《台語荒漠甘泉（漢羅版）》

 | | | 轉寄

看buē-tio̍h ê信

作者 陳清俊 譯 林俊育 漢羅翻寫 2011.04.24

listen 四月二四(四月二十四日)

「信(sìn) 就是(tsiū-sī) 所(só͘) ǹg 望(bāng)--ê ê 實在(si̍t-tsāi)，kap bē 看見(khòaⁿ-kìⁿ) ê 事(sū) ê 憑準(pîn-tsún)。」(希伯來(hi-pik-lâi) 11：1)
真正(tsin-tsiàⁿ) ê 信心(sìn-sim) 親像(tshin-tshiūⁿ) 將(tsiong) phue hiat 落去(lo̍h-khì) phue 桶(tháng) 以後(í-āu) 就(tsiū) 無(bô) 去(khì) 管(kóan) 伊(i)；無(bô) 信任(sìn-jīm) ê，ná 親像(tshin-tshiūⁿ) 手(tshiú) 掠(lia̍h) tī phue ê 一(tsi̍t) pîng(無(bô) 寄出(kià-tshut))，然後(jiân-āu) 煩惱(hôan-ló) 對方(tùi-hong) 為何(ūi-hô) iáu-buē 回(hôe) phue。我(góa) ê 書桌(tsu-toh) á 頂(téng) 有(ū) phue，有(ū) ê 是(sī) 幾(kúi) nā 禮拜(lé-pài) 前(tsêng) 所(só͘) 寫(siá) ê，是(sī) 因為(in-ūi) 住所(tsū-só͘) 無(bô) 確定(khak-tēng)，內容(lāi-iông) iáu-buē 好(hó)，就(tsiū) 無(bô) 寄出(kià-tshut)。Tsiah-ê phue 對(tùi) 我(góa) 對(tùi) 別人(pa̍t-lâng) lóng 無(bô) 利益(lī-ik)。我(góa) 若(nā) 無(bô) 寄出(kià-tshut)，就(tsiū) 永遠(éng-óan) buē 達到(ta̍t-kàu) 對方(tùi-hong) ê 手(tshiú)。

真正(tsin-tsiàⁿ) ê 信心(sìn-sim) 也是(iā-sī) án-ni，信心(sìn-sim) 是(sī) 將(tsiong) tāi-tsì 交託(kau-thok) 上帝(siōng-tè)，hō͘ 伊(i) 去(khì) 處理(tshú-lí)。詩篇(si-phian) 37：5 是(sī) 對(tùi) tsit 點(tiám) 極(ke̍k) 有力(ū-la̍t) ê 確認(khak-jīm)，「當(tng) 你(lí) 將(tsiong) tāi-tsì 交託(kau-thok) 耶和華(iâ-hô-hua)，倚靠(óa-khò) 伊(i)，伊(i) beh 成全(sêng-tsôan)。」伊(i) ài 咱(lán) 將(tsiong) 事(sū) 交託(kau-thok) 伊(i)，伊(i) tsiah beh 成全(sêng-tsôan)。信心(sìn-sim) 是(sī) 接受(tsiap-siū)，講(kóng) khah 正確(tsèng-khak) ê，真正(tsin-tsiàⁿ) 是(sī) tuì 上帝(siōng-tè) 得(tit) tio̍h 咱(lán) ê 禮物(lé-bu̍t)。咱(lán) 相信(siong-sìn) 伊(i)，到(kàu) 伊(i) ê 面前(bīn-tsêng)，將(tsiong) 家己(ka-kī) 交託(kau-thok) hō͘ 伊(i)，tī 伊(i) ê 內面(lāi-bīn) 得(tit) 安歇(an-hioh)。總是(tsóng-sī) 咱(lán) iáu-buē 順服(sūn-ho̍k) 來(lâi) 接受(tsiap-siū) 伊(i) 以前(í-tsêng)，buē-thang 充分(tshiong-hun) 知(tsai) 咱(lán) 所(só͘) 享受(hiáng-siū) ê 福氣(hok-khì)。──錄(lo̍k) tuì「Tī 地(tōe) ná tī 天(thiⁿ)」(from Days of Heaven upon Earth)

