(sōan-tsio̍h)，tī 頂面(téng-bīn) 畫(ōe) 一(tsi̍t) 痕(hûn)，用(ēng) 鎚(thûi) á kā 伊(i) kòng 一下(tsi̍t-ē)。Tsit 粒(lia̍p) 鑽石(sōan-tsio̍h) tī 伊(i) ê 手中(tshiú-tiong) pit 做(tsòe) 兩(nn̄g) pîng。真正(tsin-tsiàⁿ) 是(sī) 猴腳(kâu-kha) 猴手(kâu-tshiú) ah！真(tsin) 浪費(lōng-hùi) ah！Tsiah-ni̍h 隨便(sûi-piān) 做(tsòe)，真(tsin) 不應該(put-ing-kai) ho͘h！

實際上(si̍t-tsè-siōng) m̄ 是(sī) án-ni，你(lí) kiám 知(tsai)，beh 將(tsiong) hit 粒(lia̍p) 石(tsio̍h) kòng 一下(tsi̍t-ē)，是(sī) 經過(king-kòe) 真(tsin) tsuē 日(ji̍t)，真(tsin) tsuē 時(sî) ê 研究(gián-kiù) kap 規畫(kui-ōe) tsiah án-ni 做(tsòe)。伊(i) ê 美質(bí-tsit)，伊(i) ê 瑕疵(hâ-tshû)，伊(i) ê 可能(khó-lêng) pit ê 所在(só͘-tsāi)，lóng 研究(gián-kiù) kah 真(tsin) 詳細(siông-sè)，而且(jî-tshiáⁿ) 負責(hū-tsik) 切切(tshiat-tshiat) 割(kuah) ê 人(lâng) 是(sī) 世界(sè-kài) siōng-gâu ê 寶石(pó-tsio̍h) 師傅(sai-hū)。

你(lí) 想(siūⁿ) kòng hit-ê 是(sī) 錯誤(tshò-ngō͘) ê mah？M̄ 是(sī)，反(hóan) tńg 是(sī) hit-ê 師傅(sai-hū) 本領(pún-léng) ê 表現(piáu-hiān)。Kòng tsit 下(ē)，顯露(hián-lō͘) 出(tshut) siōng 完美(ôan-bí) ê 形狀(hêng-tsōng)，光亮(kng-liāng)、高貴(ko-kùi) ê 狀態(tsōng-thài)。Kòng tsit 下(ē)，ná 親像(tshin-tshiūⁿ) 會(ōe) 毀壞(húi-hōai) hit 粒(lia̍p) 鑽石(sōan-tsio̍h)，其實(kî-si̍t) 是(sī) hō͘ 伊(i) 得(tit) tio̍h 完美(ôan-bí) ê 新生(sin-sing)，變做(pìⁿ-tsòe) 兩(nn̄g) 粒(lia̍p) 極(ke̍k) suí 無比(bû-pí) ê 寶石(pó-tsio̍h)。Tuì 石礦(tsio̍h-khòng) 所(só͘) 挖(ó͘) 出來(tshut-lâi)，外表(gōa-piáu) 粗粗(tsho͘-tsho͘)，niau-niau ê 一(tsi̍t) 粒(lia̍p)，會(ōe) 變做(pìⁿ-tsòe) 兩(nn̄g) 粒(lia̍p) 精美(tsing-bí) ê 寶石(pó-tsio̍h)，有(ū) 經驗(king-giām) ê 大(tōa) 師傅(sai-hū) ê 眼光(gán-kong)，tsiah 看(khòaⁿ) 會(ōe) 出來(tshut-lâi)。

有(ū) 一日(tsi̍t-ji̍t)，你(lí) beh 成做(tsiâⁿ-tsòe) 是(sī) 裝飾(tsng-thāⁿ) tī 王冠(ông-kuan) ê 寶石(pó-tsio̍h)。你(lí) 現在(hiān-tsāi) tī 主(tsú) ê 手中(tshiú-tiong)，伊(i) 知(tsai) án 怎(tsóaⁿ) 處理(tshú-lí) 你(lí)。除了(tû-liáu) 上帝(siōng-tè) ê 大(tōa) 疼痛(thiàⁿ-thàng) 所(só͘) 許可(hí-khó)，buē hō͘ 任何(jīm-hô)「kòng 一下(tsi̍t-ē)」落(lo̍h) tī 你(lí) 憂傷(iu-siong) ê 靈(lêng) 頂面(téng-bīn)。你(lí) thang 安心(an-sim)，tuì 你(lí) ê 經歷(king-le̍k) 會(ōe) thang 看(khòaⁿ) tio̍h 言語(giân-gí) 所(só͘) buē-tàng 表達(piáu-ta̍t) ê 祝福(tsiok-hok)，心靈(sim-lêng) buē-tàng 想像(sióng-siōng) ê 富足(hù-tsiok)。---J. H. M.

英國(ing-kok) 宗教(tsong-kàu) 小說家(sió-suat-ka) George MacDonald ê 冊(tsheh) 有(ū) án-ni 講(kóng)：「我(góa) 奇怪(kî-kòai) 上帝(siōng-tè) 為甚麼(ūi-sím-mi̍h) 創造(tshòng-tsō) 我(góa)！」另外(lēng-gōa) 一(tsi̍t) 人(lâng) 回答(hôe-tap) 講(kóng)：「可能(khó-lêng) 你(lí) iáu 看(khòaⁿ) buē 出(tshut) 甚麼(sím-mi̍h) 目的(bo̍k-tik)，伊(i) iáu-buē kā 你(lí) 創造(tshòng-tsō) 完成(ôan-sêng)，你(lí) m̄ 知(tsai) ê，是(sī) hit-ê 過程(kè-thêng)。」

人(lâng) 若(nā) 會(ōe) 相信(siong-sìn) in iáu teh 創造(tshòng-tsō) 過程(kè-thêng) 中(tiong)，將(tsiong) 家己(ka-kī) 交託(kau-thok) hō͘ 創造者(tshòng-tsō-tsiá)(就是(tsiū-sī) 上帝(siōng-tè))去(khì) 處理(tshú-lí)。伊(i) 照(tsiàu) 伊(i) ê 高超(ko-tshiau) ê 計劃(kè-ōe)，親像(tshin-tshiūⁿ) 做(tsòe) 磁(hûi) ê 師傅(sai-hū) 處理(tshú-lí) 磁土(hûi-thô͘) 一樣(tsi̍t-iūⁿ)。In 真(tsin) 緊(kín) 就(tsiū) 知(tsai)，伊(i) ê 手(tshiú)，捏(ni̍h) koh 壓(ap)，雖然(sui-jiân) 會(ōe) 痛(thiàⁿ)，lóng 是(sī) 對(tùi) in 有(?) 利益(lī-ik)，thang 接受(tsiap-siū)。有時(ū-sî)，in m̄-nā 應該(ing-kai) 相信(siong-sìn)，也(iā) 應該(ing-kai) 注意(tsù-ì) 上帝(siōng-tè) ê 旨意(tsí-ì)：「beh tshuā 真(tsin) tsuē kiáⁿ 兒(jî) 進入(tsìn-ji̍p) 榮耀(êng-iāu) ê 內面(lāi-bīn)。」(希伯來(hi-pik-lâi) 2:10)

無(bô) 一項(tsi̍t-hāng) 打擊(tá-kik) 會(ōe) 成(tsiâⁿ)，
若(nā) m̄ 是(sī) 上帝(siōng-tè) ê 疼(thiàⁿ)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org