有(ū) 一個(tsi̍t-ê) 老(lāu) 太太(thài-thài) 為(ūi) tio̍h 伊(i) ê kiáⁿ ê 情形(tsêng-hêng) teh 擔憂(tam-iu)，Phê-sng 博士(phok-sū) (Dr.Payson)，寫(siá) phue hō͘ tsīt-ê 老(lāu) 太太(thài-thài) 講(kóng)：

「你(lí) 為(ūi) 伊(i) 過頭(kè-thâu) 操心(tshau-sim)，你(lí) 為(ūi) 伊(i) 祈禱(kî-tó)，就(tsiū) 你(lí) 已經(í-king) 做(tsòe) 過(kè)，也(iā) 將(tsiong) 伊(i) 交代(kau-tāi) hō͘ 上帝(siōng-tè)，你(lí) 就(tsiū) 無(bô) 應該(ing-kai) koh 為(ūi) 伊(i) 憂傷(iu-siong)。」上帝(siōng-tè) ài 咱(lán)「一概(it-khài) 莫得(bo̍h-tit) 掛慮(kòa-lū)」(腓立比(hui-li̍p-pí) 4：6)，是(sī) 無(bô) 留(lâu) 一點(tsi̍t-tiám) á 煩惱(hôan-ló) tī 家己(ka-kī) ê 心內(sim-lāi)。另外(lēng-gōa) 一節(tsi̍t-tsat) 經文(king-bûn)：「Lín tio̍h 將(tsiong) 一切(it-tshè) ê 掛慮(kòa-lū) 交付(kau-hù) 上帝(siōng-tè)。」(I 彼得(pí-tet) 5：7)，也是(iā-sī) án-ni ê 意思(ì-sù)。若是(nā-sī) 咱(lán) 已經(í-king) 將(tsiong) 擔(tàⁿ) 交(kau) hō͘ 別人(pa̍t-lâng)，tsit-ê 擔(tàⁿ) kiám iáu 會(ōe) teh tī 咱(lán) ê 身上(sin-tsiūⁿ) mah?是(sī) m̄ 是(sī) 咱(lán) koh 將(tsiong) 擔(tàⁿ) the̍h tńg 來(lâi)，留(lâu) tī 身邊(sin-piⁿ)，這(tse) 就(tsiū) 表示(piáu-sī) 咱(lán) 無(bô) 將(tsiong) 擔(tàⁿ) 交(kau) hō͘ 上帝(siōng-tè)。Tī 咱(lán) ê 生活(sing-o̍ah) 中(tiong)，我(góa) án-ni 試驗(tshì-giām) 我(góa) ê 祈禱(kî-tó)。我(góa) 若(nā) 將(tsiong) 一件(tsi̍t-kiāⁿ) 事(sū) 交託(kau-thok) 上帝(siōng-tè)，會(ōe) 親像(tshin-tshiūⁿ) Hap-ná án-ni (撒母耳(sat-bó͘-jíⁿ) 上(siōng) 1：18)，心(sim) 無(bô) 憂愁(iu-tshiû)、痛苦(thòng-khó͘)、憂慮(iu-lū)。我(góa) 認為(jīm-ûi) he 就(tsiū) 證明(tsèng-bêng) 我(góa) 有(ū) 信心(sìn-sim) ê 祈禱(kî-tó)。假使(ká-sú) 我(góa) 祈禱(kî-tó) 了(liáu)，iáu 有(ū) 重擔(tāng-tàⁿ)，我(góa) thang 確定(khak-tēng) 我(góa) 無(bô) 表達(piáu-ta̍t) 出(tshut) 真正(tsin-tsiàⁿ) ê 信心(sìn-sim)。


附註:《荒漠甘泉》漢羅版kap "Hong-bô͘ Kam-tsuâⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:bo͘k@pctpress.org